ਨਵੀਂ ਦਿੱਲੀ- ਭਾਰਤ ਦੇ ਚੋਟੀ ਦੇ ਟੈਨਿਸ ਖਿਡਾਰੀ ਰੋਹਨ ਬੋਪੰਨਾ ਨੇ ਗੋਡੇ ਦੀ ਸੋਜ ਕਾਰਨ ਨਾਰਵੇ ਅਤੇ ਭਾਰਤ ਵਿਚਾਲੇ ਹੋਣ ਵਾਲੇ ਡੇਵਿਸ ਕੱਪ 2022 ਵਿਸ਼ਵ ਗਰੁੱਪ-1 ਮੁਕਾਬਲੇ ਤੋਂ ਨਾਂ ਵਾਪਸ ਲੈ ਲਿਆ ਹੈ। ਬੋਪੰਨਾ ਨੇ ਸ਼ਨੀਵਾਰ ਨੂੰ ਟਵੀਟ ਕੀਤਾ, "ਦੇਸ਼ ਦੀ ਨੁਮਾਇੰਦਗੀ ਕਰਨ ਦੇ ਆਪਣੇ ਪਿਆਰ ਅਤੇ ਸਮਰਪਣ ਦੇ ਵਿਰੁੱਧ ਜਾ ਕੇ, ਮੈਂ ਇਸ ਹਫਤੇ ਨਾਰਵੇ ਦੇ ਖਿਲਾਫ ਡੇਵਿਸ ਕੱਪ ਟੀਮ ਤੋਂ ਹਟਣ ਦਾ ਫੈਸਲਾ ਕੀਤਾ ਹੈ।" ਮੇਰਾ ਗੋਡਾ ਸੁੱਜ ਗਿਆ ਹੈ ਅਤੇ ਡਾਕਟਰ ਨੇ ਅਗਲੇ ਮੁਕਾਬਲੇ ਵਿੱਚ ਹਿੱਸਾ ਲੈਣ ਤੋਂ ਪਹਿਲਾਂ ਮੈਨੂੰ ਆਰਾਮ ਕਰਨ ਦੀ ਸਲਾਹ ਦਿੱਤੀ ਹੈ।'
ਇਹ ਵੀ ਪੜ੍ਹੋ : ਭਾਰਤ-ਪਾਕਿ ਮੈਚ 'ਚ ਵਿਰੋਧੀ ਟੀਮ ਦੀ ਸ਼ਲਾਘਾ ਕਰਨ 'ਤੇ ਕਰਨਾਟਕ 'ਚ ਤਿੰਨ ਨੌਜਵਾਨਾਂ ਖਿਲਾਫ ਮਾਮਲਾ ਦਰਜ
ਆਲ ਇੰਡੀਆ ਟੈਨਿਸ ਸੰਘ (ਏ.ਆਈ.ਟੀ.ਏ.) ਨੇ ਬੋਪੰਨਾ ਦੀ ਜਗ੍ਹਾ ਟੀਮ 'ਚ ਕਿਸੇ ਹੋਰ ਖਿਡਾਰੀ ਦਾ ਐਲਾਨ ਨਹੀਂ ਕੀਤਾ ਹੈ। ਬੋਪੰਨਾ ਤੋਂ ਇਲਾਵਾ ਭਾਰਤ ਦੇ ਚੋਟੀ ਦੇ ਦਰਜਾ ਪ੍ਰਾਪਤ ਪੁਰਸ਼ ਸਿੰਗਲਜ਼ ਖਿਡਾਰੀ ਰਾਮਕੁਮਾਰ ਰਾਮਨਾਥਨ, ਸੁਮਿਤ ਨਾਗਲ, ਪ੍ਰਜਨੇਸ਼ ਗੁਣੇਸ਼ਵਰਨ, ਯੂਕੀ ਭਾਂਬਰੀ ਅਤੇ ਮੁਕੁੰਦ ਸ਼ਸੀਕੁਮਾਰ ਟਾਈ ਲਈ ਚੁਣੇ ਗਏ ਹੋਰ ਪੰਜ ਖਿਡਾਰੀ ਸਨ। ਰੋਹਨ ਬੋਪੰਨਾ ਨੇ ਦਿਵਿਜ ਸ਼ਰਨ ਦੇ ਨਾਲ ਮਿਲ ਕੇ ਮਾਰਚ ਵਿੱਚ ਡੈਨਮਾਰਕ ਖ਼ਿਲਾਫ਼ ਪਲੇਆਫ ਮੈਚ ਜਿੱਤ ਕੇ ਭਾਰਤ ਨੂੰ ਗਰੁੱਪ-1 ਵਿੱਚ ਵਾਪਸ ਲਿਆਉਣ ਵਿੱਚ ਮਦਦ ਕੀਤੀ ਸੀ।
ਇਹ ਵੀ ਪੜ੍ਹੋ : ਯੁਵਰਾਜ ਸਿੰਘ ਸੰਧੂ ਨੇ ਜਿੱਤਿਆ ਜੰਮੂ-ਕਸ਼ਮੀਰ ਓਪਨ ਗੋਲਫ ਟੂਰਨਾਮੈਂਟ
2017 ਫ੍ਰੈਂਚ ਓਪਨ ਮਿਕਸਡ ਡਬਲਜ਼ ਚੈਂਪੀਅਨ ਬੋਪੰਨਾ ਪਿਛਲੇ ਸਾਲਾਂ ਤੋਂ ਭਾਰਤ ਦੇ ਡੇਵਿਸ ਕੱਪ ਸੈੱਟਅੱਪ ਦਾ ਅਹਿਮ ਹਿੱਸਾ ਰਿਹਾ ਹੈ। ਬੋਪੰਨਾ ਨੇ ਭਾਰਤ ਲਈ ਡੇਵਿਸ ਕੱਪ ਦੇ 18 ਸੈਸ਼ਨਾਂ ਵਿੱਚ ਹਿੱਸਾ ਲਿਆ ਹੈ। ਉਹ ਸਭ ਤੋਂ ਵੱਧ ਡੇਵਿਸ ਕੱਪ ਸੀਜ਼ਨ ਖੇਡਣ ਵਾਲੇ ਭਾਰਤੀ ਖਿਡਾਰੀਆਂ ਦੀ ਸੂਚੀ ਵਿੱਚ ਸਿਰਫ਼ ਲਿਏਂਡਰ ਪੇਸ (30) ਅਤੇ ਆਨੰਦ ਅਮ੍ਰਿਤਰਾਜ (19) ਤੋਂ ਪਿੱਛੇ ਹੈ। ਭਾਰਤ ਅਤੇ ਨਾਰਵੇ ਵਿਚਾਲੇ ਡੇਵਿਸ ਕੱਪ ਟਾਈ 16 ਅਤੇ 17 ਸਤੰਬਰ ਨੂੰ ਖੇਡਿਆ ਜਾਵੇਗਾ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
ਯੁਵਰਾਜ ਸਿੰਘ ਸੰਧੂ ਨੇ ਜਿੱਤਿਆ ਜੰਮੂ-ਕਸ਼ਮੀਰ ਓਪਨ ਗੋਲਫ ਟੂਰਨਾਮੈਂਟ
NEXT STORY 
