ਸਪੋਰਟਸ ਡੈਸਕ— ਟੈਸਟ ਬੱਲੇਬਾਜ਼ ਦਾ ਠੱਪਾ ਲਵਾ ਚੁੱਕੇ ਭਾਰਤੀ ਕ੍ਰਿਕਟ ਟੀਮ ਦੇ ਭਰੋਸੇਮੰਦ ਚੇਤੇਸ਼ਵਰ ਪੁਜਾਰਾ ਦਾ ਕਹਿਣਾ ਹੈ ਕਿ ਜੇਕਰ ਉਸ ਨੂੰ ਵਨ ਡੇ 'ਚ ਮੌਕਾ ਦਿੱਤਾ ਜਾਂਦਾ ਤਾਂ ਉਹ 4 ਨੰਬਰ 'ਤੇ ਖੁਦ ਨੂੰ ਸਾਬਤ ਕਰ ਸਕਦਾ ਹੈ। ਵਿਸ਼ਵ ਕੱਪ ਵਿਚ ਭਾਰਤੀ ਟੀਮ ਦੇ ਪ੍ਰਦਰਸ਼ਨ ਤੇ ਕੋਚ ਰਵੀ ਸ਼ਾਸਤਰੀ ਦੇ ਚੌਥੇ ਨੰਬਰ 'ਤੇ ਇਕ ਮਜ਼ਬੂਤ ਬੱਲੇਬਾਜ਼ ਦੀ ਕਮੀ ਹੋਣ ਦੇ ਸਵਾਲ 'ਤੇ ਪੁਜਾਰਾ ਨੇ ਕਿਹਾ, ''ਮੈਂ ਘਰੇਲੂ ਕ੍ਰਿਕਟ 'ਚ ਪਿਛਲੇ ਇਕ ਸਾਲ ਤੋਂ ਛੋਟੇ ਫਾਰਮੈਟ ਵਿਚ ਲਗਾਤਾਰ ਚੰਗਾ ਪ੍ਰਦਰਸ਼ਨ ਕੀਤਾ ਹੈ। ਮੈਂ ਟੈਸਟ 'ਚ ਵੀ ਮਜ਼ਬੂਤੀ ਨਾਲ ਪ੍ਰਦਰਸ਼ਨ ਕਰ ਰਿਹਾ ਹਾਂ। ਜੇ ਮੈਂ ਟੈਸਟ ਵਿਚ ਚੰਗਾ ਕਰ ਸਕਦਾ ਹਾਂ ਤਾਂ ਮੈਂ ਵਨ ਡੇ 'ਚ ਵੀ ਚੰਗਾ ਪ੍ਰਦਰਸ਼ਨ ਕਰ ਸਕਦਾ ਹਾਂ।''
ਪੁਜਾਰਾ ਨੇ ਨਾਲ ਹੀ ਕਿਹਾ, ''ਮੇਰਾ ਧਿਆਨ ਹੁਣ ਪੂਰੀ ਤਰ੍ਹਾਂ ਆਗਾਮੀ ਵੈਸਟਇੰਡੀਜ਼ ਦੌਰੇ ਅਤੇ ਟੈਸਟ ਚੈਂਪੀਅਨਸ਼ਿਪ 'ਤੇ ਟਿਕਿਆ ਹੋਇਆ ਹੈ। ਮੈਂ ਇਸ ਦੌਰੇ ਲਈ ਸਖਤ ਅਭਿਆਸ ਕਰ ਰਿਹਾ ਹਾਂ। ਸਾਨੂੰ ਦੌਰਾ ਸ਼ੁਰੂ ਹੋਣ ਤੋਂ ਪਹਿਲਾਂ ਇਕ ਅਭਿਆਸ ਮੈਚ ਖੇਡਣਾ ਹੈ। ਤੇਜ਼ ਅਤੇ ਉਛਾਲ ਵਾਲੀਆਂ ਪਿੱਚਾਂ 'ਤੇ ਖੇਡਣ ਦੀ ਮੇਰੀ ਤਿਆਰੀ ਚੱਲ ਰਹੀ ਹੈ ਅਤੇ ਅਸੀਂ ਉਮੀਦ ਕਰ ਸਕਦੇ ਹਾਂ ਕਿ ਇਸ ਦੌਰੇ 'ਚ ਟੀਮ ਇੰਡੀਆ ਸ਼ਾਨਦਾਰ ਪ੍ਰਦਰਸ਼ਨ ਕਰੇਗੀ।''
ਪੁਜਾਰਾ ਨੇ ਕਿਹਾ, ''ਪਰ ਟੀਮ 'ਚ ਚੁਣਿਆ ਜਾਣਾ ਮੇਰੇ ਹੱਥ 'ਚ ਨਹੀਂ ਹੈ। ਇਕ ਚੰਗੇ ਬੱਲੇਬਾਜ਼ ਦੇ ਤੌਰ 'ਤੇ ਮੇਰੀ ਇੱਛਾ ਹੈ ਕਿ ਮੈਂ ਖੇਡ ਦੇ ਤਿੰਨੋਂ ਫਾਰਮੈਟਾਂ 'ਚ ਖੇਡਾਂ 'ਤੇ ਮੇਰੇ ਅੰਦਰ ਇਹ ਕਰ ਸਕਣ ਦੀ ਸਮਰੱਥਾ ਹੈ। ਮੇਰੇ ਅੰਦਰ ਹੁਣ ਵੀ ਵਨ ਡੇ 'ਚ ਖੇਡਣ ਦੀ ਇੱਛਾ ਬਾਕੀ ਹੈ।''
ਸਟ੍ਰਾਈਕੋਵਾ-ਸੂ ਵੇਈ ਨੇ ਜਿੱਤਿਆ ਵਿੰਬਲਡਨ ਡਬਲਜ਼ ਖਿਤਾਬ
NEXT STORY 
