ਸਪੋਰਟਸ ਡੈਸਕ- ਪੰਜਾਬੀ ਸਿਨੇਮਾ ਵਿੱਚ ਕਾਮੇਡੀ ਦੇ ਬਾਦਸ਼ਾਹ ਜਸਵਿੰਦਰ ਭੱਲਾ ਦੇ ਅਚਾਨਕ ਦੇਹਾਂਤ ਨੇ ਇੰਡਸਟਰੀ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ। ਆਪਣੇ ਹੱਸਮੁੱਖ ਸੁਭਾਅ ਅਤੇ ਕਾਮੇਡੀ ਅੰਦਾਜ਼ ਨਾਲ ਲੋਕਾਂ ਦੇ ਚਿਹਰਿਆਂ 'ਤੇ ਮੁਸਕਰਾਹਟ ਲਿਆਉਣ ਵਾਲੇ ਜਸਵਿੰਦਰ ਭੱਲਾ ਦਾ 65 ਸਾਲ ਦੀ ਉਮਰ ਵਿੱਚ ਮੋਹਾਲੀ ਵਿੱਚ ਦੇਹਾਂਤ ਹੋ ਗਿਆ। ਪੰਜਾਬੀ ਫਿਲਮ ਇੰਡਸਟਰੀ ਦੇ ਨਾਲ ਹੀ ਉਨ੍ਹਾਂ ਦੇ ਦੇਹਾਂਤ ਨਾਲ ਕ੍ਰਿਕਟ ਜਗਤ 'ਚ ਵੀ ਸੋਗ ਦੀ ਲਹਿਰ ਛਾਅ ਗਈ ਹੈ। ਕਈ ਮਸ਼ਹੂਰ ਕ੍ਰਿਕਟਰ ਉਨ੍ਹਾਂ ਦੇ ਦੇਹਾਂਤ 'ਤੇ ਭਾਵੁਕ ਸ਼ਰਧਾਂਜਲੀ ਦੇ ਰਹੇ ਹਨ। ਕ੍ਰਿਕਟਰ ਹਰਭਜਨ ਸਿੰਘ, ਸ਼ਿਖਰ ਧਵਨ ਅਤੇ ਸੁਰੇਸ਼ ਰੈਨਾ ਨੇ ਸੋਸ਼ਲ ਮੀਡੀਆ 'ਤੇ ਜਸਵਿੰਦਰ ਭੱਲਾ ਨੂੰ ਭਾਵੁਕ ਸ਼ਰਧਾਂਜਲੀ ਦਿੱਤੀ ਹੈ।
ਇਹ ਵੀ ਪੜ੍ਹੋ- ਬੰਦ ਹੋਣ ਵਾਲਾ ਹੈ Dream11! ਜਾਣੋ ਹੁਣ ਤੁਹਾਡੇ ਪੈਸਿਆਂ ਦਾ ਕੀ ਹੋਵੇਗਾ
ਹਰਭਜਨ ਸਿੰਘ ਹੋਏ ਭਾਵੁਕ
ਇਹ ਵੀ ਪੜ੍ਹੋ- Asia Cup ਤੋਂ ਪਹਿਲਾਂ ਹੈੱਡ ਕੋਚ ਗੌਤਮ ਗੰਭੀਰ 'ਤੇ ਲੱਗਾ ਸਨਸਨੀਖੇਜ਼ ਦੋਸ਼!
ਕ੍ਰਿਕਟਰ ਹਰਭਾਨ ਸਿੰਘ ਨੇ ਐਕਸ 'ਤੇ ਲਿਖਿਆ - ਪੰਜਾਬੀ ਸਿਨੇਮਾ, ਮੇਰੇ ਪਿਆਰੇ ਦੋਸਤ ਅਤੇ ਉਨ੍ਹਾਂ ਸਾਰਿਆਂ ਲਈ ਇੱਕ ਦਿਲ ਤੋੜਨ ਵਾਲਾ ਦਿਨ ਹੈ। ਅਸੀਂ ਸਾਰੇ ਜਸਵਿੰਦਰ ਭੱਲਾ ਦੀ ਕਾਮੇਡੀ ਅਤੇ ਵਿਅੰਗ ਦੀ ਵਿਲੱਖਣ ਸ਼ੈਲੀ ਤੋਂ ਹੱਸਦੇ ਅਤੇ ਸਿੱਖਦੇ ਹੋਏ ਵੱਡੇ ਹੋਏ ਹਾਂ। ਉਹ ਸਿਰਫ਼ ਇੱਕ ਅਦਾਕਾਰ ਹੀ ਨਹੀਂ ਸੀ - ਉਹ ਇੱਕ ਸੱਭਿਆਚਾਰਕ ਪ੍ਰਤੀਕ ਸੀ ਜਿਸਨੇ ਪੰਜਾਬ ਦੇ ਬੁੱਧੀ, ਸਿਆਣਪ ਅਤੇ ਰੋਜ਼ਾਨਾ ਸੰਘਰਸ਼ਾਂ ਨੂੰ ਬੇਮਿਸਾਲ ਮਾਣ ਨਾਲ ਪੇਸ਼ ਕੀਤਾ।
ਸ਼ਿਖਰ ਧਵਨ ਨੇ ਜਸਵਿੰਦਰ ਭੱਲਾ ਨੂੰ ਕੀਤਾ ਯਾਦ
ਇਹ ਵੀ ਪੜ੍ਹੋ- ਗਿੱਲ ਨੂੰ ਨਹੀਂ, ਇਸ ਖਿਡਾਰੀ ਨੂੰ Vice captain ਬਣਾਉਣਾ ਚਾਹੁੰਦੇ ਸੀ ਅਗਰਕਰ
ਸ਼ਿਖਰ ਧਵਨ ਨੇ ਐਕਸ 'ਤੇ ਭੱਲਾ ਦੀ ਇਕ ਤਸਵੀਰ ਸ਼ੇਅਰ ਕਰਦੇ ਹੋਏ ਆਪਣੀ ਪੋਸਟ 'ਚ ਲਿਖਿਆ- ਮਹਾਨ ਅਭਿਨੇਤਾ ਜਸਵਿੰਦਰ ਭੱਲਾ ਦੇ ਦੇਹਾਂਤ ਦੀ ਖਬਰ ਸੁਣਕੇ ਮੈਨੂੰ ਡੁੰਘਾ ਸਦਮਾ ਪਹੁੰਚਿਆ ਹੈ। ਪੰਜਾਬੀ ਸਿਨੇਮਾ 'ਚ ਉਨ੍ਹਾਂ ਦੇ ਯੋਗਦਾਨ ਅਤੇ ਜੋ ਉਨ੍ਹਾਂ ਨੇ ਲੱਖਾਂ ਲੋਕਾਂ ਦੀਆਂ ਖੁਸ਼ੀਆਂ ਦਿੱਤੀਆਂ ਹਨ ਉਸਨੂੰ ਹਮੇਸ਼ਾ ਯਾਦ ਰੱਖਿਆ ਜਾਵੇਗਾ। ਉਨ੍ਹਾਂ ਦੇ ਪਰਿਵਾਰ ਅਤੇ ਚਾਹੁਣ ਵਾਲਿਆਂ ਪ੍ਰਤੀ ਮੇਰੀ ਹਮਦਰਦੀ ਹੈ।
ਇਹ ਵੀ ਪੜ੍ਹੋ- ਵਨਡੇ 'ਚੋਂ ਵੀ ਸੰਨਿਆਸ ਲੈਣਗੇ ਵਿਰਾਟ ਕੋਹਲੀ!
ਹੁਣ ਬੈਂਗਲੁਰੂ 'ਚ ਨਹੀਂ ਖੇਡਿਆ ਜਾਵੇਗਾ ਵਰਲਡ ਕੱਪ, BCCI ਨੇ ਲਿਆ ਵੱਡਾ ਫ਼ੈਸਲਾ
NEXT STORY 
