ਲੰਡਨ— ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਭਾਰਤ ਦੇ ਚੌਥੇ ਤੇ ਦੁਨੀਆ ਦੇ 12ਵੇਂ 10 ਹਜ਼ਾਰੀ ਬਣ ਗਏ ਹਨ। ਸਾਬਕਾ ਕਪਤਾਨ ਤੇ ਵਿਕਟਕੀਪਰ ਧੋਨੀ ਇਸ ਸੀਰੀਜ਼ ਦੇ ਸ਼ੁਰੂ ਹੋਣ ਤੋਂ ਪਹਿਲਾਂ 318 ਮੈਚਾਂ 'ਚ 51.37 ਦੀ ਔਸਤ ਨਾਲ 9967 ਦੌੜਾਂ ਬਣਾ ਚੁੱਕੇ ਸਨ ਤੇ ਉਸ ਨੂੰ 10 ਹਜ਼ਾਰੀ ਦੌੜਾਂ ਲਈ 33 ਦੌੜਾਂ ਦੀ ਜਰੂਰਤ ਸੀ। ਧੋਨੀ ਨੂੰ ਪਹਿਲੇ ਵਨ ਡੇ 'ਚ ਬੱਲੇਬਾਜ਼ੀ ਕਰਨ ਦਾ ਮੌਕਾ ਨਹੀਂ ਮਿਲਿਆ ਸੀ, ਜਿਸ 'ਚ ਭਾਰਤ ਨੇ ਇੰਗਲੈਂਡ ਨੂੰ 8 ਵਿਕਟਾਂ ਨਾਲ ਹਰਾਇਆ ਸੀ, ਧੋਨੀ ਨੇ ਇੰਗਲੈਂਡ ਖਿਲਾਫ ਸ਼ਨੀਵਾਰ ਨੂੰ ਦੂਜੇ ਵਨ ਡੇ 'ਚ 33 ਦੌੜਾਂ ਬਣਾ ਕੇ ਇਹ ਉਪਲੱਬਧੀ ਹਾਸਲ ਕਰ ਲਈ। ਧੋਨੀ ਨੇ ਇਸ ਤੋਂ ਪਹਿਲਾਂ ਇਸ ਮੈਚ 'ਚ ਹੀ ਵਿਕਟ ਦੇ ਪਿੱਛੇ 300 ਕੈਚ ਪੂਰੇ ਕਰ ਲਈ ਸਨ।
ਵਨ ਡੇ ਮੈਚਾਂ 'ਚ ਸਚਿਨ ਤੇਂਦੁਲਕਰ 18426 ਦੌੜਾਂ ਦੇ ਨਾਲ ਨੰਬਰ ਇਕ ਬੱਲੇਬਾਜ਼ ਹਨ। ਭਾਰਤ ਵਲੋਂ ਸੌਰਵ ਗਾਂਗੁਲੀ 11363 ਤੇ ਰਾਹੁਲ ਦ੍ਰਾਵਿੜ 10889 ਦੌੜਾਂ ਨਾਲ 10 ਹਜ਼ਾਰੀ ਬਣਨ ਵਾਲੇ 2 ਹੋਰ ਬੱਲੇਬਾਜ਼ ਹਨ। ਧੋਨੀ ਇਸ ਕਲੱਬ 'ਚ ਸ਼ਾਮਲ ਹੋਣ ਵਾਲੇ ਭਾਰਤ ਦੇ ਚੌਥੇ ਤੇ ਦੁਨੀਆ ਦੇ 12ਵੇਂ ਬੱਲੇਬਾਜ਼ ਬਣ ਗਏ ਹਨ।
ਧੋਨੀ ਨੇ 320 ਮੈਚਾਂ 'ਚ 273ਵੀਂ ਪਾਰੀ 'ਚ ਇਹ ਉਪਲੱਬਧੀ ਹਾਸਲ ਕੀਤੀ। ਧੋਨੀ ਸਭ ਤੋਂ ਤੇਜ਼ 10000 ਦੌੜਾਂ ਪੂਰੀਆਂ ਕਰਨ ਵਾਲੇ 5ਵੇਂ ਬੱਲੇਬਾਜ਼ ਬਣ ਗਏ ਹਨ। ਸਚਿਨ ਨੇ 259, ਗਾਂਗੁਲੀ 263, ਆਸਟਰੇਲੀਆ ਦੇ ਰਿੱਕੀ ਪੋਂਟਿੰਗ ਨੇ 266 ਤੇ ਦੱਖਣੀ ਅਫਰੀਕਾ ਦੇ ਜੈਕਸ ਕੈਲਿਸ ਨੇ 272 ਪਾਰੀਆਂ 'ਚ 10 ਹਜ਼ਾਰ ਦੌੜਾਂ ਪੂਰੀਆਂ ਕੀਤੀਆਂ ਸਨ।
ਭਾਰਤ ਨੇ ਆਇਰਲੈਂਡ ਨੂੰ 5-0 ਨਾਲ ਹਰਾਇਆ
NEXT STORY 
