ਸਪੋਰਟਸ ਡੈਸਕ— ਆਸਟ੍ਰੇਲੀਆ 'ਚ ਚੱਲ ਰਹੇ ਟੀ-20 ਵਿਸ਼ਵ ਕੱਪ 'ਚ ਕੇ. ਐੱਲ. ਰਾਹੁਲ ਨੇ ਅਜੇ ਤੱਕ ਬੱਲੇ ਨਾਲ ਚੰਗਾ ਪ੍ਰਦਰਸ਼ਨ ਨਹੀਂ ਕੀਤਾ ਹੈ ਅਤੇ ਉਸ ਨੂੰ ਆਲੋਚਨਾਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਪਰ ਭਾਰਤੀ ਕ੍ਰਿਕਟ ਟੀਮ ਦੇ ਮੁੱਖ ਕੋਚ ਰਾਹੁਲ ਦ੍ਰਾਵਿੜ ਨੇ ਕਿਹਾ ਕਿ ਟੀਮ ਨੂੰ ਭਰੋਸਾ ਹੈ ਕਿ ਇਹ ਸਲਾਮੀ ਬੱਲੇਬਾਜ਼ ਆਉਣ ਵਾਲੇ ਮੈਚਾਂ ਵਿੱਚ ਚੰਗਾ ਪ੍ਰਦਰਸ਼ਨ ਕਰੇਗਾ। ਕੇ. ਐਲ. ਰਾਹੁਲ ਨੇ ਹੁਣ ਤੱਕ ਤਿੰਨ ਟੀ-20 ਵਿਸ਼ਵ ਕੱਪ ਮੈਚਾਂ ਵਿੱਚ 9, 9, 4 ਦੌੜਾਂ ਨਾਲ ਕੁੱਲ 22 ਦੌੜਾਂ ਬਣਾਈਆਂ ਹਨ।
ਦ੍ਰਾਵਿੜ ਨੇ ਬੰਗਲਾਦੇਸ਼ ਦੇ ਖਿਲਾਫ ਮੈਚ ਤੋਂ ਪਹਿਲਾਂ ਪ੍ਰੈੱਸ ਕਾਨਫਰੰਸ 'ਚ ਕਿਹਾ ਕਿ ਉਹ ਇਕ ਚੰਗਾ ਖਿਡਾਰੀ ਹੈ। ਕੇ. ਐੱਲ. ਰਾਹੁਲ ਚੰਗੀ ਬੱਲੇਬਾਜ਼ੀ ਕਰਦਾ ਰਿਹਾ ਹੈ ਅਤੇ ਕਦੀ-ਕਦੀ ਬੱਲਾ ਨਹੀਂ ਚਲਦਾ। ਅਸੀਂ ਇੱਕ ਖਿਡਾਰੀ ਦੇ ਰੂਪ ਵਿੱਚ ਉਸਦੀ ਗੁਣਵੱਤਾ ਨੂੰ ਜਾਣਦੇ ਹਾਂ। ਸਾਨੂੰ ਉਸ ਦੇ ਚੰਗੇ ਪ੍ਰਦਰਸ਼ਨ 'ਤੇ ਭਰੋਸਾ ਹੈ।
ਇਹ ਵੀ ਪੜ੍ਹੋ : ਸ਼ੁਭਮਨ ਨੇ ਭਾਰਤੀ ਟੀ20 ਟੀਮ 'ਚ ਚੋਣ ਤੋਂ ਬਾਅਦ ਖੇਡੀ ਸੈਂਕੜੇ ਵਾਲੀ ਪਾਰੀ, 55 ਗੇਂਦਾਂ 'ਚ ਬਣਾਈਆਂ 126 ਦੌੜਾਂ
ਇਸ ਪੂਰੇ ਸਾਲ ਦੌਰਾਨ, ਕੇ. ਐੱਲ. ਕੋਵਿਡ-19 ਅਤੇ ਸੱਟਾਂ ਕਾਰਨ ਬਹੁਤ ਸਾਰੇ ਮੈਚਾਂ ਤੋਂ ਖੁੰਝ ਗਿਆ। ਰਾਹੁਲ ਨੇ ਇਸ ਸਾਲ 13 ਮੈਚਾਂ 'ਚ 27.33 ਦੀ ਔਸਤ ਨਾਲ 328 ਦੌੜਾਂ ਬਣਾਈਆਂ ਹਨ। ਉਸ ਦੇ ਬੱਲੇ ਤੋਂ ਚਾਰ ਅਰਧ ਸੈਂਕੜੇ ਨਿਕਲੇ ਹਨ, ਜਿਸ ਵਿਚ ਉਸ ਦਾ ਨਿੱਜੀ ਸਰਵੋਤਮ 62 ਦੌੜਾਂ ਹੈ। ਇਸ ਸਾਲ ਉਸ ਦਾ ਸਟ੍ਰਾਈਕ ਰੇਟ 121.03 ਹੈ ਜੋ 20 ਓਵਰਾਂ ਦੇ ਫਾਰਮੈਟ ਲਈ ਚੰਗਾ ਨਹੀਂ ਮੰਨਿਆ ਜਾਂਦਾ ਹੈ।
ਟੀ-20 ਵਿਸ਼ਵ ਕੱਪ 'ਚ ਭਾਰਤ ਦੀ ਮੁਹਿੰਮ ਦੀ ਗੱਲ ਕਰੀਏ ਤਾਂ ਦੱਖਣੀ ਅਫਰੀਕਾ ਤੋਂ 5 ਵਿਕਟਾਂ ਨਾਲ ਹਾਰਨ ਤੋਂ ਬਾਅਦ ਹੁਣ ਭਾਰਤ ਜਿੱਤ ਦੇ ਇਰਾਦੇ ਨਾਲ 2 ਨਵੰਬਰ ਬੁੱਧਵਾਰ ਨੂੰ ਬੰਗਲਾਦੇਸ਼ ਦਾ ਸਾਹਮਣਾ ਕਰੇਗਾ। ਭਾਰਤ ਦੇ ਤਿੰਨ ਮੈਚਾਂ ਵਿੱਚ ਦੋ ਜਿੱਤਾਂ ਅਤੇ ਇੱਕ ਹਾਰ ਦੇ ਨਾਲ 4 ਅੰਕ ਹਨ ਜਦਕਿ ਬੰਗਲਾਦੇਸ਼ ਨੇ ਵੀ ਤਿੰਨ ਮੈਚਾਂ ਵਿੱਚੋਂ ਦੋ ਜਿੱਤੇ ਹਨ ਪਰ ਨੈੱਟ ਰਨ ਰੇਟ ਦੇ ਕਾਰਨ 4 ਅੰਕਾਂ ਨਾਲ ਤੀਜੇ ਸਥਾਨ 'ਤੇ ਹੈ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
ਸ਼ੁਭਮਨ ਨੇ ਭਾਰਤੀ ਟੀ20 ਟੀਮ 'ਚ ਚੋਣ ਤੋਂ ਬਾਅਦ ਖੇਡੀ ਸੈਂਕੜੇ ਵਾਲੀ ਪਾਰੀ, 55 ਗੇਂਦਾਂ 'ਚ ਬਣਾਈਆਂ 126 ਦੌੜਾਂ
NEXT STORY 
