ਡਾਰਟਮੰਡ (ਜਰਮਨੀ) – ਅਲਬਾਨੀਆ ਦੇ ਨੇਦਿਮ ਬਜਰਾਮੀ ਨੇ ਖੇਡ ਸ਼ੁਰੂ ਹੋਣ ਤੋਂ ਬਾਅਦ 23ਵੇਂ ਸੈਕੰਡ ਵਿਚ ਗੋਲ ਕਰਕੇ ਯੂਰਪੀਅਨ ਫੁੱਬਾਲ ਚੈਂਪੀਅਨਸ਼ਿਪ ਵਿਚ ਸਭ ਤੋਂ ਤੇਜ਼ ਗੋਲ ਕਰਨ ਦਾ ਰਿਕਾਰਡ ਬਣਾਇਆ ਪਰ ਇਹ ਮੌਜੂਦਾ ਚੈਂਪੀਅਨ ਇਟਲੀ ’ਤੇ ਜਿੱਤ ਦਰਜ ਕਰਨ ਲਈ ਲੋੜੀਂਦਾ ਨਹੀਂ ਸੀ, ਜਿਸ ਨੇ 2-1 ਨਾਲ ਜਿੱਤ ਦਰਜ ਕਰਕੇ ਆਪਣੀ ਮੁਹਿੰਮ ਦੀ ਸ਼ਾਨਦਾਰ ਸ਼ੁਰੂਆਤ ਕੀਤੀ।
ਬਜਰਾਮੀ ਨੇ ਯੂਰਪੀਅਨ ਚੈਂਪੀਅਨਸ਼ਿਪ ਦੇ 64 ਸਾਲ ਦੇ ਇਤਿਹਸ ਵਿਚ ਸਭ ਤੋਂ ਤੇਜ਼ ਗੋਲ ਕੀਤਾ ਪਰ ਅਲਬਾਨੀਆ ਇਸ ਤੋਂ ਬਾਅਦ ਇਟਲੀ ’ਤੇ ਦਬਾਅ ਨਹੀਂ ਬਣਾ ਸਕਿਆ, ਜਿਸ ਨੇ ਜਲਦ ਹੀ ਵਾਪਸੀ ਕਰਕੇ ਮੈਚ ’ਤੇ ਆਪਣਾ ਕੰਟਰੋਲ ਬਣਾ ਦਿੱਤਾ ਤੇ ਉਲਟਫੇਰ ਦੀ ਕਿਸੇ ਵੀ ਸੰਭਾਵਨਾ ਨੂੰ ਰੱਦ ਕਰ ਦਿੱਤਾ।
ਇਹ ਖ਼ਬਰ ਵੀ ਪੜ੍ਹੋ- ਚਿਰਾਗ ਪਾਸਵਾਨ 'ਤੇ ਦਿਲ ਹਾਰੀ ਇਹ ਅਦਾਕਾਰਾ
ਅਲਬਾਨੀਆ ਦੇ ਸਮਰਥਕ ਅਜੇ ਆਪਣੀ ਟੀਮ ਦੀ ਸ਼ੁਰੂਆਤੀ ਬੜ੍ਹਤ ਦਾ ਜਸ਼ਨ ਮਨਾ ਹੀ ਰਹੇ ਸਨ ਕਿ ਐਲੇਸੇਂਡ੍ਰੋ ਬਸਤੋਨੀ ਨੇ ਇਟਲੀ ਵੱਲੋਂ ਬਰਾਬਰੀ ਦਾ ਗੋਲ ਕਰ ਦਿੱਤਾ। ਬਸਤੋਨੀ ਨੇ 11ਵੇਂ ਮਿੰਟ ਵਿਚ ਲੋਰੇਂਜੋ ਪੇਲੇਗ੍ਰਿਨੀ ਦੇ ਕ੍ਰਾਸ ’ਤੇ ਹੈੱਡਰ ਨਾਲ ਗੋਲ ਕੀਤਾ ਜਦਕਿ ਨਿਕੋਲੋ ਬਰੇਲਾ ਨੇ 16ਵੇਂ ਮਿੰਟ ਵਿਚ ਗੋਲ ਕਰਕੇ ਇਟਲੀ ਨੂੰ ਬੜ੍ਹਤ ਦਿਵਾ ਦਿੱਤੀ ਜਿਹੜੀ ਉਸ ਨੇ ਆਖਿਰ ਤਕ ਬਰਕਰਾਰ ਰੱਖੀ।
ਇਹ ਖ਼ਬਰ ਵੀ ਪੜ੍ਹੋ- ਬਾਗੇਸ਼ਵਰ ਧਾਮ ਪੁੱਜੇ ਸੰਜੇ ਦੱਤ, ਬਾਲਾਜੀ ਮਹਾਰਾਜ ਦੇ ਦਰਸ਼ਨ ਕਰ ਬੋਲੇ ਫਿਰ ਆਵਾਗਾਂ ਦੁਬਾਰਾ
ਇਟਲੀ ਲਈ ਇਹ ਜਿੱਤ ਬੇਹੱਦ ਜ਼ਰੂਰੀ ਸੀ ਕਿਉਂਕਿ ਗਰੁੱਪ-ਬੀ ਵਿਚ ਉਸਦਾ ਸਾਹਮਣਾ ਅੱਗੇ ਤਿੰਨ ਵਾਰ ਦੇ ਚੈਂਪੀਅਨ ਸਪੇਨ ਤੇ 2022 ਵਿਚ ਵਿਸ਼ਵ ਕੱਪ ਦੇ ਸੈਮੀਫਾਈਨਲ ਵਿਚ ਪਹੁੰਚਣ ਵਾਲੀ ਕ੍ਰੋਏਸ਼ੀਆਈ ਟੀਮ ਨਾਲ ਹੋਵੇਗਾ। ਸਪੇਨ ਨੇ ਕ੍ਰੋਏਸ਼ੀਆ ਨੂੰ 3-0 ਨਾਲ ਹਰਾਇਆ। ਬਜਰਾਮੀ ਦੇ ਗੋਲ ਨੇ ਹਾਲਾਂਕਿ ਇਟਲੀ ਨੂੰ ਹੈਰਾਨੀ ਵਿਚ ਪਾ ਦਿੱਤਾ। ਯੂਰਪੀਅਨ ਚੈਂਪੀਅਨਸ਼ਿਪ ਵਿਚ ਇਸ ਤੋਂ ਪਹਿਲਾਂ ਸਭ ਤੋਂ ਤੇਜ਼ ਗੋਲ ਕਰਨ ਦਾ ਰਿਕਾਰਡ ਰੂਸ ਦੇ ਦਿਮ੍ਰਿਤ੍ਰੀ ਕਿਰੀਚੇਂਕੋ ਦੇ ਨਾਂ ਸੀ, ਜਿਸ ਨੇ 2004 ਵਿਚ 67 ਸੈਕੰਡ ਵਿਚ ਗੋਲ ਕੀਤਾ ਸੀ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਇੰਗਲੈਂਡ ਨੇ ਨਾਮੀਬੀਆ ਨੂੰ 42 ਦੌੜਾਂ ਨਾਲ ਹਰਾਇਆ
NEXT STORY 
