ਪੋਟਚੇਫਸਟਰੂਮ (ਦੱਖਣੀ ਅਫਰੀਕਾ)- ਟੋਕੀਓ ਓਲੰਪਿਕ ਖੇਡਾਂ ਦੀ ਕਾਂਸੀ ਤਮਗਾ ਜੇਤੂ ਭਾਰਤੀ ਪੁਰਸ਼ ਹਾਕੀ ਟੀਮ ਨੇ ਬੁੱਧਵਾਰ ਨੂੰ ਇੱਥੇ ਦੱਖਣੀ ਅਫਰੀਕਾ ਨੂੰ 10-2 ਨਾਲ ਹਰਾ ਕੇ ਐੱਫ. ਆਈ. ਐੱਚ. ਹਾਕੀ ਪ੍ਰੋ ਲੀਗ 2021-22 ਵਿਚ ਲਗਾਤਾਰ ਦੂਜੀ ਜਿੱਤ ਦਰਜ ਕੀਤੀ।
ਆਪਣਾ ਦੂਜਾ ਅੰਤਰਰਾਸ਼ਟਰੀ ਮੈਚ ਖੇਡ ਰਹੇ ਨੌਜਵਾਨ ਭਾਰਤੀ ਡ੍ਰੈਗ ਫਿਲਕਰ ਜੁਗਰਾਜ ਸਿੰਘ ਨੇ ਗੋਲਾਂ ਦੀ ਹੈਟ੍ਰਿਕ ਲਗਾ ਕੇ ਟੀਮ ਨੂੰ ਇਹ ਵੱਡੀ ਜਿੱਤ ਦਿਵਾਈ। ਉਨ੍ਹਾਂ ਨੇ ਚੌਥੇ, 6ਵੇਂ ਅਤੇ 23ਵੇਂ ਮਿੰਟ ਵਿਚ ਪੈਨਲਟੀ ਕਾਰਨਰ ਦੇ ਰਾਹੀਂ ਤਿੰਨ ਗੋਲ ਕੀਤੇ। ਉਸ ਤੋਂ ਇਲਾਵਾ ਨੌਜਵਾਨ ਫਾਰਵਰਡ ਗੁਰਸਾਹਿਬਜੀਤ ਸਿੰਘ (24,36) ਅਤੇ ਦਿਲਪ੍ਰੀਤ ਸਿੰਘ (25,58) ਨੇ 2-2, ਜਦਕਿ ਅਨੁਭਵੀ ਫਾਰਵਰਡ ਮਨਦੀਪ ਸਿੰਘ (27), ਨੌਜਵਾਨ ਡਿਫੈਂਡਰ ਅਭਿਸ਼ੇਕ ਲਾਕੜਾ (12) ਅਤੇ ਉਪ ਕਪਤਾਨ ਹਰਮਨਪ੍ਰੀਤ ਸਿੰਘ (2) ਨੇ ਇਕ-ਇਕ ਗੋਲ ਕੀਤੇ।
ਭਾਰਤ ਨੇ ਮੈਚ ਦੀ ਸ਼ੁਰੂਆਤ ਤੋਂ ਹੀ ਹਮਲਾਵਰ ਰੁਖ ਅਪਣਾਇਆ। ਹਰਮਨਪ੍ਰੀਤ ਨੇ ਦੂਜੇ ਹੀ ਮਿੰਟ ਵਿਚ ਪੈਨਲਟੀ ਕਾਰਨਰ ਨਾਲ ਗੋਲ ਦਾ ਖਾਤਾ ਖੋਲ੍ਹਿਆ। ਚੌਥੇ ਮਿੰਟ ਵਿਚ ਮਿਲੇ ਇਕ ਹੋਰ ਪੈਨਲਟੀ ਕਾਰਨਰ ਨੂੰ ਜੁਗਰਾਜ ਨੇ ਗੋਲਪੋਸਟ ਵਿਚ ਭੇਜਿਆ ਅਤੇ ਸਿਰਫ ਚਾਰ ਮਿੰਟ ਵਿਚ ਹੀ 2-0 ਦੀ ਬੜ੍ਹਤ ਬਣਾ ਲਈ। ਲੈਅ ਵਿਚ ਦਿਖ ਰਹੇ ਜੁਗਰਾਜ ਇੱਥੇ ਨਹੀਂ ਰੁਕੇ ਅਤੇ 6ਵੇਂ ਮਿੰਟ ਵਿਚ ਇਕ ਹੋਰ ਪੈਨਲਟੀ ਕਾਰਨਰ ਨੂੰ ਗੋਲ ਵਿਚ ਤਬਦੀਲ ਕਰ ਬੜ੍ਹਤ ਨੂੰ 3-0 ਕਰ ਦਿੱਤਾ। ਇਸ ਤੋਂ ਬਾਅਦ ਅਭਿਸ਼ੇਕ ਨੇ 12ਵੇਂ ਮਿੰਟ ਵਿਚ ਸ਼ਾਨਦਾਰ ਫੀਲਡ ਗੋਲ ਕਰ ਪਹਿਲੇ ਕੁਆਰਟਰ ਦਾ 4-0 ਦਾ ਮਜ਼ਬੂਤ ਸਕੋਰ 'ਤੇ ਖਤਮ ਕੀਤਾ।
ਦੂਜੇ ਕੁਆਰਟਰ ਵਿਚ ਭਾਰਤੀ ਟੀਮ ਅਤੇ ਜ਼ਿਆਦਾ ਘਾਤਕ ਨਜ਼ਰ ਆਈ ਅਤੇ ਇਕ ਤੋਂ ਬਾਅਦ ਇਕ ਗੋਲ ਕੀਤੇ। ਤੀਜੇ ਕੁਆਰਟਰ ਦੀ ਸ਼ੁਰੂਆਤ ਵੀ ਇਸ ਤਰ੍ਹਾਂ ਹੋਈ। ਗੁਰਸਾਹਿਬਜੀਤ ਨੇ 36ਵੇਂ ਮਿੰਟ ਵਿਚ ਫੀਲਡ ਗੋਲ ਕੀਤਾ ਅਤੇ ਬੜ੍ਹਤ ਨੂੰ 9-0 ਕਰ ਦਿੱਤਾ। ਇਸ ਵਿਚ ਗੋਲ ਦੀ ਤਲਾ ਵਿਚ ਬੇਤਾਬ ਦਿਖ ਰਹੇ ਦੱਖਣੀ ਅਫਰੀਕਾ ਨੇ ਰਣਨੀਤੀ ਬਦਲੀ ਅਤੇ ਪਲਟਵਾਰ ਕਰਦੇ ਹੋਏ 44ਵੇਂ ਅਤੇ 45ਵੇਂ ਮਿੰਟ ਵਿਚ ਲਗਾਤਾਰ ਦੋ ਗੋਲ ਕੀਤੇ, ਜੋ ਕ੍ਰਮਵਾਰ- ਡਿਫੈਂਡਰ ਡੇਨੀਅਲ ਬੇਲ ਅਤੇ ਫਾਰਵਰਡ ਰਿਚਡਰ ਪੁਤਜ ਦੇ ਨਾਮ ਰਹੇ ਪਰ ਇਹ ਗੋਲ ਕੇਵਲ ਹਾਰ ਦਾ ਅੰਤਰ ਘੱਟ ਕਰਨ ਦੇ ਕੰਮ ਆਏ। ਚੌਥਾ ਕੁਆਰਟਰ ਅਤੇ ਮੈਚ ਖਤਮ ਹੋਣ ਤੋਂ ਪਹਿਲਾਂ ਦਿਲਪ੍ਰੀਤ ਨੇ 58ਵੇਂ ਮਿੰਟ ਵਿਚ ਸ਼ਾਨਦਾਰ ਫੀਲਡ ਗੋਲ ਲਗਾਇਆ ਤੇ ਟੀਮ ਦੀ 10-2 ਨਾਲ ਜਿੱਤ ਯਕੀਨੀ ਕੀਤੀ।
ਨੋਟ- ਇਸ ਖ਼ਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।
ਰੋਹਿਤ ਸ਼ਰਮਾ ਨੇ ਤੋੜਿਆ ਵਿਰਾਟ-ਕਪਿਲ ਦਾ ਰਿਕਾਰਡ, ਹਾਸਲ ਕੀਤੀ ਇਹ ਵੱਡੀ ਉਪਲੱਬਧੀ
NEXT STORY 
