ਸਪੋਰਟਸ ਡੈਸਕ- ਭਾਰਤੀ ਕ੍ਰਿਕਟ ਟੀਮ ਦੇ ਸਟਾਰ ਖਿਡਾਰੀ ਅਤੇ ਮੌਜੂਦਾ ਵਿਸ਼ਵ ਟੈਸਟ ਰੈਂਕਿੰਗ ਵਿੱਚ ਨੰਬਰ 1 ਆਲਰਾਊਂਡਰ ਰਵਿੰਦਰ ਜਡੇਜਾ ਨੂੰ ਆਈਸੀਸੀ ਨੇ ਫਰਵਰੀ ਮਹੀਨੇ ਲਈ ਪਲੇਅਰ ਆਫ ਦਿ ਮੰਥ ਲਈ ਨਾਮਜ਼ਦ ਕੀਤਾ ਹੈ। ਜਡੇਜਾ ਤੋਂ ਇਲਾਵਾ ਜਿਨ੍ਹਾਂ 3 ਖਿਡਾਰੀਆਂ ਨੂੰ ਇਸ ਸੂਚੀ 'ਚ ਸ਼ਾਮਲ ਕੀਤਾ ਗਿਆ ਹੈ, ਉਨ੍ਹਾਂ 'ਚ ਇੰਗਲੈਂਡ ਟੀਮ ਦੇ ਬੱਲੇਬਾਜ਼ ਹੈਰੀ ਬਰੂਕ ਅਤੇ ਵੈਸਟਇੰਡੀਜ਼ ਦੇ ਗੇਂਦਬਾਜ਼ ਗੁਡਾਕੇਸ਼ ਮੋਤੀ ਵੀ ਸ਼ਾਮਲ ਹਨ।
ਹੈਰੀ ਬਰੂਕ - ਇੰਗਲੈਂਡ ਦੇ ਹੈਰੀ ਬਰੂਕ ਦਾ ਨਾਮ ਸੂਚੀ ਵਿੱਚ ਪਹਿਲੇ ਨੰਬਰ 'ਤੇ ਹੈ, ਜਿਸ ਨੂੰ ਫਰਵਰੀ ਮਹੀਨੇ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਲਈ ਆਈਸੀਸੀ ਦੁਆਰਾ ਪਲੇਅਰ ਆਫ ਦਿ ਮੰਥ ਲਈ ਨੌਮੀਨੇਟ ਕੀਤਾ ਗਿਆ ਹੈ। ਫਰਵਰੀ ਮਹੀਨੇ ਵਿੱਚ ਦੋ ਅਰਧ ਸੈਂਕੜੇ ਅਤੇ ਇੱਕ ਸੈਂਕੜਾ ਲਗਾਇਆ। ਉਸ ਦੇ ਬੱਲੇ ਨਾਲ ਇਹ ਜ਼ਬਰਦਸਤ ਪਾਰੀ ਨਿਊਜ਼ੀਲੈਂਡ ਖਿਲਾਫ ਖੇਡੀ ਗਈ ਟੈਸਟ ਸੀਰੀਜ਼ 'ਚ ਸਾਹਮਣੇ ਆਈ। ਬਰੂਕ ਨੇ ਦੋ ਮੈਚਾਂ ਦੀ ਟੈਸਟ ਸੀਰੀਜ਼ 'ਚ ਕੁੱਲ 229 ਦੌੜਾਂ ਬਣਾਈਆਂ।
ਇਹ ਵੀ ਪੜ੍ਹੋ : ਅਹਿਮਦਾਬਾਦ ਟੈਸਟ 'ਚ ਭਾਰਤ ਰਚ ਸਕਦੈ ਇਤਿਹਾਸ, IND ਤੇ AUS ਦੇ ਪ੍ਰਧਾਨ ਮੰਤਰੀ ਰਹਿਣਗੇ ਮੌਜੂਦ
ਰਵਿੰਦਰ ਜਡੇਜਾ- ਸੂਚੀ 'ਚ ਦੂਜੇ ਨੰਬਰ 'ਤੇ ਭਾਰਤ ਦੇ ਸਟਾਰ ਆਲਰਾਊਂਡਰ ਰਵਿੰਦਰ ਜਡੇਜਾ ਦਾ ਨਾਂ ਹੈ, ਜਿਸ ਨੇ ਟੀਮ ਲਈ ਬੈਕ-ਟੂ-ਬੈਕ ਮੈਚ ਜੇਤੂ ਪ੍ਰਦਰਸ਼ਨ ਕਰਕੇ ਸ਼ਾਨਦਾਰ ਵਾਪਸੀ ਕੀਤੀ। ਨਾਗਪੁਰ ਵਿੱਚ ਬਾਰਡਰ-ਗਾਵਸਕਰ ਟਰਾਫੀ ਦੇ ਪਹਿਲੇ ਟੈਸਟ ਦੌਰਾਨ ਜਡੇਜਾ ਨੇ ਪਹਿਲੀ ਪਾਰੀ ਵਿੱਚ ਪੰਜ ਵਿਕਟਾਂ ਲੈ ਕੇ ਆਸਟਰੇਲੀਆ ਦੇ ਮੱਧਕ੍ਰਮ ਨੂੰ ਤਬਾਹ ਕਰ ਦਿੱਤਾ। ਇਸ ਦੇ ਨਾਲ ਹੀ ਜਡੇਜਾ ਦੇ ਨਾਂ ਬਾਰਡਰ ਗਾਵਸਕਰ ਟਰਾਫੀ ਵਿੱਚ 21 ਵਿਕਟਾਂ ਹਨ।
ਗੁਡਾਕੇਸ਼ ਮੋਤੀ - ਲਿਸਟ 'ਚ ਤੀਜੇ ਨੰਬਰ 'ਤੇ ਗੁਡਾਕੇਸ਼ ਮੋਤੀ ਦਾ ਨਾਂ ਹੈ, ਜਿਸ ਨੇ ਫਰਵਰੀ 'ਚ ਵੈਸਟਇੰਡੀਜ਼ ਦੇ ਜ਼ਿੰਬਾਬਵੇ ਦੌਰੇ ਦੌਰਾਨ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਸੀ। ਹੁਣ ਉਸ ਨੂੰ ਆਈਸੀਸੀ ਪਲੇਅਰ ਆਫ ਦਿ ਮੰਥ ਲਈ ਨਾਮਜ਼ਦ ਕੀਤਾ ਗਿਆ ਹੈ।
ਇਹ ਮਹਿਲਾ ਕ੍ਰਿਕਟਰ ਹੋਈਆਂ ਨਾਮਜ਼ਦ
ਐਸ਼ਲੇ ਗਾਰਡਨਰ - ਸੂਚੀ 'ਚ ਪਹਿਲਾ ਨੰਬਰ ਆਸਟਰੇਲੀਆਈ ਆਲਰਾਊਂਡਰ ਐਸ਼ਲੇ ਗਾਰਡਨਰ ਦਾ ਹੈ, ਜੋ ਫਿਲਹਾਲ ਆਈਸੀਸੀ ਮਹਿਲਾ ਟੀ-20 ਆਈ ਪਲੇਅਰ ਰੈਂਕਿੰਗ 'ਚ ਨੰਬਰ 1 'ਤੇ ਹੈ। ਐਸ਼ਲੇ ਨੇ ਫਰਵਰੀ ਮਹੀਨੇ ਦੱਖਣੀ ਅਫਰੀਕਾ ਦੇ ਦੌਰੇ ਦੌਰਾਨ ਬੱਲੇ ਅਤੇ ਗੇਂਦ ਨਾਲ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਸੀ। ਪੂਰੇ ਟੂਰਨਾਮੈਂਟ ਵਿੱਚ, ਉਸਨੇ 110 ਦੌੜਾਂ ਬਣਾਈਆਂ ਅਤੇ 12.50 ਦੀ ਆਰਥਿਕ ਦਰ ਨਾਲ 10 ਵਿਕਟਾਂ ਲਈਆਂ।
ਇਹ ਵੀ ਪੜ੍ਹੋ : IND vs AUS : ਚੌਥੇ ਟੈਸਟ ’ਚ ਵੀ ਕਪਤਾਨੀ ਕਰੇਗਾ ਸਮਿਥ, ਕਮਿੰਸ ਬੀਮਾਰ ਮਾਂ ਕੋਲ ਆਸਟਰੇਲੀਆ ’ਚ
ਨੈਟ ਸਾਇਵਰ-ਬਰੰਟ - ਸੂਚੀ ਵਿੱਚ ਦੂਜੇ ਸਥਾਨ 'ਤੇ, ਉਸਨੇ ਪਾਕਿਸਤਾਨ ਦੇ ਖਿਲਾਫ ਖੇਡੇ ਗਏ ਮੈਚ ਵਿੱਚ ਬੱਲੇ ਨਾਲ 81 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ ਅਤੇ 1 ਵਿਕਟ ਵੀ ਲਈ। ਇਸ ਤੋਂ ਇਲਾਵਾ ਉਸ ਨੇ ਭਾਰਤੀ ਮਹਿਲਾ ਟੀਮ ਖਿਲਾਫ ਅਰਧ ਸੈਂਕੜਾ ਜੜਿਆ ਅਤੇ ਦੱਖਣੀ ਅਫਰੀਕਾ ਖਿਲਾਫ 40 ਦੌੜਾਂ ਬਣਾਈਆਂ। ਇਸ ਸ਼ਾਨਦਾਰ ਪ੍ਰਦਰਸ਼ਨ ਦੀ ਬਦੌਲਤ ਉਸ ਨੂੰ ਆਈਸੀਸੀ ਪਲੇਅਰ ਆਫ ਦਿ ਮੰਥ ਲਈ ਨੌਮੀਨੇਟ ਕੀਤਾ ਗਿਆ ਹੈ।
ਲੌਰਾ ਵੋਲਵਾਰਡ- ਸੂਚੀ ਵਿਚ ਤੀਜੇ ਨੰਬਰ 'ਤੇ ਲੌਰਾ ਵੋਲਵਾਰਡ ਦਾ ਨਾਂ ਹੈ, ਜਿਸ ਨੇ ਬੰਗਲਾਦੇਸ਼ (ਅਜੇਤੂ 66), ਇੰਗਲੈਂਡ (53) ਅਤੇ ਆਸਟ੍ਰੇਲੀਆ (61) ਖਿਲਾਫ ਫਾਈਨਲ ਜਿੱਤਣ ਵਿਚ ਸਭ ਤੋਂ ਮਹੱਤਵਪੂਰਨ ਯੋਗਦਾਨ ਪਾਇਆ। ਇਹਨਾਂ ਲਗਾਤਾਰ ਸਕੋਰਾਂ ਨੇ ਇਹ ਯਕੀਨੀ ਬਣਾਇਆ ਕਿ ਵੋਲਵਾਰਡਟ 230 ਦੌੜਾਂ ਦੇ ਨਾਲ ਟੂਰਨਾਮੈਂਟ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਖਿਡਾਰੀ ਵਜੋਂ ਸਮਾਪਤ ਹੋਇਆ।
ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
ਬਿਲੀ ਜੀਨ ਕਿੰਗ ਕੱਪ ਲਈ ਭਾਰਤੀ ਟੀਮ ’ਚ ਵੈਦੇਹੀ ਚੌਧਰੀ ਸ਼ਾਮਲ, ਸ਼ਾਲਿਨੀ ਕਪਤਾਨ ਬਣੀ
NEXT STORY 
