ਇੰਦੌਰ : ਬਾਰਡਰ-ਗਾਵਸਕਰ ਟਰਾਫੀ ਦਾ ਤੀਜਾ ਟੈਸਟ ਮੈਚ ਬੁੱਧਵਾਰ ਤੋਂ ਸ਼ੁਰੂ ਹੋ ਰਿਹਾ ਹੈ, ਪਰ ਵੱਡਾ ਸਵਾਲ ਇਹ ਹੈ ਕਿ ਕੇਐੱਲ ਰਾਹੁਲ ਅਤੇ ਸ਼ੁਭਮਨ ਗਿੱਲ 'ਚੋਂ ਕੌਣ ਭਾਰਤ ਲਈ ਪਾਰੀ ਦੀ ਸ਼ੁਰੂਆਤ ਕਰੇਗਾ। ਜਦੋਂ ਆਊਟ ਆਫ ਫਾਰਮ ਵਿੱਚ ਚੱਲ ਰਹੇ ਕੇਐਲ ਰਾਹੁਲ ਅਤੇ ਸ਼ੁਭਮਨ ਗਿੱਲ ਸੋਮਵਾਰ ਨੂੰ ਹੋਲਕਰ ਸਟੇਡੀਅਮ ਵਿੱਚ ਅਭਿਆਸ ਲਈ ਆਏ ਤਾਂ ਟੀਮ ਪ੍ਰਬੰਧਨ ਨੇ ਉਨ੍ਹਾਂ ਨੂੰ ਬਰਾਬਰੀ ਦਾ ਮੈਦਾਨ ਦਿੱਤਾ।
ਦੋਵਾਂ ਨੂੰ ਨੈੱਟ 'ਤੇ ਇਕੱਠੇ ਬੱਲੇਬਾਜ਼ੀ ਕਰਦੇ ਦੇਖਿਆ ਗਿਆ। ਇਸ ਦੇ ਨਾਲ ਹੀ ਵਿਰਾਟ ਕੋਹਲੀ ਨੇ ਖੁਦ ਗਿੱਲ ਨੂੰ ਸਲਿਪ 'ਤੇ ਅਭਿਆਸ ਕਰਵਾਇਆ। ਰਾਹੁਲ ਜਦੋਂ ਖੇਡਦਾ ਹੈ ਤਾਂ ਉਹ ਸਲਿੱਪ 'ਤੇ ਹੀ ਫੀਲਡਿੰਗ ਕਰਦਾ ਹੈ। ਟੀਮ ਇੰਡੀਆ ਦਾ ਮੰਗਲਵਾਰ ਨੂੰ ਬਦਲਵਾਂ ਅਭਿਆਸ ਹੈ। ਤੀਜੇ ਟੈਸਟ ਦੀ ਸ਼ੁਰੂਆਤ ਤੋਂ ਪਹਿਲਾਂ ਅੱਜ ਪੂਰੀ ਟੀਮ ਦਾ ਆਖਰੀ ਅਭਿਆਸ ਸੀ, ਇਸ ਲਈ ਟੀਮ ਪ੍ਰਬੰਧਨ ਇਹ ਦੇਖਣਾ ਚਾਹੁੰਦਾ ਸੀ ਕਿ ਗਿੱਲ ਅਤੇ ਕੇਐੱਲ ਵਿਚਕਾਰ ਕੌਣ ਬਿਹਤਰ ਹੋਵੇਗਾ।
ਇਹ ਵੀ ਪੜ੍ਹੋ : ਪਤਨੀ ਸਮੇਤ ਉੱਜੈਨ ਪੁੱਜੇ ਭਾਰਤੀ ਕ੍ਰਿਕਟਰ ਅਕਸ਼ਰ ਪਟੇਲ ਨੇ ਮਹਾਕਾਲ ਮੰਦਰ ਦੇ ਕੀਤੇ ਦਰਸ਼ਨ (ਤਸਵੀਰਾਂ)
ਸ਼ੁਭਮਨ ਨੇ ਟੀਮ ਦਾ ਅਭਿਆਸ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਬੱਲੇਬਾਜ਼ੀ ਦਾ ਅਭਿਆਸ ਸ਼ੁਰੂ ਕਰ ਦਿੱਤਾ। ਇਸ ਦੇ ਨਾਲ ਹੀ ਬਾਕੀ ਟੀਮ ਦੇ ਖਿਡਾਰੀ ਫੁੱਟਬਾਲ ਖੇਡ ਰਹੇ ਸਨ। ਇਸ ਤੋਂ ਬਾਅਦ ਜਦੋਂ ਨੈੱਟ 'ਤੇ ਅਭਿਆਸ ਸ਼ੁਰੂ ਹੋਇਆ ਤਾਂ ਗਿੱਲ ਸਭ ਤੋਂ ਲੰਬੇ ਸਮੇਂ ਤੱਕ ਬੱਲੇਬਾਜ਼ੀ ਕਰਦੇ ਰਹੇ। ਕੇਐੱਲ ਰਾਹੁਲ ਵੀ ਆਪਣੀ ਬੱਲੇਬਾਜ਼ੀ ਨੂੰ ਸੁਧਾਰਨ ਲਈ ਨੈੱਟ 'ਤੇ ਗਿੱਲ ਨਾਲ ਭਿੜਦਾ ਦੇਖਿਆ ਗਿਆ।
ਛੇ ਦਿਨਾਂ ਦੇ ਆਰਾਮ ਤੋਂ ਬਾਅਦ ਸੋਮਵਾਰ ਨੂੰ ਪੂਰੀ ਭਾਰਤੀ ਟੀਮ ਮੈਦਾਨ 'ਤੇ ਅਭਿਆਸ ਕਰਨ ਲਈ ਇਕੱਠੇ ਹੋਈ। ਟੀਮ ਇੰਡੀਆ ਦੋ ਦਿਨ ਪਹਿਲਾਂ ਇੰਦੌਰ ਪਹੁੰਚੀ ਸੀ ਪਰ ਕਪਤਾਨ ਰੋਹਿਤ ਸ਼ਰਮਾ ਸੋਮਵਾਰ ਨੂੰ ਟੀਮ ਨਾਲ ਜੁੜੇ। ਰੋਹਿਤ ਸ਼ਰਮਾ ਅਤੇ ਵਿਰਾਟ ਕੋਹਲੀ ਨੇ ਨੈੱਟ 'ਤੇ ਪਹਿਲਾਂ ਬੱਲੇਬਾਜ਼ੀ ਕੀਤੀ। ਇਸ ਦੌਰਾਨ ਕੋਚ ਰਾਹੁਲ ਦ੍ਰਾਵਿੜ ਅਤੇ ਰੋਹਿਤ ਸ਼ਰਮਾ ਵੀ ਚਰਚਾ ਕਰਦੇ ਨਜ਼ਰ ਆਏ। ਲਗਾਤਾਰ ਫਾਰਮ ਲਈ ਸੰਘਰਸ਼ ਕਰ ਰਹੇ ਰਾਹੁਲ ਦੀ ਜਗ੍ਹਾ ਸ਼ੁਭਮਨ ਨੂੰ ਪਲੇਇੰਗ ਇਲੈਵਨ 'ਚ ਲੈਣ ਦੀ ਚਰਚਾ ਤੇਜ਼ ਹੋ ਗਈ ਹੈ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ।ਕੁਮੈਂਟ ਕਰਕੇ ਦਿਓ ਜਵਾਬ।
ਦੁਬਈ ਓਪਨ : ਸਵੀਆਤੇਕ ਨੂੰ ਹਰਾ ਕੇ ਕ੍ਰੇਜੀਕੋਵਾ ਬਣੀ ਚੈਂਪੀਅਨ
NEXT STORY 
