ਮਸਕਟ- ਭਾਰਤੀ ਮਹਿਲਾ ਟੀਮ ਨੇ ਇੱਥੇ ਦੱਖਣੀ ਅਫਰੀਕਾ ਨੂੰ 6-3 ਨਾਲ ਹਰਾ ਕੇ ਐੱਫਆਈਐੱਚ ਹਾਕੀ ਫਾਈਵਜ਼ ਮਹਿਲਾ ਵਿਸ਼ਵ ਕੱਪ ਦੇ ਫਾਈਨਲ ਵਿਚ ਪ੍ਰਵੇਸ਼ ਕਰ ਲਿਆ। ਐਤਵਾਰ ਨੂੰ ਫਾਈਨਲ ਵਿੱਚ ਭਾਰਤ ਦਾ ਸਾਹਮਣਾ ਨੀਦਰਲੈਂਡ ਨਾਲ ਹੋਵੇਗਾ। ਸ਼ੁੱਕਰਵਾਰ ਨੂੰ ਖੇਡੇ ਗਏ ਸੈਮੀਫਾਈਨਲ ਮੈਚ ਵਿੱਚ ਭਾਰਤ ਲਈ ਅਕਸ਼ਤਾ ਆਬਾਸੋ ਢੇਕਲੇ (ਸੱਤਵੇਂ ਮਿੰਟ), ਮਾਰੀਆਨਾ ਕੁਜੂਰ (11ਵੇਂ ਮਿੰਟ), ਮੁਮਤਾਜ਼ ਖਾਨ (21ਵੇਂ ਮਿੰਟ), ਰੁਤੁਜਾ ਦਾਦਾਸੋ ਪਿਸਾਲ (23ਵੇਂ ਮਿੰਟ), ਜੋਤੀ ਛੱਤਰੀ (25ਵੇਂ ਮਿੰਟ) ਅਤੇ ਅਜ਼ੀਮਾ ਕੁਜੂਰ (26ਵੇਂ ਮਿੰਟ) ਨੇਸ਼ੁੱਕਰਵਾਰ ਰਾਤ ਹੋਏ ਸੈਮੀਫਾਈਨਲ ਮੁਕਾਬਲੇ 'ਚ ਭਾਰਤ ਦੇ ਗੋਲ ਕੀਤੇ।
ਇਹ ਵੀ ਪੜ੍ਹੋ--ਖਵਾਜਾ ਨੂੰ ਸਾਲ ਦੇ ਸਰਵਸ੍ਰੇਸ਼ਠ ਪੁਰਸ਼ ਟੈਸਟ ਕ੍ਰਿਕਟਰ ਦਾ ਪੁਰਸਕਾਰ
ਦੱਖਣੀ ਅਫਰੀਕਾ ਲਈ ਟੇਸ਼ਾਨ ਡੇ ਲਾ ਰੇ (ਪੰਜਵੇਂ), ਕਪਤਾਨ ਟੋਨੀ ਮਾਰਕਸ (ਅੱਠਵੇਂ) ਅਤੇ ਡਰਕੀ ਚੈਂਬਰਲੇਨ (29ਵੇਂ) ਨੇ ਗੋਲ ਕੀਤੇ। ਦੱਖਣੀ ਅਫਰੀਕਾ ਨੇ ਪਹਿਲੇ ਹਾਫ ਦੀ ਸ਼ੁਰੂਆਤ ਰੱਖਿਆਤਮਕ ਢੰਗ ਨਾਲ ਕੀਤੀ ਪਰ ਗੋਲ ਕਰਨ ਦਾ ਪਹਿਲਾ ਮੌਕਾ ਮਿਲਿਆ। ਪਰ ਭਾਰਤੀ ਗੋਲਕੀਪਰ ਰਜਨੀ ਇਤਿਮਾਰਪੂ ਬਹੁਤ ਸਾਵਧਾਨ ਸੀ।
ਪਰ ਦੱਖਣੀ ਅਫ਼ਰੀਕਾ ਦੀ ਟੀਮ ਨੇ ਡੀ ਲਾ ਰੇ ਦੇ ਨਜ਼ਦੀਕੀ ਰਿਵਰਸ ਸ਼ਾਰਟ ਨਾਲ ਸ਼ੁਰੂਆਤੀ ਲੀਡ ਲੈ ਲਈ। ਪਰ ਇਹ ਜ਼ਿਆਦਾ ਦੇਰ ਨਹੀਂ ਚੱਲ ਸਕਿਆ ਅਤੇ ਅਕਸ਼ਾ ਨੇ ਦੱਖਣੀ ਅਫਰੀਕਾ ਦੀ ਗੋਲਕੀਪਰ ਗ੍ਰੇਸ ਕੋਚਰਾਨੇ ਨੂੰ ਹਰਾ ਕੇ ਜ਼ਬਰਦਸਤ ਸ਼ਾਟ ਨਾਲ ਭਾਰਤ ਨੂੰ 1-1 ਨਾਲ ਬਰਾਬਰ ਕਰ ਦਿੱਤਾ।
ਇਹ ਵੀ ਪੜ੍ਹੋ--ਆਸਟ੍ਰੇਲੀਅਨ ਓਪਨ: ਯਾਨਿਕ ਸਿਨਰ ਨੇ ਜੋਕੋਵਿਚ ਨੂੰ ਹਰਾ ਕੇ ਉਲਟਫੇਰ ਕੀਤਾ
ਕਪਤਾਨ ਟੋਨੀ ਨੇ ਗੋਲ ਕਰਕੇ ਦੱਖਣੀ ਅਫਰੀਕਾ ਨੂੰ ਫਿਰ ਬੜ੍ਹਤ ਦਿਵਾਈ ਪਰ ਮਾਰੀਆਨਾ ਦੇ ਗੋਲ ਨਾਲ ਭਾਰਤ ਫਿਰ ਬਰਾਬਰੀ ’ਤੇ ਆ ਗਿਆ। ਦੂਜੇ ਹਾਫ 'ਚ ਦੱਖਣੀ ਅਫਰੀਕਾ ਨੇ ਤੇਜ਼ ਸ਼ੁਰੂਆਤ ਕੀਤੀ ਜਿਸ ਕਾਰਨ ਭਾਰਤੀ ਗੋਲਕੀਪਰ ਫਿਰ ਤੋਂ ਕਾਫੀ ਚੌਕਸ ਹੋ ਗਈ।
ਭਾਰਤ ਨੇ ਮੁਮਤਾਜ਼ ਦੇ ਗੋਲ ਨਾਲ ਮੈਚ ਵਿੱਚ ਪਹਿਲੀ ਵਾਰ ਲੀਡ ਹਾਸਲ ਕੀਤੀ। ਫਿਰ ਰੁਤੁਜਾ ਨੇ ਆਪਣੀ ਸ਼ਾਨਦਾਰ ਫਾਰਮ ਜਾਰੀ ਰੱਖੀ ਅਤੇ ਗੋਲ ਕੀਤੇ। ਦੱਖਣੀ ਅਫ਼ਰੀਕਾ ਦੀਆਂ ਕੋਸ਼ਿਸ਼ਾਂ ਜਾਰੀ ਰਹੀਆਂ ਪਰ ਕਾਮਯਾਬੀ ਨਹੀਂ ਮਿਲੀ।
ਖੇਡ ਵਿੱਚ ਪੰਜ ਮਿੰਟ ਬਾਕੀ ਰਹਿੰਦਿਆਂ ਜੋਤੀ ਨੇ ਦੱਖਣੀ ਅਫ਼ਰੀਕਾ ਦੇ ਗੋਲਕੀਪਰ ਨੂੰ ਕੋਈ ਮੌਕਾ ਦਿੱਤੇ ਬਿਨਾਂ ਗੋਲ ਕਰ ਦਿੱਤਾ। ਅਜੀਮਾ ਨੇ ਗੋਲ ਕਰਕੇ ਸਕੋਰ 6-2 ਕਰ ਦਿੱਤਾ। ਚੈਂਬਰਲੇਨ ਨੇ ਹੂਟਰ ਤੋਂ ਇਕ ਮਿੰਟ ਪਹਿਲਾਂ ਦੱਖਣੀ ਅਫਰੀਕਾ ਲਈ ਤਸੱਲੀ ਵਾਲਾ ਗੋਲ ਕੀਤਾ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਅਨੁਰਾਧਾ ਦੇਵੀ ਨੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ISSF ਵਿਸ਼ਵ ਕੱਪ ਡੈਬਿਊ ਵਿੱਚ ਜਿੱਤਿਆ ਚਾਂਦੀ ਦਾ ਤਮਗਾ
NEXT STORY 
