ਨਵੀਂ ਦਿੱਲੀ—ਭਾਵੇਂ ਹੀ ਭਾਰਤੀ ਫੁੱਟਬਾਲ ਦੀ ਰੈਂਕਿੰਗ ਵਿਚ ਲਗਾਤਾਰ ਸੁਧਾਰ ਹੋਇਆ ਹੈ ਪਰ ਫਿਰ ਵੀ ਭਾਰਤ ਨੂੰ ਅਜੇ ਯੂਰਪ ਦੇ ਦੇਸ਼ਾਂ ਨੂੰ ਟੱਕਰ ਦੇਣ ਲਈ 100 ਸਾਲ ਲੱਗ ਸਕਦੇ ਹਨ। ਇਹ ਮੰਨਣਾ ਹੈ ਭਾਰਤੀ ਖੇਡ ਅਥਾਰਟੀ (ਸਾਈ) ਦੇ ਸਾਬਕਾ ਕੋਚ ਤੇ ਕੌਮਾਂਤਰੀ ਪ੍ਰਸਿੱਧੀ ਪ੍ਰਾਪਤ ਸ਼ਾਹਿਦ ਹਕੀਮ ਤੇ ਡਾਕਟਰ ਬੀਰੂਮਲ ਦਾ।
ਹਾਲ ਹੀ ਵਿਚ ਜਰਮਨੀ ਤੋਂ ਪਰਤੇ ਦੋਵਾਂ ਕੋਚਾਂ ਨੇ ਇਥੇ ਡਾ. ਅੰਬੇਦਕਰ ਸਟੇਡੀਅਮ ਵਿਚ ਦੱਸਿਆ ਕਿ ਉਥੇ ਸਿਰਫ ਖੇਡ 'ਤੇ ਹੀ ਨਹੀਂ ਸਗੋਂ ਖਿਡਾਰੀਆਂ ਦੀ ਫਿੱਟਨੈੱਸ, ਵਿਗਿਆਨਿਕ ਤੌਰ-ਤਰੀਕਿਆਂ ਨਾਲ ਉਨ੍ਹਾਂ ਨੂੰ ਟ੍ਰਰੇਂਡ ਕਰਨ ਤੇ ਉਨ੍ਹਾਂ ਦੇ ਦਿਮਾਗੀ ਵਿਕਾਸ 'ਤੇ ਵਿਸ਼ੇਸ਼ ਧਿਆਨ ਦਿੱਤਾ ਜਾਂਦਾ ਹੈ।
ਇੰਡੋ-ਯੂਰਪੋ ਸਪੋਰਟਸ ਐਂਡ ਲੇਜ਼ਰ ਪ੍ਰਮੋਸ਼ਨ ਫਾਊਂਡੇਸ਼ਨ ਦੇ ਬੈਨਰ ਹੇਠ ਜਰਮਨੀ ਦੇ ਨਾਮੀ ਡਾਰਟਮੰਡ ਕਲੱਬ ਨਾਲ ਅਭਿਆਸ ਲਈ ਗਏ ਤਿੰਨ ਖਿਡਾਰੀਆਂ ਸਾਹਿਲ ਕੁਮਾਰ, ਦੀਪਾਂਸ਼ੂ ਤੇ ਜੀਵੇਸ਼ ਨੇ ਇਸ ਮੌਕੇ ਮੀਡੀਆ ਨਾਲ ਆਪਣੇ ਤਜਰਬੇ ਸਾਂਝੇ ਕੀਤੇ ਤੇ ਕਿਹਾ ਕਿ ਉਨ੍ਹਾਂ ਦਾ 14 ਸਾਲ ਦਾ ਖਿਡਾਰੀ ਵੀ ਸਾਡੇ ਸੀਨੀਅਰ ਖਿਡਾਰੀਆਂ ਤੋਂ ਕਿੱਤੇ ਅੱਗੇ ਹੈ।
ਇੰਡੋ-ਯੂਰਪੋ ਸਪੋਰਟਸ ਦੇ ਮੁਖੀ ਵਾਸੀਮ ਅਲੀ ਦੇ ਵਿਚਾਰ 'ਚ ਭਾਰਤੀ ਫੁੱਟਬਾਲ ਨੂੰ ਘਰ 'ਚੋਂ ਬਾਹਰ ਨਿਕਲਣ ਦੀ ਲੋੜ ਹੈ। ਲੋਕਾਂ ਨੂੰ ਚਾਹੀਦਾ ਹੈ ਕਿ ਆਪਣੇ ਬੱਚਿਆਂ ਨੂੰ ਯੂਰਪ ਦੇ ਦੇਸ਼ਾਂ ਵਿਚ ਸਿੱਖਣ ਲਈ ਭੇਜਣ ਕਿਉਂਕਿ ਉਹ ਸਾਡੇ ਤੋਂ ਬਹੁਤ ਅੱਗੇ ਚੱਲ ਰਹੇ ਹਨ।
ਹਕੀਮ ਨੂੰ ਫੁੱਟਬਾਲ 'ਚ ਉਸ ਦੇ ਯੋਗਦਾਨ ਲਈ 2017 ਦਾ ਧਿਆਨਚੰਦ ਐੈਵਾਰਡ ਦਿੱਤਾ ਗਿਆ। ਡਾਕਟਰ ਬੀਰੂਮਲ ਨੂੰ ਦੇਸ਼ ਦੇ ਸਰਵਸ੍ਰੇਸ਼ਠ ਕੋਚਾਂ ਵਿਚ ਸ਼ਾਮਲ ਕੀਤਾ ਜਾਂਦਾ ਹੈ। ਉਸ ਨੇ 13 ਸਾਲ ਤਕ ਬੰਗਲਾਦੇਸ਼ ਦੀ ਰਾਸ਼ਟਰੀ ਟੀਮ ਨੂੰ ਵੀ ਕੋਚਿੰਗ ਦਿੱਤੀ ਹੈ ਤੇ ਉਸ ਦੀਆਂ ਕੋਸ਼ਿਸ਼ਾਂ ਨਾਲ ਬੰਗਲਾਦੇਸ਼ 'ਚ ਫੁੱਟਬਾਲ ਦਾ ਵਿਕਾਸ ਹੋਇਆ ਹੈ।
ਮੇਸੀ ਚਮਕਿਆ, ਬਾਰਸੀਲੋਨਾ 2-1 ਨਾਲ ਜਿੱਤਿਆ
NEXT STORY