ਬੈਂਗਲੁਰੂ, (ਭਾਸ਼ਾ) ਭਾਰਤੀ ਪੁਰਸ਼ ਹਾਕੀ ਟੀਮ ਪੈਰਿਸ ਓਲੰਪਿਕ ਤੋਂ ਪਹਿਲਾਂ ਸਵਿਟਜ਼ਰਲੈਂਡ ਦੇ ਮਸ਼ਹੂਰ ਮਾਈਕ ਹਾਰਨਜ਼ ਬੇਸ ਲਈ ਰਵਾਨਾ ਹੋ ਗਈ, ਜਿਸ ਤੋਂ ਬਾਅਦ ਇਹ ਨੀਦਰਲੈਂਡ ਵਿਚ ਅਭਿਆਸ ਕੈਂਪ ਵਿਚ ਹਿੱਸਾ ਲਵੇਗੀ। ਖਿਡਾਰੀਆਂ ਨੂੰ ਮਾਨਸਿਕ ਤੌਰ 'ਤੇ ਮਜ਼ਬੂਤ ਕਰਨ ਲਈ ਸਵਿਟਜ਼ਰਲੈਂਡ 'ਚ ਤਿੰਨ ਰੋਜ਼ਾ ਕੈਂਪ ਲਗਾਇਆ ਗਿਆ ਹੈ। ਇਸ ਤੋਂ ਬਾਅਦ ਟੀਮ ਨੀਦਰਲੈਂਡ 'ਚ ਅਭਿਆਸ ਮੈਚ ਖੇਡੇਗੀ ਅਤੇ ਫਿਰ ਪੈਰਿਸ ਲਈ ਰਵਾਨਾ ਹੋਵੇਗੀ।
ਕਪਤਾਨ ਹਰਮਨਪ੍ਰੀਤ ਸਿੰਘ ਨੇ ਕਿਹਾ ਕਿ ਓਲੰਪਿਕ ਤੋਂ ਪਹਿਲਾਂ ਆਉਣ ਵਾਲੇ ਤਜ਼ਰਬੇ ਟੀਮ ਨੂੰ ਮਾਨਸਿਕ ਅਤੇ ਸਰੀਰਕ ਤੌਰ 'ਤੇ ਬਿਹਤਰ ਸਥਿਤੀ 'ਚ ਰੱਖਣ 'ਚ ਕਾਫੀ ਫਾਇਦੇਮੰਦ ਹੋਣਗੇ। ਉਸਨੇ ਕਿਹਾ, “ਅਸੀਂ ਬੈਂਗਲੁਰੂ ਵਿੱਚ ਦੋ ਹਫ਼ਤਿਆਂ ਦਾ ਕੈਂਪ ਪੂਰਾ ਕੀਤਾ ਹੈ। ਹੁਣ ਸਵਿਟਜ਼ਰਲੈਂਡ ਵਿੱਚ ਮਾਈਕ ਹੌਰਨ ਜਾ ਰਹੇ ਹਾਂ ਜੋ ਕਿ ਸਾਹਸੀ ਗਤੀਵਿਧੀਆਂ ਦਾ ਕੇਂਦਰ ਹੈ। ਇਸ ਤੋਂ ਬਾਅਦ ਟੀਮ ਨੀਦਰਲੈਂਡ ਅਤੇ ਮਲੇਸ਼ੀਆ ਦੇ ਖਿਲਾਫ ਅਭਿਆਸ ਮੈਚ ਖੇਡੇਗੀ, ਭਾਰਤੀ ਟੀਮ 20 ਜੁਲਾਈ ਨੂੰ ਪੈਰਿਸ ਪਹੁੰਚੇਗੀ। ਭਾਰਤ ਨੇ ਓਲੰਪਿਕ 'ਚ ਆਪਣਾ ਪਹਿਲਾ ਮੈਚ 27 ਜੁਲਾਈ ਨੂੰ ਨਿਊਜ਼ੀਲੈਂਡ ਖਿਲਾਫ ਖੇਡਣਾ ਹੈ, ਜਿਸ ਤੋਂ ਬਾਅਦ 29 ਜੁਲਾਈ ਨੂੰ ਅਰਜਨਟੀਨਾ, 30 ਜੁਲਾਈ ਨੂੰ ਆਇਰਲੈਂਡ ਅਤੇ 1 ਅਗਸਤ ਨੂੰ ਬੈਲਜੀਅਮ ਦਾ ਸਾਹਮਣਾ ਕਰਨਾ ਹੈ। ਆਖਰੀ ਗਰੁੱਪ ਮੈਚ 2 ਅਗਸਤ ਨੂੰ ਆਸਟ੍ਰੇਲੀਆ ਖਿਲਾਫ ਖੇਡਿਆ ਜਾਣਾ ਹੈ। ਭਾਰਤ ਨੂੰ ਨਾਕਆਊਟ 'ਚ ਪਹੁੰਚਣ ਲਈ ਚੋਟੀ ਦੇ ਚਾਰ 'ਚ ਰਹਿਣਾ ਹੋਵੇਗਾ।
ਲੀਪ ਜਿਮਨਾਸਟਿਕ ਦੇ ਨੌਜਵਾਨਾਂ ਨੇ ਓਲੰਪੀਅਨ ਦੀਪਾ ਕਰਮਾਕਰ ਤੋਂ ਲਏ ਖੇਡ ਸਬੰਧੀ ਟਿਪਸ
NEXT STORY 
