ਚੇਨਈ- ਮੇਜ਼ਬਾਨ ਭਾਰਤ ਨੇ ਜੂਨੀਅਰ ਹਾਕੀ ਵਿਸ਼ਵ ਕੱਪ-2025 ਵਿਚ ਆਪਣੀ ਜੇਤੂ ਮੁਹਿੰਮ ਜਾਰੀ ਰੱਖਦੇ ਹੋਏ ਓਮਾਨ ਨੂੰ 17-0 ਨਾਲ ਹਰਾ ਕੇ ਹਾਕੀ ਦਾ ਪਾਠ ਪੜ੍ਹਾਇਆ। ਓਮਾਨ ਮੁਕਾਬਲੇ ਵਿਚ ਕਿਤੇ ਵੀ ਨਜ਼ਰ ਨਹੀਂ ਆਈ। ਭਾਰਤ ਵੱਲੋਂ ਪਿਛਲੇ ਮੈਚ 2 ਗੋਲ ਕਰਨ ਵਾਲੇ ਦਿਲਰਾਜ ਸਿੰਘ ਨੇ ਇਸ ਵਾਰ 4 ਗੋਲ ਕਰ ਕੇ ਮੈਚ ਦੇ ਹੀਰੋ ਦੀ ਭੂਮਿਕਾ ਨਿਭਾਈ। ਇਸ ਤੋਂ ਇਲਾਵਾ ਅਰਸ਼ਦੀਪ ਸਿੰਘ ਤੇ ਮਨਮੀਤ ਸਿੰਘ ਨੂੰ 3-3 ਗੋਲ ਕੀਤੇ।
ਅਰਸ਼ਦੀਪ ਸਿੰਘ ਨੇ ਚੌਥੇ, 33ਵੇਂ ਤੇ 40ਵੇਂ ਮਿੰਟ, ਮਨਮੀਤ ਸਿੰਘ ਨੇ 17ਵੇਂ, 26ਵੇਂ ਤੇ 36ਵੇਂ ਮਿੰਟ ਵਿਚ ਅਤੇ ਦਿਲਰਾਜ ਨੇ 49ਵੇਂ ਮਿੰਟ ਵਿਚ ਦੋ ਜਦਕਿ 57ਵੇਂ ਤੇ 59ਵੇਂ ਮਿੰਟ ਵਿਚ 1-1 ਗੋਲ ਕੀਤਾ। ਇਸ ਤੋਂ ਇਲਾਵਾ ਅਜੀਤ ਯਾਦਵ (34ਵੇਂ ਤੇ 47ਵੇਂ) ਤੇ ਇੰਗਾਲੇਂਬਾ ਲੁਵਾਨ ਟੌਰੋਜਮ (43ਵੇਂ ਤੇ 50ਵੇਂ) ਨੇ 2-2 ਗੋਲ ਕੀਤੇ। ਉੱਥੇ ਹੀ, ਅਨਮੋਲ ਏਕਾ (29ਵੇਂ), ਗੁਰਜੋਤ ਸਿੰਘ (39ਵੇਂ) ਤੇ ਸ਼ਾਰਦਾ ਨੰਦ ਤਿਵਾੜੀ (55ਵੇਂ ਮਿੰਟ) ਨੇ ਇਕ-ਇਕ ਗੋਲ ਕੀਤਾ।
ਪ੍ਰਣੀਲ ਸ਼ਰਮਾ ਨੇ ਆਈਟੀਐਫ ਵਰਲਡ ਜੂਨੀਅਰ ਟੈਨਿਸ ਟੂਰ 'ਤੇ ਦੋ ਖਿਤਾਬ ਜਿੱਤੇ
NEXT STORY 
