ਸਪੋਰਟਸ ਡੈਸਕ- ਭਾਰਤੀ ਸਟਾਰ ਬੱਲੇਬਾਜ਼ ਲੋਕੇਸ਼ ਰਾਹੁਲ ਦੇ ਸ਼ਾਨਦਾਰ 24ਵੇਂ ਪਹਿਲੀ ਸ਼੍ਰੇਣੀ ਸੈਂਕੜੇ ਦੀ ਬਦੌਲਤ ਕਰਨਾਟਕ ਨੇ 42 ਵਾਰ ਦੀ ਚੈਂਪੀਅਨ ਮੁੰਬਈ ਨੂੰ ਚਾਰ ਵਿਕਟਾਂ ਨਾਲ ਹਰਾ ਕੇ ਰਣਜੀ ਟਰਾਫੀ ਦੇ ਸੈਮੀਫਾਈਨਲ ਵਿੱਚ ਪ੍ਰਵੇਸ਼ ਕਰ ਲਿਆ ਹੈ। ਸੋਮਵਾਰ ਨੂੰ ਮੁੰਬਈ ਵਿਖੇ ਖੇਡੇ ਗਏ ਇਸ ਅਹਿਮ ਮੁਕਾਬਲੇ ਵਿੱਚ ਕਰਨਾਟਕ ਨੇ 325 ਦੌੜਾਂ ਦੇ ਵੱਡੇ ਟੀਚੇ ਦਾ ਪਿੱਛਾ ਕਰਦਿਆਂ 6 ਵਿਕਟਾਂ ਦੇ ਨੁਕਸਾਨ 'ਤੇ ਜਿੱਤ ਹਾਸਲ ਕੀਤੀ। ਰਾਹੁਲ ਨੇ 182 ਗੇਂਦਾਂ ਵਿੱਚ 14 ਚੌਕਿਆਂ ਅਤੇ ਇੱਕ ਛੱਕੇ ਦੀ ਮਦਦ ਨਾਲ 130 ਦੌੜਾਂ ਦੀ ਜੇਤੂ ਪਾਰੀ ਖੇਡੀ।
ਮੈਚ ਦੇ ਚੌਥੇ ਦਿਨ ਰਾਹੁਲ ਨੂੰ 22 ਸਾਲਾ ਰਵੀਚੰਦਰਨ ਸਮਰਣ ਦਾ ਭਰਪੂਰ ਸਾਥ ਮਿਲਿਆ, ਜਿਸ ਨੇ ਨਾਬਾਦ 83 ਦੌੜਾਂ ਬਣਾਈਆਂ। ਦੋਵਾਂ ਬੱਲੇਬਾਜ਼ਾਂ ਨੇ ਚੌਥੀ ਵਿਕਟ ਲਈ 147 ਦੌੜਾਂ ਦੀ ਮਹੱਤਵਪੂਰਨ ਸਾਂਝੇਦਾਰੀ ਕਰਕੇ ਟੀਮ ਦੀ ਜਿੱਤ ਪੱਕੀ ਕੀਤੀ। ਹਾਲਾਂਕਿ ਲੰਚ ਤੋਂ ਤੁਰੰਤ ਬਾਅਦ ਰਾਹੁਲ ਦੇ ਆਊਟ ਹੋਣ ਨਾਲ ਮੁੰਬਈ ਨੇ ਵਾਪਸੀ ਦੀ ਕੋਸ਼ਿਸ਼ ਕੀਤੀ, ਪਰ ਵਿਦਿਆਧਰ ਪਾਟਿਲ ਨੇ 30 ਗੇਂਦਾਂ ਵਿੱਚ ਨਾਬਾਦ 31 ਦੌੜਾਂ ਬਣਾ ਕੇ ਕਰਨਾਟਕ ਨੂੰ ਸੈਮੀਫਾਈਨਲ ਦਾ ਟਿਕਟ ਦਿਵਾ ਦਿੱਤਾ। ਹੁਣ ਅੱਠ ਵਾਰ ਦੀ ਚੈਂਪੀਅਨ ਕਰਨਾਟਕ ਦੀ ਟੱਕਰ ਅਗਲੇ ਹਫ਼ਤੇ ਬੈਂਗਲੁਰੂ ਵਿੱਚ ਉੱਤਰਾਖੰਡ ਨਾਲ ਹੋਵੇਗੀ।
ਚੇਨਈ 'ਚ WTT ਸਟਾਰ ਕੰਟੈਂਡਰ ਦਾ ਆਗਾਜ਼; ਮਾਨਵ ਠੱਕਰ ਕਰਨਗੇ ਭਾਰਤੀ ਚੁਣੌਤੀ ਦੀ ਅਗਵਾਈ
NEXT STORY 
