ਨਵੀਂ ਦਿੱਲੀ : ਸਾਬਕਾ ਭਾਰਤੀ ਬੱਲੇਬਾਜ਼ ਵਸੀਮ ਜਾਫਰ ਨੇ ਕਿਹਾ ਹੈ ਕਿ ਉਹ IPL 2023 ਦੇ ਮੈਚ ਵਿੱਚ ਰਾਇਲ ਚੈਲੰਜਰਜ਼ ਬੈਂਗਲੁਰੂ (RCB) ਦੇ ਖਿਲਾਫ ਲਖਨਊ ਸੁਪਰ ਜਾਇੰਟਸ ਦੇ ਵੱਡੇ ਰਨ ਚੇਜ਼ ਵਿੱਚ ਕੇਐਲ ਰਾਹੁਲ ਦੇ ਡਰਪੋਕ ਰਵੱਈਏ ਤੋਂ ਹੈਰਾਨ ਸੀ। ਸਾਬਕਾ ਕ੍ਰਿਕਟਰ ਨੇ ਐਲਐਸਜੀ ਕਪਤਾਨ ਨੂੰ ਹਮਲਾਵਰ ਕ੍ਰਿਕਟ ਖੇਡਣ ਵਿੱਚ ਜੋਖਮ ਲੈਣ ਦੀ ਵੀ ਅਪੀਲ ਕੀਤੀ ਕਿਉਂਕਿ ਲਖਨਊ ਵਿੱਚ ਇੱਕ ਬਹੁਤ ਮਜ਼ਬੂਤ ਬੱਲੇਬਾਜ਼ੀ ਲਾਈਨ-ਅੱਪ ਹੈ।
ਲਖਨਊ ਨੇ ਸੋਮਵਾਰ ਰਾਤ ਨੂੰ ਆਰਸੀਬੀ 'ਤੇ ਇਕ ਵਿਕਟ ਨਾਲ ਰੋਮਾਂਚਕ ਜਿੱਤ ਦਰਜ ਕੀਤੀ। ਨਿਕੋਲਸ ਪੂਰਨ (19 ਗੇਂਦਾਂ ਵਿੱਚ 62) ਅਤੇ ਮਾਰਕਸ ਸਟੋਇਨਿਸ (30 ਗੇਂਦਾਂ ਵਿੱਚ 65) ਨੇ 213 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦਿਆਂ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਰਾਹੁਲ ਦਾ ਪ੍ਰਦਰਸ਼ਨ ਨਿਰਾਸ਼ਾਜਨਕ ਰਿਹਾ ਕਿਉਂਕਿ ਉਹ 20 ਗੇਂਦਾਂ ਵਿੱਚ 18 ਦੌੜਾਂ ਬਣਾ ਕੇ ਆਊਟ ਹੋ ਗਿਆ। ਜਾਫਰ ਨੇ ਕਿਹਾ, 'ਮੈਂ ਹੈਰਾਨ ਹਾਂ। ਇਹ ਥੋੜ੍ਹਾ ਦਰਦਨਾਕ ਵੀ ਸੀ। ਜਦੋਂ ਤੁਸੀਂ 213 ਦੌੜਾਂ ਦਾ ਪਿੱਛਾ ਕਰ ਰਹੇ ਹੁੰਦੇ ਹੋ ਅਤੇ ਤੁਸੀਂ ਕਪਤਾਨ ਹੋ, ਤੁਹਾਨੂੰ ਅੱਗੇ ਤੋਂ ਅਗਵਾਈ ਕਰਨ ਦੀ ਲੋੜ ਹੁੰਦੀ ਹੈ।
ਇਹ ਵੀ ਪੜ੍ਹੋ : ਵਿਕਟ ਲਈ ਅਮਿਤ ਮਿਸ਼ਰਾ ਨੇ ਨਿਯਮਾਂ ਨੂੰ ਟੰਗਿਆ ਛਿੱਕੇ, ਵਿਰਾਟ ਕੋਹਲੀ ਨੂੰ ਧੋਖੇ ਨਾਲ ਕੀਤਾ ਆਊਟ
ਸਾਬਕਾ ਭਾਰਤੀ ਕ੍ਰਿਕਟਰ ਨੇ ਕਿਹਾ, 'ਰਾਹੁਲ ਨੂੰ ਆਪਣਾ ਇਰਾਦਾ ਬਦਲਣਾ ਹੋਵੇਗਾ। ਐਲਐਸਜੀ ਕੋਲ ਬਹੁਤ ਵਧੀਆ ਬੱਲੇਬਾਜ਼ੀ ਲਾਈਨ-ਅਪ ਹੈ। ਮੌਜੂਦਾ ਟੀਮ 'ਚ ਕਰੁਣਾਲ ਪੰਡਯਾ ਨੇ ਅਜੇ ਫਾਇਰ ਨਹੀਂ ਕੀਤੀ ਹੈ, ਦੀਪਕ ਹੁੱਡਾ ਦੇ ਨਾਲ ਵੀ ਅਜਿਹਾ ਹੀ ਹੈ। ਇਸ ਦੇ ਨਾਲ ਹੀ ਬੱਲੇਬਾਜ਼ੀ 'ਚ ਵੀ ਕਾਫੀ ਗਹਿਰਾਈ ਹੈ। ਉਸ ਨੂੰ ਕੁਝ ਇਰਾਦਾ ਦਿਖਾਉਣ ਦੀ ਜ਼ਰੂਰਤ ਹੋਏਗੀ ਕਿਉਂਕਿ ਟੀਮ ਕੋਲ ਅਸਲ ਵਿੱਚ ਚੰਗਾ ਬੈਕ-ਅਪ ਹੈ। ਅਜਿਹਾ ਨਹੀਂ ਹੈ ਕਿ ਰਾਹੁਲ ਦੇ ਆਊਟ ਹੋਣ 'ਤੇ ਐਲਐਸਜੀ ਦੌੜਾਂ ਨਹੀਂ ਬਣਾ ਸਕੇਗੀ।
ਜਾਫਰ ਨੇ ਅੱਗੇ ਕਿਹਾ ਕਿ ਬੱਲੇਬਾਜ਼ੀ 'ਚ ਕਪਤਾਨ ਦੀ ਫਾਰਮ ਬਾਕੀ ਬੱਲੇਬਾਜ਼ਾਂ 'ਤੇ ਵਾਧੂ ਬੋਝ ਪਾ ਰਹੀ ਹੈ। ਉਸ ਨੇ ਕਿਹਾ, 'ਅਸੀਂ ਰਾਹੁਲ ਨੂੰ ਵਿਸਫੋਟਕ ਪਾਰੀ ਖੇਡਦੇ ਦੇਖਿਆ ਹੈ ਪਰ ਕਈ ਵਾਰ ਫ੍ਰੈਂਚਾਇਜ਼ੀ ਕ੍ਰਿਕਟ 'ਚ ਉਹ ਥੋੜ੍ਹਾ ਜ਼ਿਆਦਾ ਸਮਾਂ ਲੈਂਦੇ ਹਨ। ਇਸ ਨਾਲ ਨਾਨ-ਸਟਰਾਈਕਰ ਅਤੇ ਡਗਆਊਟ 'ਚ ਖਿਡਾਰੀਆਂ 'ਤੇ ਵੀ ਦਬਾਅ ਪੈਂਦਾ ਹੈ। ਦੂਜੇ ਬੱਲੇਬਾਜ਼ਾਂ ਨੂੰ ਬੇਲੋੜਾ ਜੋਖਮ ਉਠਾਉਣਾ ਪੈਂਦਾ ਹੈ। ਰਾਹੁਲ ਹਮਲਾਵਰ ਕ੍ਰਿਕਟ ਖੇਡ ਸਕਦੇ ਹਨ। ਬਸ ਇੰਨਾ ਹੀ ਹੈ ਕਿ ਉਸ ਨੂੰ ਜ਼ਿਆਦਾ ਸਕਾਰਾਤਮਕ ਇਰਾਦੇ ਨਾਲ ਬੱਲੇਬਾਜ਼ੀ ਕਰਨ ਦੀ ਲੋੜ ਹੈ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
ਲਖਨਊ ਦੀ ਬੈਂਗਲੁਰੂ 'ਤੇ ਜਿੱਤ ਦੇ ਹੀਰੋ ਰਹੇ ਨਿਕੋਲਸ ਪੂਰਨ ਦੀ ਸੁਰੇਸ਼ ਰੈਨਾ ਨੇ ਕੀਤੀ ਸ਼ਲਾਘਾ
NEXT STORY 
