ਸਪੋਰਟਸ ਡੈਸਕ : ਅਰਜਨਟੀਨਾ ਦੀ ਮਹਿਲਾ ਕ੍ਰਿਕਟ ਟੀਮ ਨੇ ਅੱਜ ਕ੍ਰਿਕਟ ਦੇ ਮੈਦਾਨ ਵਿੱਚ ਅਜਿਹਾ ਕਾਰਨਾਮਾ ਕੀਤਾ ਹੈ, ਜਿਸ ਦੀ ਗੂੰਜ ਲੰਬੇ ਸਮੇਂ ਤੱਕ ਸੁਣਾਈ ਦੇਵੇਗੀ। ਅਰਜਨਟੀਨਾ ਦੀ ਮਹਿਲਾ ਕ੍ਰਿਕਟ ਟੀਮ ਨੇ ਇੱਕ ਟੀ-20 ਮੈਚ ਵਿੱਚ ਚਿਲੀ ਦੀ ਮਹਿਲਾ ਕ੍ਰਿਕਟ ਟੀਮ ਨੂੰ 364 ਦੌੜਾਂ ਨਾਲ ਹਰਾ ਦਿੱਤਾ ਹੈ। 364 ਦੌੜਾਂ ਦੀ ਹਾਰ ਨੂੰ ਟੈਸਟ ਮੈਚ 'ਚ ਵੀ ਵੱਡੀ ਹਾਰ ਮੰਨਿਆ ਜਾਂਦਾ ਹੈ ਪਰ ਚਿਲੀ ਨੂੰ ਟੀ-20 ਮੈਚ 'ਚ ਇੰਨੀ ਵੱਡੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਇਸ ਇੱਕ ਟੀ-20 ਮੈਚ ਵਿੱਚ ਇੰਨੇ ਸਾਰੇ ਹੈਰਾਨ ਕਰਨ ਵਾਲੇ ਰਿਕਾਰਡ ਬਣ ਗਏ ਹਨ ਕਿ ਤੁਸੀਂ ਸੁਣ ਕੇ ਦੰਗ ਰਹਿ ਜਾਓਗੇ।
ਇਹ ਵੀ ਪੜ੍ਹੋ : ਭਾਰਤ-ਪਾਕਿ ਮਹਾਮੁਕਾਬਲੇ 'ਚ ਇਹ 5 ਖਿਡਾਰੀ ਸਾਬਤ ਹੋ ਸਕਦੇ ਹਨ ਗੇਂਮ ਚੇਂਜਰ, ਟਿਕੀਆਂ ਸਭ ਦੀਆਂ ਨਜ਼ਰਾਂ
ਦਰਅਸਲ, ਚਿਲੀ ਦੀ ਟੀਮ 3 ਮੈਚਾਂ ਦੀ ਟੀ-20 ਸੀਰੀਜ਼ ਖੇਡਣ ਲਈ ਅਰਜਨਟੀਨਾ ਦੇ ਦੌਰੇ 'ਤੇ ਗਈ ਹੈ। ਇਸ ਸੀਰੀਜ਼ ਦਾ ਪਹਿਲਾ ਮੈਚ 13 ਅਕਤੂਬਰ ਨੂੰ ਖੇਡਿਆ ਗਿਆ ਸੀ। ਇਸ ਮੈਚ 'ਚ ਚਿਲੀ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਪਰ ਸ਼ਾਇਦ ਇਹ ਉਨ੍ਹਾਂ ਦਾ ਸਭ ਤੋਂ ਖਰਾਬ ਫੈਸਲਾ ਸਾਬਤ ਹੋਇਆ। ਅਰਜਨਟੀਨਾ ਦੀ ਟੀਮ ਨੇ 20 ਓਵਰਾਂ ਵਿੱਚ 427 ਦੌੜਾਂ ਦਾ ਪਹਾੜ ਬਣਾ ਕੇ ਕਈ ਵਿਸ਼ਵ ਰਿਕਾਰਡ ਤੋੜ ਦਿੱਤੇ ਅਤੇ ਸਿਰਫ਼ ਇੱਕ ਵਿਕਟ ਗੁਆ ਦਿੱਤੀ। ਇਸ ਸਕੋਰ ਦਾ ਪਿੱਛਾ ਕਰਦੇ ਹੋਏ ਚਿਲੀ ਦੀ ਟੀਮ 15 ਓਵਰਾਂ 'ਚ ਸਿਰਫ 63 ਦੌੜਾਂ 'ਤੇ ਆਲ ਆਊਟ ਹੋ ਗਈ। ਇਸ ਤਰ੍ਹਾਂ ਅਰਜਨਟੀਨਾ ਦੀ ਮਹਿਲਾ ਟੀਮ ਨੇ ਇਹ ਮੈਚ 364 ਦੌੜਾਂ ਨਾਲ ਜਿੱਤ ਕੇ ਨਵਾਂ ਇਤਿਹਾਸ ਰਚ ਦਿੱਤਾ। ਆਓ ਹੁਣ ਤੁਹਾਨੂੰ ਦੱਸਦੇ ਹਾਂ ਇਸ ਮੈਚ ਦੇ ਕੁਝ ਦਿਲਚਸਪ ਅੰਕੜਿਆਂ ਬਾਰੇ।
ਇਹ ਵੀ ਪੜ੍ਹੋ : World Cup 2023 'ਚ ਨਿਊਜ਼ੀਲੈਂਡ ਦੀ ਲਗਾਤਾਰ ਤੀਜੀ ਜਿੱਤ, ਬੰਗਲਾਦੇਸ਼ ਨੂੰ 8 ਵਿਕਟਾਂ ਨਾਲ ਹਰਾਇਆ
ਇੱਕ ਟੀ-20 ਮੈਚ ਵਿੱਚ ਕਈ ਦਿਲਚਸਪ ਰਿਕਾਰਡ ਬਣਾਏ
* ਅਰਜਨਟੀਨਾ ਦੀ ਮਹਿਲਾ ਟੀਮ ਨੇ ਪਹਿਲੀ ਵਿਕਟ ਲਈ 350 ਦੌੜਾਂ ਦੀ ਸਾਂਝੇਦਾਰੀ ਕੀਤੀ।
* ਅਰਜਨਟੀਨਾ ਦੀ ਪਾਰੀ 'ਚ ਕੁੱਲ 57 ਚੌਕੇ ਲੱਗੇ, ਜਦਕਿ ਇਕ ਵੀ ਛੱਕਾ ਨਹੀਂ ਲੱਗਾ।
* ਚਿਲੀ ਨੇ 73 ਵਾਧੂ ਦੌੜਾਂ ਦਿੱਤੀਆਂ।
* ਚਿਲੀ ਦੇ ਗੇਂਦਬਾਜ਼ਾਂ ਨੇ ਇੱਕ ਪਾਰੀ ਵਿੱਚ 64 ਨੋ ਗੇਂਦਾਂ ਦੇ ਕੇ ਇਤਿਹਾਸ ਰਚ ਦਿੱਤਾ।
* ਅਰਜਨਟੀਨਾ ਦੀ ਟੀਮ ਨੂੰ ਕਰੀਬ 10 ਓਵਰ ਫ੍ਰੀ-ਹਿੱਟ ਖੇਡਣ ਦਾ ਮੌਕਾ ਮਿਲਿਆ।
* 20 ਓਵਰਾਂ ਦਾ ਮੈਚ ਵਾਧੂ ਗੇਂਦਾਂ ਸਮੇਤ 30 ਓਵਰਾਂ ਦਾ ਹੋ ਗਿਆ।
* ਚਿਲੀ ਦੀ ਗੇਂਦਬਾਜ਼ ਫਲੋਰਨੇਸੀਆ ਮਾਰਟੀਨੇਜ਼ ਨੇ ਇਕ ਓਵਰ 'ਚ 36 ਨਹੀਂ ਸਗੋਂ 52 ਦੌੜਾਂ ਖਰਚ ਕਰ ਦਿੱਤੀਆਂ, ਜੋ ਇਕ ਨਵਾਂ ਰਿਕਾਰਡ ਬਣ ਗਿਆ। ਹੁਣ ਤੱਕ ਕਿਸੇ ਵੀ ਗੇਂਦਬਾਜ਼ ਨੇ ਇੱਕ ਓਵਰ ਵਿੱਚ 52 ਦੌੜਾਂ ਨਹੀਂ ਦਿੱਤੀਆਂ ਸਨ ਪਰ ਫਲੋਰਨੇਸੀਆ ਮਾਰਟੀਨੇਜ਼ ਨੇ ਅਜਿਹਾ ਕੀਤਾ। ਉਸ ਨੇ ਇਸ ਇੱਕ ਓਵਰ ਵਿੱਚ 17 ਨੋ ਗੇਂਦਾਂ ਸੁੱਟੀਆਂ।
* ਇਸ ਮੈਚ ਵਿੱਚ ਸਭ ਤੋਂ ਘੱਟ ਦੌੜਾਂ ਦੇਣ ਵਾਲੀ ਚਿਲੀ ਦੀ ਐਸਪੇਰੇਂਜ਼ਾ ਰੂਬੀਓ ਬਣੀ, ਜਿਸ ਨੇ ਆਪਣੇ ਨਿਰਧਾਰਤ 4 ਓਵਰਾਂ ਵਿੱਚ 57 ਦੌੜਾਂ ਦਿੱਤੀਆਂ। ਇਸ ਸਮੇਂ ਦੌਰਾਨ ਉਸਦੀ ਇਕਨਾਮਿਕ ਰੇਟ 14.25 ਸੀ
* ਚਿਲੀ ਦੀ ਪਾਰੀ 'ਚ ਕੁੱਲ 7 ਬੱਲੇਬਾਜ਼ ਜ਼ੀਰੋ 'ਤੇ ਆਊਟ ਹੋਏ।
* ਚਿਲੀ ਨੇ ਕੁੱਲ 63 ਦੌੜਾਂ ਬਣਾਈਆਂ, ਜਿਨ੍ਹਾਂ 'ਚੋਂ 29 ਦੌੜਾਂ ਵਾਧੂ ਸਨ।
* ਚਿਲੀ ਦੀ ਪਾਰੀ ਵਿੱਚ ਚਾਰ ਬੱਲੇਬਾਜ਼ ਰਨ ਆਊਟ ਹੋ ਕੇ ਪੈਵੇਲੀਅਨ ਪਰਤ ਗਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:-
https://play.google.com/store/apps/details?id=com.jagbani&hl=en&pli=1
For IOS:-
https://apps.apple.com/in/app/id538323711
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ
ਅਦਾਕਾਰਾ ਹੇਜ਼ਲ ਕੀਚ ਨੇ ਦਾਨ ਕੀਤੇ ਆਪਣੇ ਵਾਲ, ਵਜ੍ਹਾ ਜਾਣ ਯੁਵਰਾਜ ਸਿੰਘ ਨੂੰ ਹੋਵੇਗਾ ਪਤਨੀ 'ਤੇ ਮਾਣ
NEXT STORY 
