ਸਪੋਰਟਸ ਡੈਸਕ- ਨਾਰਵੇ ਦੇ ਗ੍ਰੈਂਡਮਾਸਟਰ ਮੈਗਨਸ ਕਾਰਲਸਨ ਨੇ ਆਪਣਾ 7ਵਾਂ ਨਾਰਵੇ ਸ਼ਤਰੰਜ ਖਿਤਾਬ ਜਿੱਤ ਲਿਆ ਹੈ, ਜਦਕਿ ਅੰਨਾ ਮੁਜ਼ੀਚੁਕ ਨੇ ਮਹਿਲਾ ਖਿਤਾਬ ਆਪਣੇ ਨਾਂ ਕੀਤਾ ਹੈ। ਨਾਰਵੇ ਸ਼ਤਰੰਜ 2025 ਟੂਰਨਾਮੈਂਟ ਦੇ ਰਾਊਂਡ 10 ਵਿੱਚ ਅਮਰੀਕੀ ਗ੍ਰੈਂਡਮਾਸਟਰ ਫੈਬੀਆਨੋ ਕਾਰੂਆਨਾ ਤੋਂ ਹਾਰਨ ਤੋਂ ਬਾਅਦ ਭਾਰਤ ਦੇ ਡੀ ਗੁਕੇਸ਼ 14.5 ਅੰਕਾਂ ਨਾਲ ਤੀਜੇ ਸਥਾਨ 'ਤੇ ਰਹੇ।
ਮੈਗਨਸ ਕਾਰਲਸਨ ਨੂੰ ਗੁਕੇਸ਼ ਦੀ ਹਾਰ ਦਾ ਫਾਇਦਾ ਹੋਇਆ। ਉਸ ਨੇ 10ਵੇਂ ਰਾਊਂਡ ਵਿੱਚ ਭਾਰਤ ਦੇ ਅਰਜੁਨ ਏਰੀਗੈਸੀ ਵਿਰੁੱਧ ਮੇਨ ਗੇਮ ਡਰਾਅ ਖੇਡ ਕੇ 16 ਅੰਕਾਂ ਨਾਲ ਖਿਤਾਬ ਜਿੱਤਿਆ। ਫੈਬੀਆਨੋ ਕਾਰੂਆਨਾ 15.5 ਅੰਕਾਂ ਨਾਲ ਦੂਜੇ ਸਥਾਨ 'ਤੇ ਰਿਹਾ ਅਤੇ ਅਰਜੁਨ ਏਰੀਗੈਸੀ 13 ਅੰਕਾਂ ਨਾਲ ਪੰਜਵੇਂ ਸਥਾਨ 'ਤੇ ਰਿਹਾ।
ਵਿਸ਼ਵ ਦੇ ਨੰਬਰ ਇੱਕ ਮੈਗਨਸ ਕਾਰਲਸਨ ਨੂੰ ਅਰਜੁਨ ਏਰੀਗੈਸੀ ਖ਼ਿਲਾਫ਼ ਖੇਡਦੇ ਹੋਏ ਨਾਲ ਸਖ਼ਤ ਚੁਣੌਤੀ ਦਾ ਸਾਹਮਣਾ ਕਰਨਾ ਪਿਆ। ਦਬਾਅ ਦੇ ਬਾਵਜੂਦ ਕਾਰਲਸਨ ਨੇ ਕੁਸ਼ਲਤਾ ਨਾਲ ਬਚਾਅ ਕੀਤਾ ਅਤੇ ਬਾਜ਼ੀ ਪਲਟਣ ਵਿੱਚ ਸਫਲ ਰਿਹਾ। ਫੈਬੀਆਨੋ ਕਾਰੂਆਨਾ ਨੇ ਹਮਲਾਵਰ ਖੇਡ ਵਿੱਚ ਵਿਸ਼ਵ ਚੈਂਪੀਅਨ ਡੋਮਾਰਾਜੂ ਗੁਕੇਸ਼ ਨੂੰ ਹਰਾਇਆ।
ਇਹ ਵੀ ਪੜ੍ਹੋ- ਦਿੱਲੀ ਏਅਰਪੋਰਟ ਜਾਣ ਵਾਲਿਆਂ ਲਈ ਵੱਡੀ ਖ਼ਬਰ ! 3 ਮਹੀਨੇ ਤੱਕ ਰੋਜ਼ਾਨਾ 100 ਤੋਂ ਵੱਧ ਉਡਾਣਾਂ ਹੋਣਗੀਆਂ ਰੱਦ
ਗੁਕੇਸ਼ ਖ਼ਿਲਾਫ਼ ਜਿੱਤ ਨੇ ਕਾਰੂਆਨਾ ਨੂੰ ਦੂਜਾ ਸਥਾਨ ਦਿਵਾਇਆ, ਜਦਕਿ ਗੁਕੇਸ਼ ਫਾਈਨਲ ਸਟੈਂਡਿੰਗ ਵਿੱਚ ਤੀਜੇ ਸਥਾਨ 'ਤੇ ਖਿਸਕ ਗਿਆ। ਹਿਕਾਰੂ ਨਾਕਾਮੁਰਾ ਅਤੇ ਵੇਈ ਯੀ ਵਿਚਕਾਰ ਆਖਰੀ ਗੇਮ ਡਰਾਅ ਨਾਲ ਖਤਮ ਹੋਈ। ਵੇਈ ਯੀ ਨੇ ਆਰਮਾਗੇਡਨ ਗੇਮ ਜਿੱਤੀ।
ਇਸ ਤੋਂ ਇਲਾਵਾ ਯੂਕ੍ਰੇਨ ਦੀ ਅੰਨਾ ਮੁਜ਼ੀਚੁਕ ਨੇ ਨਾਰਵੇ ਸ਼ਤਰੰਜ ਮਹਿਲਾ 2025 ਦਾ ਖਿਤਾਬ ਜਿੱਤਿਆ। ਅੰਨਾ ਮੁਜ਼ੀਚੁਕ ਨੇ ਫਾਈਨਲ ਰਾਊਂਡ ਵਿੱਚ ਭਾਰਤ ਦੀ ਆਰ. ਵੈਸ਼ਾਲੀ ਤੋਂ ਆਰਮਾਗੇਡਨ ਟਾਈ-ਬ੍ਰੇਕ ਹਾਰਨ ਦੇ ਬਾਵਜੂਦ 16.5 ਅੰਕਾਂ ਨਾਲ ਖਿਤਾਬ ਜਿੱਤਿਆ। ਹਮਵਤਨ ਕੋਨੇਰੂ ਹੰਪੀ 15 ਅੰਕਾਂ ਨਾਲ ਟੂਰਨਾਮੈਂਟ ਵਿੱਚ ਤੀਜੇ ਸਥਾਨ 'ਤੇ ਰਹੀ।
ਇਹ ਵੀ ਪੜ੍ਹੋ- 'ਮਾਸੂਮ' ਜਿਹੀ ਬੀਬੀ ਕਰ ਗਈ ਵੱਡਾ ਕਾਂਡ ; ਲੋਕਾਂ ਦੇ ਪੈਸੇ ਕਢਵਾ ਕੇ ਮਾਰਕੀਟ 'ਚ ਕੀਤੇ Invest, ਜਦੋਂ ਉਹ ਵੀ ਡੁੱਬੇ ਤਾਂ...
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਧਾਕੜ ਗੇਂਦਬਾਜ਼ ਦੀ ਹੈਟ੍ਰਿਕ, ਇੱਕ ਓਵਰ 'ਚ ਝਟਕਾਈਆਂ 4 ਵਿਕਟਾਂ, ਵਿਰੋਧੀ ਟੀਮ ਹੋਈ ਚਿੱਤ
NEXT STORY 
