ਗੋਲਡ ਕੋਸਟ, (ਬਿਊਰੋ)— ਗਲਾਸਗੋ 'ਚ ਸੋਨ ਤਮਗਾ ਜਿੱਤਣ ਵਾਲੀ ਦੀਪਿਕਾ ਪੱਲੀਕਲ ਅਤੇ ਜੋਸ਼ਨਾ ਚਿਨੱਪਾ ਦੀ ਮਹਿਲਾ ਡਬਲਜ਼ ਜੋੜੀ ਰਾਸ਼ਟਰਮੰਡਲ ਖੇਡਾਂ 2018 'ਚ ਅੱਜ ਇੱਥੇ ਆਪਣਾ ਖਿਤਾਬ ਬਚਾਉਣ 'ਚ ਅਸਫਲ ਰਹੀ ਅਤੇ ਇਸ ਤਰ੍ਹਾਂ ਭਾਰਤ ਨੂੰ ਸਕੁਐਸ਼ 'ਚ ਆਪਣੀ ਮੁਹਿੰਮ ਦਾ ਅੰਤ 2 ਚਾਂਦੀ ਦੇ ਤਮਗੇ ਦੇ ਨਾਲ ਕਰਨਾ ਪਿਆ। ਚਾਰ ਸਾਲ ਪਹਿਲਾਂ ਗਲਾਸਗੋ ਵਿੱਚ ਸੋਨ ਤਮਗਾ ਜਿੱਤਕੇ ਇਤਿਹਾਸ ਰਚਣ ਵਾਲੀ ਪੱਲੀਕਲ ਅਤੇ ਚਿਨੱਪਾ ਦੀ ਜੋੜੀ ਖਿਤਾਬੀ ਮੁਕਾਬਲੇ ਵਿੱਚ ਨਿਊਜ਼ੀਲੈਂਡ ਦੀ ਜੋੜੀ ਕਿੰਗ ਅਤੇ ਅਮਾਂਡਾ ਲਾਂਡਰਸ ਮਰਫੀ ਤੋਂ 9-11, 8-11 ਤੋਂ ਹਾਰ ਗਈ । ਭਾਰਤੀ ਜੋੜੀ ਰੈਫਰੀ ਦੇ ਕੁਝ ਫੈਸਲਿਆਂ ਤੋਂ ਸਾਫ਼ ਤੌਰ ਉੱਤੇ ਨਾਖੁਸ਼ ਵਿੱਖ ਰਹੀ ਸੀ ।
ਪੱਲੀਕਲ ਨੇ ਕੱਲ ਮਿਕਸਡ ਡਬਲਜ਼ ਫਾਈਨਲ ਵਿੱਚ ਵੀ ਰੈਫਰਿੰਗ ਉੱਤੇ ਸਵਾਲ ਚੁੱਕੇ ਸਨ ਜਦੋਂ ਉਨ੍ਹਾਂ ਨੂੰ ਅਤੇ ਸੌਰਵ ਘੋਸ਼ਾਲ ਨੂੰ ਆਸਟਰੇਲੀਆ ਦੀ ਡੋਨਾ ਉਰਕਹਾਰਟ ਅਤੇ ਕੈਮਰਨ ਪਿੱਲੈ ਤੋਂ ਹਾਰਕੇ ਚਾਂਦੀ ਦੇ ਤਮਗੇ ਨਾਲ ਸਬਰ ਕਰਨਾ ਪਿਆ ਸੀ । ਜੇਕਰ ਤਮਗਿਆਂ ਦੀ ਗੱਲ ਕਰੀਏ ਤਾਂ ਇਹ ਭਾਰਤੀ ਸਕੁਐਸ਼ ਟੀਮ ਦਾ ਰਾਸ਼ਟਰਮੰਡਲ ਖੇਡਾਂ ਵਿੱਚ ਹੁਣ ਤੱਕ ਦਾ ਸਭ ਤੋਂ ਉੱਤਮ ਪ੍ਰਦਰਸ਼ਨ ਹੈ । ਸਕੁਐਸ਼ ਨੂੰ 1998 ਵਿੱਚ ਰਾਸ਼ਟਰਮੰਡਲ ਖੇਡਾਂ ਵਿੱਚ ਸ਼ਾਮਿਲ ਕੀਤਾ ਗਿਆ ਸੀ ।
CWG 2018 : ਮਨਿਕਾ ਬਤਰਾ ਅਤੇ ਸਾਥੀਆਨ ਨੂੰ ਮਿਕਸਡ ਡਬਲਜ਼ ਟੇਬਲ ਟੈਨਿਸ 'ਚ ਮਿਲਿਆ ਕਾਂਸੀ
NEXT STORY