ਪੈਰਿਸ : ਪੈਰਿਸ ਓਲੰਪਿਕ 'ਚ ਤਲਵਾਰਬਾਜ਼ੀ ਮੁਕਾਬਲੇ 'ਚ ਹਿੱਸਾ ਲੈਣ ਤੋਂ ਬਾਅਦ ਮਿਸਰ ਦੀ ਤਲਵਾਰਬਾਜ਼ ਨਦਾ ਹਾਫੇਜ਼ ਨੇ ਖੁਲਾਸਾ ਕੀਤਾ ਕਿ ਉਹ ਸੱਤ ਮਹੀਨਿਆਂ ਦੀ ਗਰਭਵਤੀ ਹੈ। ਸੋਮਵਾਰ ਨੂੰ ਮਹਿਲਾਵਾਂ ਦੇ ਸੈਬਰ ਈਵੈਂਟ ਵਿੱਚ ਰਾਊਂਡ 16 ਵਿੱਚ ਪਹੁੰਚਣ ਤੋਂ ਕੁਝ ਘੰਟੇ ਬਾਅਦ ਹਾਫੇਜ਼ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਪੋਸਟ ਕੀਤੀ ਕਿ ਉਨ੍ਹਾਂ ਦੇ ਗਰਭ 'ਚ ਇਕ 'ਲਿਟਲ ਓਲੰਪੀਅਨ' ਪਲ ਰਿਹਾ ਹੈ।
ਕੈਰੋ ਦੀ 26 ਸਾਲਾ ਤਲਵਾਰਬਾਜ਼ ਨੇ ਅਮਰੀਕਾ ਦੀ ਐਲਿਜ਼ਾਬੇਥ ਟਾਰਟਾਕੋਵਸਕੀ ਨੂੰ ਹਰਾ ਕੇ ਉਲਟਫੇਰ ਕੀਤਾ ਪਰ ਫਿਰ ਕੋਰੀਆ ਦੀ ਜੀਓਨ ਹੇਯੰਗ ਤੋਂ ਹਾਰ ਗਈ। ਹਾਫੇਜ਼ ਨੇ ਲਿਖਿਆ, 'ਮੈਂ ਅਤੇ ਮੇਰੇ ਬੱਚੇ ਨੇ ਆਪਣੀਆਂ ਚੁਣੌਤੀਆਂ ਦਾ ਸਾਹਮਣਾ ਕੀਤਾ, ਭਾਵੇਂ ਉਹ ਸਰੀਰਕ ਹੋਵੇ ਜਾਂ ਭਾਵਨਾਤਮਕ।'
ਉਨ੍ਹਾਂ ਨੇ ਕਿਹਾ, 'ਗਰਭ ਅਵਸਥਾ ਆਪਣੇ ਆਪ ਵਿੱਚ ਇੱਕ ਮੁਸ਼ਕਲ ਸਫ਼ਰ ਹੈ, ਪਰ ਜ਼ਿੰਦਗੀ ਅਤੇ ਖੇਡਾਂ ਵਿੱਚ ਸੰਤੁਲਨ ਬਣਾਈ ਰੱਖਣ ਲਈ ਸੰਘਰਸ਼ ਕਰਨਾ ਬਹੁਤ ਮੁਸ਼ਕਲ ਸੀ। ਮੈਂ ਇਹ ਪੋਸਟ ਇਹ ਦੱਸਣ ਲਈ ਲਿਖ ਰਹੀ ਹਾਂ ਕਿ ਮੈਂ ਰਾਊਂਡ ਆਫ 16 ਵਿੱਚ ਆਪਣੀ ਜਗ੍ਹਾ ਪੱਕੀ ਕਰਨ ਤੋਂ ਬਾਅਦ ਮਾਣ ਮਹਿਸੂਸ ਕਰ ਰਹੀ ਹਾਂ। ਹਾਫੇਜ਼ ਜਿਸ ਕੋਲ ਮੈਡੀਸਨ ਵਿੱਚ ਡਿਗਰੀ ਹੈ, ਇੱਕ ਸਾਬਕਾ ਜਿਮਨਾਸਟ ਅਤੇ ਤਿੰਨ ਵਾਰ ਦੀ ਓਲੰਪੀਅਨ ਹੈ ਜਿਸਨੇ 2019 ਅਫਰੀਕੀ ਖੇਡਾਂ ਵਿੱਚ ਵਿਅਕਤੀਗਤ ਅਤੇ ਟੀਮ ਸੈਬਰ ਈਵੈਂਟ ਵਿੱਚ ਸੋਨ ਤਮਗੇ ਜਿੱਤੇ ਸਨ।
ਖੁਸ਼ੀ ਕਾਰਨ ਦਿਲ ਦਾ ਦੌਰਾ ਪੈ ਸਕਦਾ ਸੀ,' ਪੈਰਿਸ ਓਲੰਪਿਕ 'ਚ ਮਨੂ ਦੇ ਦੂਜਾ ਮੈਡਲ ਜਿੱਤਣ 'ਤੇ ਬੋਲੀ ਮਾਂ
NEXT STORY 
