ਦੁਬਈ- ਭਾਰਤ ਦੇ ਪ੍ਰਮੁੱਖ ਕੋਚ ਦੇ ਰੂਪ ਵਿਚ ਨਾਮੀਬੀਆ ਦੇ ਵਿਰੁੱਧ ਆਪਣੇ ਆਖਰੀ ਮੈਚ ਤੋਂ ਪਹਿਲਾਂ ਰਵੀ ਸ਼ਾਸਤਰੀ ਨੇ ਸਵੀਕਾਰ ਕੀਤਾ ਕਿ ਭਾਰਤੀ ਟੀਮ ਟੀ-20 ਵਿਸ਼ਵ ਕੱਪ ਦੇ ਦੌਰਾਨ ਮਾਨਸਿਕ ਤੇ ਸਰੀਰਕ ਤੌਰ 'ਤੇ ਥੱਕੀ ਹੋਈ ਸੀ ਤੇ ਉਸ ਨੇ ਜਿੱਤਣ ਦੀ ਕੋਸ਼ਿਸ਼ ਵੀ ਨਹੀਂ ਕੀਤੀ ਕਿਉਂਕਿ ਟੀਮ ਵੱਡੇ ਮੈਚਾਂ ਵਿਚ ਦਬਾਅ ਦੀ ਸਥਿਤੀ ਦੇ ਦੌਰਾਨ ਵਧੀਆ ਪ੍ਰਦਰਸ਼ਨ ਕਰਨ ਵਿਚ ਅਸਫਲ ਰਹੇ। ਸ਼ਾਸਤਰੀ ਨੇ ਕਿਹਾ ਕਿ ਉਸਦੇ ਉੱਤਰਾਧਿਕਾਰੀ ਰਾਹੁਲ ਦ੍ਰਾਵਿੜ ਨੂੰ 'ਵਿਰਾਸਤ' 'ਚ ਸ਼ਾਨਦਾਰ ਟੀਮ ਮਿਲੀ ਹੈ ਤੇ ਆਪਣੇ ਪੱਧਰ ਤੇ ਅਨੁਭਵ ਨੂੰ ਦੇਖਦੇ ਹੋਏ ਟੀਮ ਦੇ ਪੱਧਰ ਵਿਚ ਸੁਧਾਰ ਹੀ ਕਰਨਗੇ। ਇਯਾਨ ਬਿਸ਼ਪ ਨੇ ਜਦੋ ਟੀ-20 ਵਿਸ਼ਵ ਕੱਪ ਵਿਚ ਅਸਫਲ ਮੁਹਿੰਮ ਦੇ ਵਾਰੇ ਵਿਚ ਪੁੱਛਿਆ ਤਾਂ ਸ਼ਾਸਤਰੀ ਨੇ ਸਟਾਰ ਸਪੋਰਟਸ ਨੂੰ ਕਿਹਾ ਕਿ ਸਭ ਤੋਂ ਪਹਿਲਾਂ ਮੇਰੇ ਦਿਮਾਗ 'ਚ ਆਰਾਮ ਦੀ ਗੱਲ ਆਉਂਦੀ ਹੈ। ਮੈਂ ਮਾਨਸਿਕ ਰੂਪ ਨਾਲ ਥੱਕਿਆ ਹੋਇਆ ਹਾਂ ਪਰ ਮੇਰੀ ਉਮਰ 'ਚ ਮੈਂ ਅਜਿਹਾ ਹੋਣ ਦੀ ਉਮੀਦ ਕਰਦਾ ਹਾਂ। ਇਹ ਖਿਡਾਰੀ ਮਾਨਸਿਕ ਤੇ ਸਰੀਰਕ ਰੂਪ ਤੋਂ ਥੱਕੇ ਹੋਏ ਹਨ। 6 ਮਹੀਨੇ ਤੋਂ ਜੈਵਿਕ ਰੂਪ ਨਾਲ ਸੁਰੱਖਿਆ ਦਾ ਮਾਹੌਲ ਦਾ ਹਿੱਸਾ ਹੈ। ਆਦਰਸ਼ ਸਥਿਤੀ ਵਿਚ ਅਸੀਂ ਇੰਡੀਅਨ ਪ੍ਰੀਮੀਅਰ ਲੀਗ ਤੇ ਟੀ-20 ਵਿਸ਼ਵ ਕੱਪ ਦੇ ਵਿਚ ਵਿਚ ਲੰਬਾ ਬ੍ਰੇਕ ਚਾਹੁੰਦੇ ਕਿਉਂਕਿ ਵੱਡੇ ਮੈਚਾਂ ਦੇ ਨਾਲ ਤੁਹਾਡੇ 'ਤੇ ਦਬਾਅ ਆਉਂਦਾ ਹੈ ਤਾਂ ਤੁਸੀਂ ਉਸ ਤਰ੍ਹਾਂ ਦਾ ਪ੍ਰਦਰਸ਼ਨ ਨਹੀਂ ਕਰ ਸਕਦੇ ਜਿਵੇਂ ਤੁਸੀਂ ਕਰਨਾ ਚਾਹੁੰਦੇ ਹੋ।
ਇਹ ਖ਼ਬਰ ਪੜ੍ਹੋ- ਵਿਰਾਟ ਕੋਹਲੀ ਦੇ ਬਤੌਰ ਕਪਤਾਨ 50 ਟੀ20 ਮੈਚ ਪੂਰੇ, ਕਹੀ ਇਹ ਗੱਲ
ਸ਼ਾਸਤਰੀ ਨੇ ਕਿਹਾ ਕਿ ਉਹ ਕੋਈ ਬਹਾਨਾ ਨਹੀਂ ਚਾਹੁੰਦੇ ਪਰ ਟੀਮ ਇੱਥੇ ਕੋਸ਼ਿਸ਼ ਕਰਨ ਤੇ ਮੈਚ ਜਿੱਤਣ ਦੇ ਲਈ ਸਰਵਸ੍ਰੇਸ਼ਠ ਸਥਿਤੀ ਵਿਚ ਨਹੀਂ ਸੀ। ਉਨ੍ਹਾਂ ਨੇ ਕਿਹਾ ਇਹ ਕੋਈ ਬਹਾਨਾ ਨਹੀਂ ਹੈ। ਅਸੀਂ ਹਾਰ ਸਵੀਕਾਰ ਕਰਦੇ ਹਾਂ ਤੇ ਅਸੀਂ ਹਾਰਨ ਤੋਂ ਨਹੀਂ ਡਰਦੇ। ਜਿੱਤਣ ਦੀ ਕੋਸ਼ਿਸ਼ ਕਰਦੇ ਹੋਏ ਤੁਸੀਂ ਮੈਚ ਹਾਰ ਸਕਦੇ ਹੋ ਪਰ ਇੱਥੇ ਅਸੀਂ ਜਿੱਤਣ ਦੀ ਕੋਸ਼ਿਸ਼ ਨਹੀਂ ਕੀਤੀ ਕਿਉਂਕਿ ਸਾਨੂੰ ਐਕਸ ਫੈਕਟਰ ਦੀ ਘਾਟ ਮਹਿਸਸੂ ਹੋ ਰਹੀ ਸੀ।
ਇਹ ਖ਼ਬਰ ਪੜ੍ਹੋ- ਆਸਟਰੇਲੀਆ 24 ਸਾਲ ਬਾਅਦ ਪਾਕਿ 'ਚ ਖੇਡੇਗਾ 3 ਟੈਸਟ ਤੇ 3 ਵਨ ਡੇ ਮੈਚ
ਨੋਟ- ਇਸ ਖ਼ਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।
ਰਵੀ ਸ਼ਾਸਤਰੀ-ਵਿਰਾਟ ਕੋਹਲੀ ਦੀ ਜੋੜੀ ਨੇ ਕਿਹੜੀ ਇਤਿਹਾਸਕ ਸੀਰੀਜ਼ ਜਿੱਤੀ, ਦੇਖੋ ਰਿਕਾਰਡ
NEXT STORY 
