ਸਪੋਰਟਸ ਡੈਸਕ—ਵੈਸਟਇੰਡੀਜ਼ ਦੌਰੇ 'ਤੇ ਔਸਤ ਪ੍ਰਦਰਸ਼ਨ ਦੇ ਕਾਰਨ ਅਲੋਚਨਾਵਾਂ ਦਾ ਸਾਹਮਣਾ ਕਰ ਰਹੇ ਭਾਰਤੀ ਵਿਕਟਕੀਪਰ ਬੱਲੇਬਾਜ਼ ਰਿਸ਼ਭ ਪੰਤ ਨੇ ਬੀਤੇ ਦਿਨ ਬੁੱਧਵਾਰ ਨੂੰ ਕਿਹਾ ਕਿ ਉਹ ਦੱਖਣੀ ਅਫਰੀਕਾ ਖਿਲਾਫ ਅਗਲੀ ਟੀ20 ਅਤੇ ਟੈਸਟ ਸੀਰੀਜ਼ ਮੁਤਾਬਕ ਨਵੇਂ ਸਿਰੇ ਤੋਂ ਸ਼ੁਰੂਆਤ ਕਰਨਾ ਚਾਹੁੰੰਦੇ ਹਨ।
ਦੁਬਾਰਾ ਚੰਗੀ ਸ਼ੁਰੂਆਤ ਕਰਨ ਤੇ ਪੂਰਾ ਧਿਆਨ
ਦੱਖਣੀ ਅਫਰੀਕਾ ਖਿਲਾਫ ਟੀ20 ਸੀਰੀਜ਼ 15 ਸਤੰਬਰ ਤੋਂ ਸ਼ੁਰੂ ਹੋਵੇਗੀ। ਪੰਤ ਨੇ ਇੱਥੇ ਇਕ ਪ੍ਰੋਮੋਸ਼ਨਲ ਪ੍ਰੋਗਰਾਮ 'ਚ ਕਿਹਾ, 'ਮੈਂ ਦੱਖਣੀ ਅਫਰੀਕਾ ਖਿਲਾਫ ਸੀਰੀਜ਼ ਲਈ ਕਾਫ਼ੀ ਮਿਹਨਤ ਕੀਤੀ ਹੈ। ਮੈਂ ਸਕਾਰਾਤਮਕ ਸੋਚ ਨਾਲ ਖੇਡਾਂਗਾ ਅਤੇ ਨਵੇਂ ਸਿਰੇ ਤੋਂ ਸ਼ੁਰੂਆਤ ਕਰਨਾ ਚਾਹਾਂਗਾ। ਵੈਸਟਇੰਡੀਜ਼ ਦੌਰੇ ਦੇ ਬਾਰੇ 'ਚ ਉਨ੍ਹਾਂ ਨੇ ਕਿਹਾ, 'ਟੀਮ ਦਾ ਪ੍ਰਦਰਸ਼ਨ ਸ਼ਾਨਦਾਰ ਰਿਹਾ। ਸਾਰੇ ਮੈਚ ਜਿੱਤ ਕੇ ਵਾਪਸ ਆਉਣਾ ਕਾਫੀ ਮਜ਼ੇਦਾਰ ਸੀ। ਪਰ ਹੁਣ ਉਹ ਬੀਤੀ ਹੋਈ ਗੱਲ ਹੋ ਚੁੱਕੀ ਹੈ। ਸਾਨੂੰ ਘਰੇਲੂ ਸੀਰੀਜ਼ ਖੇਡਣ ਦਾ ਫਾਇਦਾ ਮਿਲੇਗਾ ਅਤੇ ਸਭ ਤੋਂ ਅਹਿਮ ਚੰਗੀ ਸ਼ੁਰੂਆਤ ਕਰਨੀ ਹੋਵੇਗੀ।
ਮਹਿੰਦਰ ਸਿੰਘ ਧੋਨੀ ਨਾਲ ਤੁਲਣਾ ਕਰਨ ਤੇ ਕਿਹਾ
ਪੰਤ ਨੇ ਅੱਗੇ ਕਿਹਾ, 'ਮੈਂ ਆਪਣੇ ਪ੍ਰਦਰਸ਼ਨ 'ਚ ਸੁਧਾਰ ਕਰਕੇ ਭਾਰਤ ਦੀ ਜਿੱਤ ਦਾ ਅਹਿਮ ਹਿੱਸਾ ਬਣਨਾ ਚਾਹੁੰਦਾ ਹਾਂ। ਇਸ ਸਮੇਂ ਫੋਕਸ ਦੱਖਣੀ ਅਫਰੀਕਾ ਖਿਲਾਫ ਚੰਗੇ ਪ੍ਰਦਰਸ਼ਨ 'ਤੇ ਹੈ। ਇਕ ਸਮੇਂ ਤੇ ਇਕ ਸੀਰੀਜ਼ ਦੇ ਬਾਰੇ 'ਚ ਹੀ ਸੋਚਦੇ ਹਨ। ਮਹਿੰਦਰ ਸਿੰਘ ਧੋਨੀ ਨਾਲ ਤੁਲਣਾ ਕਰਨ ਦੇ ਸਵਾਲ 'ਤੇ ਉਨ੍ਹਾਂ ਨੇ ਕਿਹਾ, 'ਮੈਂ ਧੋਨੀ ਭਰਾ ਦਾ ਬਹੁਤ ਵੱਡਾ ਪ੍ਰਸ਼ੰਸਕ ਹਾਂ ਪਰ ਮੈਂ ਇਸ ਤੁਲਣਾ 'ਤੇ ਫੋਕਸ ਕਰਨ ਦੀ ਜਗ੍ਹਾ ਆਪਣੀ ਖੇਡ ਅਤੇ ਪ੍ਰਦਰਸ਼ਨ 'ਤੇ ਧਿਆਨ ਦੇ ਰਿਹਾ ਹਾਂ।
ਆਖਰੀ ਟੈਸਟ ਲਈ ਆਸਟਰੇਲੀਆ ਨੇ ਕੀਤਾ ਟੀਮ ਦਾ ਐਲਾਨ, ਇਸ ਖਿਡਾਰੀ ਦੀ ਹੋਈ ਵਾਪਸੀ
NEXT STORY 
