ਸਪੋਰਟਸ ਡੈਸਕ : ਭਾਰਤੀ ਸਲਾਮੀ ਬੱਲੇਬਾਜ਼ ਰੋਹਿਤ ਸ਼ਰਮਾ ਨੂੰ ਲੱਗਦਾ ਹੈ ਕਿ ਮੁਹੰਮਦ ਸ਼ੰਮੀ ਦਾ ਰਿਵਰਸ ਸਵਿੰਗ ਕਲਾ ਵਿਚ ਮਹਾਰਤ ਹਾਸਲ ਕਰਨ ਭਾਰਤ ਲਈ ਹੌਲੀਆਂ ਪਿੱਚਾਂ 'ਤੇ 'ਵੱਡਾ ਫਾਇਦੇਮੰਦ'ਸਾਬਤ ਹੋ ਰਿਹਾ ਹੈ। ਰੋਹਿਤ ਨੇ ਕਿਹਾ, ''ਅਸੀਂ ਉਸ ਨੂੰ ਇਸ ਤਰ੍ਹਾਂ ਦੀ ਹਾਲਾਤ 'ਚ ਅੱਜ ਹੀ ਗੇਂਦਬਾਜ਼ੀ ਕਰਦੇ ਹੋਏ ਨਹੀਂ ਦੇਖਿਆ, ਸਗੋਂ ਪਹਿਲਾਂ ਵੀ ਦੇਖਿਆ ਹੈ। ਮੈਨੂੰ ਹੁਣ ਵੀ ਯਾਦ ਹੈ ਜਦੋਂ ਕੋਲਕਾਤਾ ਵਿਚ 2013 ਵਿਚ ਅਸੀਂ ਇਕੱਠੇ ਡੈਬਿਊ ਕੀਤਾ ਸੀ ਤਾਂ ਪਿੱਚ ਹਾਲਾਂਕਿ ਬਿਲਕੁਲ ਇਸ ਤਰ੍ਹਾਂ ਦੀ ਨਹੀਂ ਸੀ ਪਰ ਚੌਥੇ ਤੇ ਪੰਜਵੇਂ ਦਿਨ, ਪਿੱਚ ਥੌੜੀ ਹੌਲੀ ਹੋ ਗਈ ਸੀ ਇਨ੍ਹਾਂ ਪਿੱਚਾਂ 'ਤੇ ਕਿਵੇਂ ਗੇਂਦਬਾਜ਼ੀ ਕੀਤੀ ਜਾਵੇ, ਜਦੋਂ ਉਹ ਜਾਣ ਜਾਂਦਾ ਹੈ ਕਿ ਕੁਝ ਮਦਦ ਮਿਲੇਗੀ ਤਾਂ ਉਹ ਰਿਵਰਸ ਸਵਿੰਗ ਹਾਸਲ ਕਰ ਲੈਂਦਾ ਹੈ।''
ਦੱਖਣੀ ਅਫਰੀਕਾ ਵਿਰੁੱਧ ਪਹਿਲੇ ਟੈਸਟ ਵਿਚ ਭਾਰਤ ਦੀ ਜਿੱਤ ਵਿਚ ਅਹਿਮ ਭੂਮਿਕਾ ਨਿਭਾਉਣ ਵਾਲੇ ਸਲਾਮੀ ਬੱਲੇਬਾਜ਼ ਰੋਹਿਤ ਸ਼ਰਮਾ ਨੇ ਕਿਹਾ ਕਿ ਉਸ਼ਦਾ ਕੰਮ ਖਾਸ ਤਰੀਕੇ ਨਾਲ ਖੇਡਣਾ ਹੈ, ਜਿਵੇਂ ਕਿ ਟੀਮ ਉਸ ਤੋਂ ਉਮੀਦ ਕਰਦੀ ਹੈ। ਰੋਹਿਤ ਨੇ ਕਿਹਾ ਕਿ ਲੰਬੇ ਸਵਰੂਪ ਵਿਚ ਪਾਰੀ ਦਾ ਆਗਾਜ਼ ਕਰਨ ਲਈ ਹੈਰਾਨੀ ਭਰੀ ਚੀਜ਼ ਨਹੀਂ ਸੀ ਕਿਉਂਕਿ ਕੁਝ ਸਾਲ ਪਹਿਲਾਂ ਹੀ ਉਸ ਨੂੰ ਦੱਸ ਦਿੱਤਾ ਗਿਆ ਸੀ ਕਿ ਉਸ ਨੂੰ ਅਜਿਹਾ ਮੌਕਾ ਮਿਲ ਸਕਦਾ ਹੈ।
2 ਓਲੰਪਿਕ ਕੋਟਾ ਸਥਾਨਾਂ ਨਾਲ ਖਤਮ ਹੋਈ ਭਾਰਤ ਦੀ ਨਿਰਾਸ਼ਾਜਨਕ ਮੁਹਿੰਮ
NEXT STORY 
