ਨਵੀਂ ਦਿੱਲੀ (ਬਿਊਰੋ)— ਸ਼੍ਰੀਲੰਕਾ ਖਿਲਾਫ ਤੀਸਰੇ ਅਤੇ ਨਿਰਣਾਇਕ ਟੀ-20 ਮੈਚ ਵਿਚ ਭਾਰਤ ਨੇ 5 ਵਿਕਟਾਂ ਨਾਲ ਜਿੱਤ ਦਰਜ ਕੀਤੀ। ਜਿੱਤ ਦੇ ਬਾਅਦ ਐਵਾਰਡ ਸੇਰੇਮਨੀ ਵਿਚ ਟੀਮ ਦੇ ਖਿਡਾਰੀ ਸੈਂਟਾ ਕਲਾਜ ਵਰਗੀਆਂ ਟੋਪੀਆਂ ਵਿਚ ਨਜ਼ਰ ਆਏ। ਜੇਤੂ ਟਰਾਫੀ ਨੂੰ ਆਪਣੇ ਹੱਥਾਂ ਵਿਚ ਫੜਨ ਦਾ ਮੌਕਾ ਟੀਮ ਦੇ ਸਭ ਤੋਂ ਯੁਵਾ ਅਤੇ ਆਪਣਾ ਡੈਬਿਊ ਮੈਚ ਖੇਡਣ ਉਤਰੇ ਵਾਸ਼ਿੰਗਟਨ ਸੁੰਦਰ ਨੂੰ ਦਿੱਤਾ ਗਿਆ। ਟਰਾਫੀ ਦੇ ਨਾਲ ਸੁੰਦਰ ਦੇ ਚਿਹਰੇ ਦੀ ਖੁਸ਼ੀ ਸਾਫ਼ ਵੇਖੀ ਜਾ ਸਕਦੀ ਹੈ।
ਜਿੱਤ ਦਾ ਜਸ਼ਨ ਮਨਾਉਂਦੇ ਹੋਏ ਟੀਮ ਇੰਡੀਆ ਦੇ ਯੁਵਾ ਖਿਡਾਰੀਆਂ ਨੇ ਆਪਣੇ ਸੀਨੀਅਰ ਐਮ.ਐਸ. ਧੋਨੀ ਨੂੰ ਸੈਂਟਾ ਵਰਗੀ ਦਾੜੀ ਵਾਲੀ ਕੈਪ ਪਵਾਈ, ਜਿਸਦੇ ਬਾਅਦ ਸਾਰੇ ਖਿਡਾਰੀਆਂ ਨੇ ਉਨ੍ਹਾਂ ਦਾ ਨਾਲ ਸੈਲਫੀ ਖਿੱਚਵਾਈ। ਟੀਮ ਇੰਡੀਆ ਵਿਚ ਯੁਵਾ ਅਤੇ ਵਧੀਆ ਖਿਡਾਰੀਆਂ ਦਾ ਅਨੌਖਾ ਤਾਲਮੇਲ ਹੈ। ਸੈਂਟਾ ਬਣੇ ਧੋਨੀ ਨਾਲ ਵੀ ਯੁਵਾ ਖਿਡਾਰੀ ਕੁਲਦੀਪ ਅਤੇ ਪੰਡਯਾ ਮਜ਼ਾਕ ਕਰਦੇ ਵਿਖੇ।
ਆਪਣੇ ਸਟਾਈਲ ਲਈ ਚਰਚਾ ਵਿਚ ਰਹਿਣ ਵਾਲੇ ਪੰਡਯਾ ਨੇ ਵੀ ਮੋਬਾਇਲ ਦੇ ਕੈਮਰੇ ਉੱਤੇ ਆਪਣੇ ਹੱਥ ਪਰਖਿਆ। ਪੰਡਯਾ ਦੇ ਕੈਮਰੇ ਵਿਚ ਕੈਦ ਹੋਣ ਲਈ ਸੈਂਟਾ ਦੀ ਟੋਪੀ ਪਹਿਨੇ ਮਨੀਸ਼ ਪਾਂਡੇ, ਚਾਹਲ ਅਤੇ ਪਿੱਛੇ ਖੜੇ ਧੋਨੀ ਵਿਚ ਹੋੜ ਲੱਗ ਗਈ। ਮੈਦਾਨ ਉੱਤੇ ਸਿਰਫ ਸੈਲਫੀ ਨਹੀਂ ਲਈ ਗਈ, ਸਗੋਂ ਬਾਅਦ ਵਿਚ ਇਕ-ਦੂਜੇ ਦੀਆ ਤਸਵੀਰਾਂ ਨੂੰ ਵੇਖ ਕੇ ਖਿਡਾਰੀ ਆਪਸ ਵਿਚ ਗੱਲਾਂ ਕਰਦੇ ਵੀ ਦਿਸੇ। ਦਿਨੇਸ਼ ਕਾਰਤਿਕ ਅਤੇ ਧੋਨੀ ਆਪਣੀ ਤਸਵੀਰ ਵੇਖ ਕੇ ਕਾਫ਼ੀ ਖੁਸ਼ ਹੋ ਰਹੇ ਸਨ।
ਬਤੌਰ ਗੇਂਦਬਾਜ਼ ਸ਼ੁਰੂਆਤ ਕਰਨ ਵਾਲੇ ਰੋਹਿਤ ਸ਼ਰਮਾ ਨੂੰ ਇਸ ਹਾਦਸੇ ਨੇ ਬਣਾਇਆ ਬੱਲੇਬਾਜ਼
NEXT STORY 
