ਕੁਮਾਮੋਟੋ (ਜਾਪਾਨ)- ਦੋ ਵਾਰ ਦੀ ਓਲੰਪਿਕ ਤਮਗਾ ਜੇਤੂ ਪੀਵੀ ਸਿੰਧੂ ਦੇ ਪ੍ਰੀ-ਕੁਆਰਟਰ ਫਾਈਨਲ 'ਚ ਹਾਰ ਨਾਲ ਬੁੱਧਵਾਰ ਨੂੰ ਕੁਮਾਮੋਟੋ ਮਾਸਟਰਸ ਜਾਪਾਨ ਸੁਪਰ 500 ਬੈਡਮਿੰਟਨ ਟੂਰਨਾਮੈਂਟ 'ਚ ਵੀਰਵਾਰ ਨੂੰ ਭਾਰਤ ਦੀ ਚੁਣੌਤੀ ਖਤਮ ਹੋ ਗਈ। ਵਿਸ਼ਵ ਦੀ 20ਵੇਂ ਨੰਬਰ ਦੀ ਖਿਡਾਰਨ ਸਿੰਧੂ ਟੂਰਨਾਮੈਂਟ 'ਚ ਆਖਰੀ ਭਾਰਤੀ ਖਿਡਾਰਨ ਸੀ। ਉਸ ਤੋਂ ਪਹਿਲਾਂ ਲਕਸ਼ਯ ਸੇਨ ਅਤੇ ਤ੍ਰਿਸਾ ਜੌਲੀ ਅਤੇ ਗਾਇਤਰੀ ਗੋਪੀਚੰਦ ਮਹਿਲਾ ਡਬਲਜ਼ ਵਿੱਚ ਹਾਰ ਕੇ ਬਾਹਰ ਹੋ ਗਏ ਸਨ।
ਸਿੰਧੂ ਨੇ ਪਹਿਲੀ ਗੇਮ ਜਿੱਤਣ ਤੋਂ ਬਾਅਦ ਆਪਣੀ ਗਤੀ ਗੁਆ ਦਿੱਤੀ ਅਤੇ ਉਸ ਨੂੰ ਕੈਨੇਡਾ ਦੀ ਮਿਸ਼ੇਲ ਲੀ ਨੇ 17-21, 21-16, 21-17 ਨਾਲ ਹਰਾਇਆ। ਕਰੀਬ ਡੇਢ ਘੰਟੇ ਤੱਕ ਚੱਲੇ ਇਸ ਮੈਚ ਵਿੱਚ ਪਹਿਲੀ ਗੇਮ ਵਿੱਚ ਬਰਾਬਰੀ ਦਾ ਮੁਕਾਬਲਾ ਦੇਖਣ ਨੂੰ ਮਿਲਿਆ। ਸਿੰਧੂ ਨੇ 11-8 ਦੀ ਬੜ੍ਹਤ ਲਈ ਅਤੇ ਫਿਰ ਲਗਾਤਾਰ ਬੜ੍ਹਤ ਬਣਾਈ ਰੱਖੀ ਅਤੇ ਪਹਿਲੀ ਗੇਮ ਜਿੱਤ ਲਈ। ਦੂਜੀ ਗੇਮ 'ਚ ਲੀ ਨੇ ਬਹੁਤ ਹਮਲਾਵਰ ਤਰੀਕੇ ਨਾਲ ਖੇਡਦੇ ਹੋਏ 8-3 ਨਾਲ ਬੜ੍ਹਤ ਹਾਸਲ ਕੀਤੀ। ਸਿੰਧੂ ਨੇ ਵਾਪਸੀ ਕਰਦੇ ਹੋਏ ਸਕੋਰ 16-16 ਕੀਤਾ। ਇਸ ਤੋਂ ਬਾਅਦ ਲੀ ਨੇ ਲਗਾਤਾਰ ਪੰਜ ਅੰਕ ਬਣਾ ਕੇ ਬਰਾਬਰੀ ਕਰ ਲਈ। ਫੈਸਲਾਕੁੰਨ ਗੇਮ ਵਿੱਚ ਇੱਕ ਸਮੇਂ ਸਕੋਰ 17-17 'ਤੇ ਬਰਾਬਰ ਰਿਹਾ ਪਰ ਲੀ ਨੇ ਲਗਾਤਾਰ ਚਾਰ ਅੰਕ ਬਣਾ ਕੇ ਮੈਚ ਜਿੱਤ ਲਿਆ। ਸਿੰਧੂ ਦੀਆਂ ਸਾਧਾਰਨ ਗਲਤੀਆਂ ਨੇ ਉਸ ਦਾ ਕੰਮ ਆਸਾਨ ਕਰ ਦਿੱਤਾ। ਲੀ ਦਾ ਸਾਹਮਣਾ ਹੁਣ ਦੱਖਣੀ ਕੋਰੀਆ ਦੇ ਯੂ ਜਿਨ ਸਿਮ ਨਾਲ ਹੋਵੇਗਾ।
ਸੂਰਿਆ ਦੇ ਭਰੋਸੇ 'ਤੇ ਖਰਾ ਉਤਰਨਾ ਚਾਹੁੰਦਾ ਸੀ: ਤਿਲਕ ਵਰਮਾ
NEXT STORY 
