ਸਪੋਰਟਸ ਡੈਸਕ : ਭਾਰਤੀ ਕ੍ਰਿਕਟ ਪ੍ਰਸ਼ੰਸਕਾਂ ਲਈ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਜਿੱਥੇ ਇੱਕ ਪਾਸੇ ਟੀਮ ਇੰਡੀਆ ਦੇ ਖਿਡਾਰੀ ਆਈਪੀਐਲ 2026 ਦੀਆਂ ਤਿਆਰੀਆਂ ਵਿੱਚ ਜੁਟੇ ਹੋਏ ਹਨ, ਉੱਥੇ ਹੀ ਦੂਜੇ ਪਾਸੇ ਭਾਰਤ ਦੀ ਇੱਕ ਨਵੀਂ ਟੀ-20 ਸੀਰੀਜ਼ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਭਾਰਤੀ ਟੀਮ ਜੂਨ 2026 ਵਿੱਚ ਇੰਗਲੈਂਡ ਦੇ ਅਹਿਮ ਦੌਰੇ ਤੋਂ ਪਹਿਲਾਂ ਆਇਰਲੈਂਡ ਦਾ ਦੌਰਾ ਕਰੇਗੀ, ਜਿੱਥੇ ਦੋਵਾਂ ਟੀਮਾਂ ਵਿਚਾਲੇ ਤਿੰਨ ਟੀ-20 ਮੈਚਾਂ ਦੀ ਸੀਰੀਜ਼ ਖੇਡੀ ਜਾਵੇਗੀ।
ਸੂਰਿਆਕੁਮਾਰ ਯਾਦਵ ਦੀ ਅਗਵਾਈ ਹੇਠ ਭਾਰਤੀ ਟੀਮ ਜੂਨ ਦੇ ਆਖਰੀ ਹਫਤੇ ਬੇਲਫਾਸਟ ਵਿੱਚ ਇਹ ਮੈਚ ਖੇਡੇਗੀ। ਹਾਲਾਂਕਿ ਸੀਰੀਜ਼ ਦੀਆਂ ਸਹੀ ਤਰੀਕਾਂ ਦਾ ਐਲਾਨ ਬੀਸੀਸੀਆਈ ਵੱਲੋਂ ਜਲਦੀ ਹੀ ਕੀਤੇ ਜਾਣ ਦੀ ਉਮੀਦ ਹੈ। ਭਾਰਤੀ ਟੀਮ ਚੌਥੀ ਵਾਰ ਟੀ-20 ਸੀਰੀਜ਼ ਖੇਡਣ ਆਇਰਲੈਂਡ ਜਾ ਰਹੀ ਹੈ ਅਤੇ ਖਾਸ ਗੱਲ ਇਹ ਹੈ ਕਿ ਹੁਣ ਤੱਕ ਆਇਰਲੈਂਡ ਵਿਰੁੱਧ ਖੇਡੇ ਗਏ ਸਾਰੇ 8 ਟੀ-20 ਮੈਚਾਂ ਵਿੱਚ ਭਾਰਤ ਨੇ ਜਿੱਤ ਦਰਜ ਕੀਤੀ ਹੈ।
ਇਰਲੈਂਡ ਵਿਰੁੱਧ ਸੀਰੀਜ਼ ਖਤਮ ਕਰਨ ਤੋਂ ਤੁਰੰਤ ਬਾਅਦ ਭਾਰਤੀ ਟੀਮ ਇੰਗਲੈਂਡ ਲਈ ਰਵਾਨਾ ਹੋਵੇਗੀ। ਇੰਗਲੈਂਡ ਦੌਰੇ 'ਤੇ ਟੀਮ ਇੰਡੀਆ 5 ਟੀ-20 ਮੈਚ (1, 4, 7, 9 ਅਤੇ 11 ਜੁਲਾਈ) ਅਤੇ 3 ਵਨਡੇ ਮੈਚ (14, 16 ਅਤੇ 19 ਜੁਲਾਈ) ਖੇਡੇਗੀ। ਇਨ੍ਹਾਂ ਸੀਰੀਜ਼ਾਂ ਨੂੰ 2027 ਵਿੱਚ ਦੱਖਣੀ ਅਫਰੀਕਾ ਵਿੱਚ ਹੋਣ ਵਾਲੇ ਵਨਡੇ ਵਿਸ਼ਵ ਕੱਪ ਦੀ ਤਿਆਰੀ ਵਜੋਂ ਦੇਖਿਆ ਜਾ ਰਿਹਾ ਹੈ। ਭਾਰਤੀ ਟੀਮ ਦਾ ਮੁੱਖ ਟੀਚਾ ਇੰਗਲੈਂਡ ਵਿੱਚ ਵਨਡੇ ਸੀਰੀਜ਼ ਜਿੱਤ ਕੇ ਆਪਣੀ ਤਿਆਰੀ ਨੂੰ ਪੁਖਤਾ ਕਰਨਾ ਹੈ। ਫਿਲਹਾਲ, ਅਗਲੇ ਦੋ ਮਹੀਨਿਆਂ ਤੱਕ ਖਿਡਾਰੀ ਆਈਪੀਐਲ ਵਿੱਚ ਜ਼ੋਰ ਲਗਾਉਂਦੇ ਨਜ਼ਰ ਆਉਣਗੇ, ਜਿਸ ਤੋਂ ਬਾਅਦ ਅਫਗਾਨਿਸਤਾਨ ਖਿਲਾਫ ਟੈਸਟ ਮੈਚ ਵੀ ਖੇਡਿਆ ਜਾਣਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
IPL 2026: ਅਭਿਆਸ ਮੈਚ ਦੀ ਪਹਿਲੀ ਗੇਂਦ 'ਤੇ ਜਾਇਸਵਾਲ ਨੇ ਛੱਕਾ ਮਾਰਿਆ! ਜਡੇਜਾ ਦਾ ਮਜ਼ਾਕੀਆ ਰਿਐਕਸ਼ਨ ਵਾਇਰਲ
NEXT STORY 
