ਨਵੀਂ ਦਿੱਲੀ : ਭਾਰਤ ਖਿਲਾਫ 3 ਮੈਚਾਂ ਦੀ ਟੀ-20 ਸੀਰੀਜ਼ ਲਈ ਮੰਗਲਵਾਰ ਨੂੰ ਸ਼੍ਰੀਲੰਕਾ ਟੀਮ ਦਾ ਐਲਾਨ ਕਰ ਦਿੱਤਾ ਗਿਆ। ਸ਼੍ਰੀਲੰਕਾ ਦੀ ਟੀਮ ਵਿਚ ਧਾਕੜ ਖਿਡਾਰੀ ਐਂਜਲੋ ਮੈਥਿਊਜ਼ ਦੀ ਵਾਪਸੀ ਹੋਈ ਹੈ। ਉੱਥੇ ਹੀ ਸੱਟ ਕਾਰਨ ਤੇਜ਼ ਗੇਂਦਬਾਜ਼ ਨੁਵਾਨ ਪ੍ਰਦੀਪ ਨੂੰ ਟੀਮ ਵਿਚ ਸ਼ਾਮਲ ਨਹੀਂ ਕੀਤਾ ਗਿਆ, ਜਦਕਿ ਸ਼ੇਹਾਨ ਜੈਸੂਰਿਆ ਨੂੰ ਵੀ ਬਾਹਰ ਦਾ ਰਸਤਾ ਦਿਖਾ ਦਿੱਤਾ ਗਿਆ ਹੈ। ਸ਼੍ਰੀਲੰਕਾ ਟੀਮ ਲਸਿਥ ਮਲਿੰਗਾ ਦੀ ਅਗਵਾਈ ਵਿਚ 5 ਜਨਵਰੀ ਤੋਂ ਭਾਰਤ ਖਿਲਾਫ ਸੀਰੀਜ਼ ਦਾ ਆਗਾਜ਼ ਕਰੇਗੀ। 18 ਮਹੀਨਿਆਂ ਬਾਅਦ ਟੀ-20 ਟੀਮ ਵਿਚ ਪਰਤੇ ਮੈਥਿਊਜ਼ ਦੇ ਤਜ਼ਰਬੇ ਦਾ ਸ਼੍ਰੀਲੰਕਾ ਟੀਮ ਦੇ ਨੌਜਵਾਨਾਂ ਨੂੰ ਫਾਇਦਾ ਮਿਲੇਗਾ।
ਭਾਰਤ-ਸ਼੍ਰੀਲੰਕਾ ਵਿਚਾਲੇ ਹੁਣ ਤਕ ਕੁਲ 6 ਦੋ-ਪੱਖੀ ਲੜੀਆਂ ਖੇਡੀਆਂ ਗਈਆਂ ਹਨ। ਇਨ੍ਹਾਂ ਵਿਚੋਂ ਭਾਰਤ ਨੇ 5 ਜਿੱਤੀਆਂ ਅਤੇ ਇਕ ਸੀਰੀਜ਼ ਬਰਾਬਰੀ 'ਤੇ ਖਤਮ ਹੋਈ ਹੈ। ਦੋਵਾਂ ਦੇਸ਼ਾਂ ਵਿਚਾਲੇ ਕੁਲ 16 ਮੁਕਾਬਲੇ ਖੇਡੇ ਗਏ ਹਨ, ਜਿਸ ਵਿਚੋਂ ਭਾਰਤ ਨੇ 11 ਅਤੇ ਸ਼੍ਰੀਲੰਕਾ ਨੇ 5 ਮੁਕਾਬਲੇ ਜਿੱਤੇ ਹਨ। 3 ਮੈਚਾਂ ਦੀ ਸੀਰੀਜ਼ ਦਾ ਪਹਿਲਾ ਮੈਚ 5 ਜਨਵਰੀ ਨੂੰ ਗੁਹਾਟੀ, ਦੂਜਾ ਮੁਕਾਬਲਾ 7 ਜਨਵਰੀ ਇੰਦੌਰ ਅਤੇ ਤੀਜਾ ਮੁਕਾਬਲਾ 10 ਜਨਵਰੀ ਨੂੰ ਪੁਣੇ ਵਿਖੇ ਖੇਡਿਆ ਜਾਵੇਗਾ।
ਭਾਰਤ ਖਿਲਾਫ ਸ਼੍ਰੀਲੰਕਾ ਟੀਮ ਇਸ ਤਰ੍ਹਾਂ ਹੈ :
ਲਸਿਥ ਮਲਿੰਗਾ (ਕਪਤਾਨ), ਕੁਸ਼ਲ ਪਰੇਰਾ, ਗੁਨਾਤਿਲਕਾ, ਅਵਿਸ਼ਕਾ ਫਰਨਾਂਨਡੋ, ਰਾਜਪਕਸਾ, ਫਰਨਾਂਨਡੋ, ਸ਼ਨਾਕਾ, ਮੈਥਿਊਜ਼, ਡਿਕਵੇਲਾ, ਕੁਸ਼ਲ ਮੈਂਡਿਸ, ਹਸਾਰੰਗੇ, ਸੰਦਾਕਨ, ਧਨੰਨਜੈ, ਕੁਮਾਰਾ, ਇਸੁਰੂ ਉਡਾਨਾ, ਕਾਸੁਨ ਰਜਿਤਾ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇਕੋਹਲੀ-ਧੋਨੀ ਸਣੇ ਇਨ੍ਹਾਂ ਕ੍ਰਿਕਟਰਾਂ ਨੇ ਮਨਾਇਆ ਖਾਸ ਅੰਦਾਜ਼ 'ਚ New Year 2020 ਦਾ ਜਸ਼ਨ
NEXT STORY 
