ਸਪੋਰਟਸ ਡੈਸਕ— ਟੀਮ ਇੰਡੀਆ ਦੇ ਜ਼ਿਆਦਾਤਰ ਕ੍ਰਿਕਟਰ 40 ਦੀ ਉਮਰ ਦੇ ਕਰੀਬ ਆਉਂਦੇ-ਆਉਂਦੇ ਸੰਨਿਆਸ ਲੈਣ ਦਾ ਐਲਾਨ ਕਰ ਦਿੰਦੇ ਹਨ। ਪਰ ਟੀਮ ਇੰਡੀਆ ਦੇ ਕਈ ਅਜਿਹੇ ਧਾਕੜ ਕ੍ਰਿਕਟਰ ਹਨ ਜੋ 40 ਦੇ ਕਰੀਬ ਹਨ ਪਰ ਅਜੇ ਤੱਕ ਉਨ੍ਹਾਂ ਨੇ ਕ੍ਰਿਕਟ ਤੋਂ ਸੰਨਿਆਸ ਨਹੀਂ ਲਿਆ ਹੈ। ਹਾਲਾਂਕਿ ਇਹ ਖਿਡਾਰੀ ਟੀਮ ਇੰਡੀਆ 'ਚ ਵਾਪਸੀ ਕਰਨ ਅਜਿਹੀ ਸੰਭਾਵਨਾ ਬਹੁਤ ਹੀ ਘੱਟ ਹੈ। ਅੱਜ ਅਸੀਂ ਤੁਹਾਨੂੰ ਕੁਝ ਅਜਿਹੇ ਕ੍ਰਿਕਟਰਾਂ ਬਾਰੇ ਦਸਦੇ ਹਾਂ ਜੋ ਲੰਬੇ ਸਮੇਂ ਤੋਂ ਟੀਮ 'ਚੋਂ ਬਾਹਰ ਚਲ ਰਹੇ ਹਨ। ਪਰ ਉਨ੍ਹਾਂ ਨੇ ਅਜੇ ਤੱਕ ਟੀਮ ਇੰਡੀਆ ਤੋਂ ਸੰਨਿਆਸ ਨਹੀਂ ਲਿਆ ਹੈ।
1. ਹਰਭਜਨ ਸਿੰਘ
ਟੀਮ ਇੰਡੀਆ ਦੇ ਧਾਕੜ ਗੇਂਦਬਾਜ਼ ਹਰਭਜਨ ਸਿੰਘ 39 ਸਾਲ ਦੇ ਹੋ ਗਏ ਹਨ। ਭੱਜੀ ਨੇ 2015 'ਚ ਭਾਰਤ ਲਈ ਆਪਣਾ ਅੰਤਿਮ ਮੈਚ ਸ਼੍ਰੀਲੰਕਾ ਦੇ ਖਿਲਾਫ ਖੇਡਿਆ ਹੈ। ਭੱਜੀ ਨੇ 103 ਟੈਸਟ ਮੈਚ ਖੇਡੇ ਹਨ ਜਿਸ 'ਚ ਉਨ੍ਹਾਂ ਨੇ 417 ਵਿਕਟਾਂ ਲੈਣ ਦੇ ਨਾਲ-ਨਾਲ 2225 ਦੌੜਾਂ ਬਣਾਈਆਂ ਹਨ। ਟੈਸਟ 'ਚ ਉਨ੍ਹਾਂ ਦੇ ਨਾਂ 9 ਅਰਧ ਸੈਂਕੜੇ ਅਤੇ 2 ਸੈਂਕੜੇ ਸ਼ਾਮਲ ਸਨ। ਉਨ੍ਹਾਂ ਦਾ ਵਨ-ਡੇ ਕਰੀਅਰ ਵੀ ਸ਼ਾਨਦਾਰ ਰਿਹਾ, ਭੱਜੀ ਨੇ 236 ਵਨ-ਡੇ ਖੇਡੇ ਹਨ ਅਤੇ 269 ਵਿਕਟਾਂ ਲਈਆਂ ਹਨ। ਉਹ ਫਿਲਹਾਲ ਆਈ. ਪੀ. ਐੱਲ. 'ਚ ਸਰਗਰਮ ਹਨ ਅਤੇ ਚੇਨਈ ਸੁਪਰਕਿੰਗਜ਼ ਵੱਲੋਂ ਖੇਡਦੇ ਹਨ।
2. ਅਮਿਤ ਮਿਸ਼ਰਾ
ਅਮਿਤ ਮਿਸ਼ਰਾ ਲਗਭਗ 37 ਸਾਲ ਦੇ ਹੋ ਗਏ ਹਨ। ਉਨ੍ਹਾਂ ਨੇ ਭਾਰਤ ਲਈ ਆਖਰੀ ਮੈਚ ਨਿਊਜ਼ੀਲੈਂਡ ਖਿਲਾਫ ਸਾਲ 2016 'ਚ ਖੇਡਿਆ ਸੀ। ਉਨ੍ਹਾਂ ਨੇ ਭਾਰਤ ਲਈ 22 ਟੈਸਟ ਮੈਚ 'ਚ 76 ਵਿਕਟਾਂ ਲਈਆਂ ਹਨ। ਇਸ ਤੋਂ ਇਲਾਵਾ ਕੌਮਾਂਤਰੀ ਵਨ-ਡੇ 'ਚ ਉਨ੍ਹਾਂ ਨੇ 36 ਮੈਚਾਂ 'ਚ 64 ਵਿਕਟਾਂ ਲਈਆਂ ਹਨ। ਅਮਿਤ ਵੀ ਫਿਲਹਾਲ ਆਈ. ਪੀ. ਐੱਲ. 'ਚ ਖੇਡਦੇ ਹਨ।
3. ਇਰਫਾਨ ਪਠਾਨ ਅਤੇ ਯੂਸੁਫ ਪਠਾਨ
ਇਰਫਾਨ ਅਤੇ ਯੂਸੁਫ ਪਠਾਨ ਟੀਮ ਇੰਡੀਆ 'ਚੋਂ ਲੰਬੇ ਸਮੇਂ ਤੋਂ ਬਾਹਰ ਹਨ। ਯੂਸੁਫ 37 ਅਤੇ ਇਰਫਾਨ 35 ਸਾਲ ਦੇ ਹੋ ਚੁੱਕੇ ਹਨ। ਇਨ੍ਹਾਂ ਦੋਹਾਂ ਨੇ ਅਜੇ ਤਕ ਟੀਮ ਇੰਡੀਆ 'ਚੋਂ ਸੰਨਿਆਸ ਨਹੀਂ ਲਿਆ ਹੈ। ਯੂਸੁਫ ਪਠਾਨ ਨੇ ਭਾਰਤ ਲਈ 57 ਵਨ-ਡੇ ਮੈਚ ਖੇਡੇ ਹਨ, ਜਿਸ 'ਚ ਉਨ੍ਹਾਂ ਨੇ 27.0 ਦੀ ਔਸਤ ਨਾਲ 810 ਦੌੜਾਂ ਬਣਾਈਆਂ ਹਨ। ਇਸ ਸਾਬਕਾ ਖਿਡਾਰੀ ਨੇ 22 ਟੀ-20 ਕੌਮਾਂਤਰੀ ਮੈਚ ਖੇਡੇ ਹਨ। ਯੂਸੁਫ ਨੇ ਟੀ-20 ਮੈਚਾਂ 'ਚ 146.6 ਦੇ ਸਟ੍ਰਾਈਕ ਰੇਟ ਨਾਲ 236 ਦੌੜਾਂ ਬਣਾਈਆਂ ਹਨ। ਦੂਜੇ ਪਾਸੇ ਇਰਫਾਨ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ 29 ਟੈਸਟ ਮੈਚਾਂ 'ਚ 100 ਵਿਕਟ ਲੈ ਲਏ ਹਨ ਅਤੇ 1105 ਦੌੜਾਂ ਬਣਾਈਆਂ ਹਨ। ਉਨ੍ਹਾਂ ਨੇ 120 ਵਨ-ਡੇ 'ਚ 173 ਵਿਕਟ ਲਈਆਂ ਹਨ ਅਤੇ 1544 ਦੌੜਾਂ ਬਣਾਈਆਂ ਹਨ। ਇਹ ਦੋਵੇਂ ਖਿਡਾਰੀ ਹੁਣ ਆਈ. ਪੀ. ਐੱਲ. 'ਚ ਨਹੀਂ ਖੇਡਦੇ।
ਸ੍ਰੀ ਨਨਕਾਣਾ ਸਾਹਿਬ ਗੁਰਦੁਆਰੇ ਨੂੰ ਢਾਉਣ ਦੀ ਧਮਕੀ 'ਤੇ ਬੋਲੇ ਭੱਜੀ
NEXT STORY