ਨਵੀਂ ਦਿੱਲੀ-ਅੰਤਰਰਾਸ਼ਟਰੀ ਕ੍ਰਿਕਟਰ ਪ੍ਰੀਸ਼ਦ (ਆਈਸੀਸੀ) ਦੇ ਮੁੱਖ ਕਾਰਜਕਾਰੀ ਜਿਓਫ ਐਲਾਰਡਿਸ ਨੇ ਕਿਹਾ ਕਿ ਆਈ.ਸੀ.ਸੀ ਚੈਂਪੀਅਨਸ ਟਰਾਫੀ ਨੂੰ ਟਰਾਂਸਫਰ ਕਰਨ ਦੀ 'ਕੋਈ ਯੋਜਨਾ ਨਹੀਂ' ਹੈ, ਜੋ ਅਗਲੇ ਸਾਲ ਦੀ ਸ਼ੁਰੂਆਤ 'ਚ ਪਾਕਿਸਤਾਨ 'ਚ ਹੋਣੇ ਹਨ। ਇਹ ਭਾਰਤੀ ਕ੍ਰਿਕਟ ਬੋਰਡ ਦੇ ਲਈ ਇਕ ਝਟਕਾ ਹੈ ਕਿਉਂਕਿ ਬੋਰਡ ਲੰਬੇ ਸਮੇਂ ਤੋਂ ਪਾਕਿਸਤਾਨ ਨਹੀਂ ਜਾਣ 'ਤੇ ਅੜਿਆ ਹੈ। 2008 'ਚ ਏਸ਼ੀਆ ਕੱਪ ਤੋਂ ਬਾਅਦ ਤੋਂ ਦੋਵਾਂ ਦੇਸ਼ਾਂ ਵਿਚਾਲੇ ਤਣਾਅਪੂਰਨ ਸੰਬੰਧਾਂ ਕਾਰਨ ਭਾਰਤ ਨੇ ਪਾਕਿਸਤਾਨ 'ਚ ਕੋਈ ਕ੍ਰਿਕਟ ਟੂਰਨਾਮੈਂਟ ਨਹੀਂ ਖੇਡਿਆ ਹੈ।
ਦਸੰਬਰ 2012 ਤੋਂ ਭਾਰਤ 'ਚ ਦੋ-ਪੱਖੀ ਲੜੀ ਦੋਵਾਂ ਦੇਸ਼ਾਂ ਦੇ ਵਿਚਾਲੇ ਅੰਤਿਮ ਦੋ-ਪੱਖੀ ਲੜੀ ਸੀ। ਇਸ ਤੋਂ ਬਾਅਦ ਦੋਵੇਂ ਦੇਸ਼ ਸਿਰਫ ਆਈਸੀਸੀ ਟੂਰਨਾਮੈਂਟ ਅਤੇ ਏਸ਼ੀਆ ਕੱਪ 'ਚ ਵੀ ਭਿੜੇ ਹਨ। ਫਿਲਹਾਲ ਦੁਬਈ 'ਚ ਆਈਸੀਸੀ ਮੁੱਖ ਕਾਰਜਕਾਰੀ ਜਿਓਫ ਐਲਾਰਡਿਸ ਨੇ ਕਿਹਾ ਕਿ ਚੈਂਪੀਅਨਸ ਟਰਾਫੀ ਦੇ ਆਯੋਜਨ ਸਥਲ 'ਚ ਬਦਲਾਅ ਨੂੰ ਲੈ ਕੇ ਕੋਈ ਯੋਜਨਾ ਨਹੀਂ ਹੈ। ਜਿਓਫ ਨੇ ਕਿਹਾ ਕਿ ਚੈਂਪੀਅਨਸ ਟਰਾਫੀ ਨੂੰ ਪਾਕਿਸਤਾਨ ਤੋਂ ਟਰਾਂਸਫਰ ਕਰਨ ਦੀ ਕੋਈ ਯੋਜਨਾ ਨਹੀਂ ਹੈ। ਇਸ ਸਾਲ ਦੀ ਸ਼ੁਰੂਆਤ 'ਚ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀਸੀਸੀਆਈ) ਦੇ ਉਪ ਪ੍ਰਧਾਨ ਰਾਜੀਵ ਸ਼ੁਕਲਾ ਨੇ ਸਾਫ ਕਰ ਦਿੱਤਾ ਸੀ ਕਿ ਭਾਰਤੀ ਟੀਮ ਅਗਲੇ ਸਾਲ ਆਈਸੀਸੀ ਚੈਂਪੀਅਨਜ਼ ਟਰਾਫੀ ਲਈ ਪਾਕਿਸਤਾਨ ਤਦ ਭੇਜੀ ਜਾਵੇਗੀ, ਜਦੋਂ ਕੇਂਦਰ ਸਰਕਾਰ ਇਸ ਦੇ ਲਈ ਆਗਿਆ ਦੇਵੇਗੀ। ਹੁਣ ਸ਼ੁਕਲਾ ਨੇ ਕਿਹਾ ਕਿ ਚੈਂਪੀਅਨਜ਼ ਟਰਾਫੀ ਦੇ ਮਾਮਲੇ 'ਚ ਅਸੀਂ ਉਹੀਂ ਕਰਾਂਗੇ ਜੋ ਭਾਰਤ ਸਰਕਾਰ ਸਾਨੂੰ ਕਰਨ ਦੇ ਲਈ ਕਹੇਗੀ। ਅਸੀਂ ਆਪਣੀ ਟੀਮ ਉਦੋਂ ਭੇਜਦੇ ਹਾਂ ਜਦੋਂ ਭਾਰਤ ਸਰਕਾਰ ਸਾਨੂੰ ਆਗਿਆ ਦਿੰਦੀ ਹੈ। ਇਸ ਲਈ ਅਸੀਂ ਉਸ ਦੇ ਅਨੁਸਾਰ ਚੱਲਾਂਗੇ।
ਦੱਸ ਦੇਈਏ ਕਿ ਆਈਸੀਸੀ ਚੈਂਪੀਅਨਜ਼ ਟਰਾਫੀ 2025 ਜਿਸੇ 'ਮਿਨੀ ਵਰਲਡ ਕੱਪ' ਦੇ ਰੂਪ 'ਚ ਜਾਣਿਆ ਜਾਂਦਾ ਹੈ', 'ਚ ਭਾਰਤ ਆਸਟ੍ਰੇਲੀਆ, ਨਿਊਜ਼ੀਲੈਂਡ, ਇੰਗਲੈਂਡ, ਦੱਖਣੀ ਅਫਰੀਕਾ, ਬੰਗਲਾਦੇਸ਼ ਅਤੇ ਅਫਗਾਨਿਸਤਾਨ ਸਮੇਤ 8 ਟੀਮਾਂ ਸ਼ਾਮਲ ਹੋਣਗੀਆਂ। ਪਿਛਲੇ ਸਾਲ ਏਸ਼ੀਆ ਕੱਪ ਦੀ ਮੇਜ਼ਬਾਨੀ ਕਰਦੇ ਸਮੇਂ ਪਾਕਿਸਤਾਨ ਨੂੰ ਹਾਈਬ੍ਰਿਡ ਰਣਨੀਤੀ ਦੀ ਵਰਤੋਂ ਕਰਨੀ ਪਈ ਸੀ। ਇਸ ਦੇ ਤਹਿਤ ਭਾਰਤ ਨੇ ਸ਼੍ਰੀਲੰਕਾ 'ਚ ਮੁਕਾਬਲੇ ਖੇਡੇ ਸਨ। ਇਸ ਵਾਰ ਵੀ ਬੀਸੀਸੀਆਈ ਕੁਝ ਅਜਿਹਾ ਹੀ ਪਲਾਨ ਲੈ ਕੇ ਅੱਗੇ ਚੱਲ ਰਿਹਾ ਹੈ।
ਭਾਕਰ ਨੂੰ ਆਰਾਮ, ISSF ਵਿਸ਼ਵ ਕੱਪ ਫਾਈਨਲ ’ਚ 2 ਮੁਕਾਬਲਿਆਂ ’ਚ ਉਤਰੇਗੀ ਰਿਦਮ
NEXT STORY 
