ਵੇਲਿੰਗਟਨ : ਮਹਿਲਾ ਟੀ-20 ਵਿਸ਼ਵ ਕੱਪ ਦੇ ਫਾਈਨਲ ਵਿਚ ਦੱਖਣੀ ਅਫਰੀਕਾ ਨੂੰ 32 ਦੌੜਾਂ ਨਾਲ ਹਰਾਉਣ ਵਾਲੀ ਨਿਊਜ਼ੀਲੈਂਡ ਦੀ ‘ਵ੍ਹਾਈਟ ਫਰਨਜ਼’ ਕ੍ਰਿਕਟ ਟੀਮ ਨੂੰ ਮਿਲੀ 2.3 ਮਿਲੀਅਨ ਡਾਲਰ (ਲਗਭਗ 19.33 ਕਰੋੜ ਰੁਪਏ) ਦੀ ਇਨਾਮੀ ਰਾਸ਼ੀ ਖਿਡਾਰਨਾਂ ਵਿਚ ਵੰਡੀ ਜਾਵੇਗੀ। ਇਸ ਨਾਲ ਟੀਮ ਦੇ ਹਰੇਕ ਮੈਂਬਰ ਦੇ ਹਿੱਸੇ ਵਿਚ ਲਗਭਗ $155,000 (1.31 ਕਰੋੜ ਰੁਪਏ) ਆਉਣਗੇ।
ਇਹ ਮਹਿਲਾ ਟੀਮ ਦੇ ਮੈਂਬਰਾਂ ਲਈ ਵੱਡੀ ਰਕਮ ਹੈ, ਜੋ ਪੁਰਸ਼ ਖਿਡਾਰੀਆਂ ਦੇ ਨਾਲ ਵਿੱਤੀ ਬਰਾਬਰੀ ਹਾਸਲ ਕਰਨ ਲਈ ਸਾਲਾਂ ਤੋਂ ਸੰਘਰਸ਼ ਕਰ ਰਹੀਆਂ ਹਨ। ਕ੍ਰਿਕਟ ਦੇ ਸਭ ਤੋਂ ਛੋਟੇ ਫਾਰਮੈਟ ਦੇ ਵਿਸ਼ਵ ਕੱਪ ਵਿਚ ਨਿਊਜ਼ੀਲੈਂਡ ਦੀ ਪਹਿਲੀ ਜਿੱਤ ਅਣਕਿਆਸੀ ਹੈ। ਵ੍ਹਾਈਟ ਫਰਨਜ਼ ਨੇ ਟੂਰਨਾਮੈਂਟ ਦੇ ਅਭਿਆਸ ਮੈਚ ਵਿਚ ਦੱਖਣੀ ਅਫਰੀਕਾ ਨੂੰ ਹਰਾਉਣ ਤੋਂ ਪਹਿਲਾਂ ਲਗਾਤਾਰ 10 ਟੀ-20 ਮੈਚ ਹਾਰੇ ਸਨ। ਨਿਊਜ਼ੀਲੈਂਡ ਨੇ ਆਪਣੀ ਮੁਹਿੰਮ ਦੌਰਾਨ ਲੀਗ ਗੇੜ ਵਿਚ ਭਾਰਤ, ਸ੍ਰੀਲੰਕਾ ਅਤੇ ਪਾਕਿਸਤਾਨ ਨੂੰ ਹਰਾਇਆ ਸੀ ਜਦਕਿ ਆਸਟ੍ਰੇਲੀਆ ਤੋਂ ਹਾਰ ਗਈ ਸੀ।
ਟੀਮ ਨੇ ਸੈਮੀਫਾਈਨਲ 'ਚ ਵੈਸਟਇੰਡੀਜ਼ ਨੂੰ ਹਰਾਇਆ ਸੀ। ਦੱਖਣੀ ਅਫਰੀਕਾ ਨੇ ਸੈਮੀਫਾਈਨਲ 'ਚ ਛੇ ਵਾਰ ਦੀ ਚੈਂਪੀਅਨ ਅਤੇ ਖਿਤਾਬ ਦੀ ਦਾਅਵੇਦਾਰ ਆਸਟ੍ਰੇਲੀਆ ਨੂੰ ਹਰਾਇਆ ਸੀ ਪਰ ਫਾਈਨਲ 'ਚ ਇਹ ਟੀਮ ਇਕ ਵਾਰ ਫਿਰ ਦਬਾਅ 'ਚ ਟੁੱਟ ਗਈ। ਫਾਈਨਲ 'ਚ ਪੰਜ ਵਿਕਟਾਂ 'ਤੇ 158 ਦੌੜਾਂ ਬਣਾਉਣ ਤੋਂ ਬਾਅਦ ਨਿਊਜ਼ੀਲੈਂਡ ਨੇ ਦੱਖਣੀ ਅਫਰੀਕਾ ਨੂੰ 9 ਵਿਕਟਾਂ 'ਤੇ 126 ਦੌੜਾਂ 'ਤੇ ਰੋਕ ਦਿੱਤਾ। ਨਿਊਜ਼ੀਲੈਂਡ ਲਈ ਅਮੇਲੀਆ ਕੇਰ ਨੇ 38 ਗੇਂਦਾਂ 'ਚ 43 ਦੌੜਾਂ ਬਣਾਈਆਂ ਅਤੇ ਫਿਰ 24 ਦੌੜਾਂ 'ਤੇ ਤਿੰਨ ਵਿਕਟਾਂ ਲਈਆਂ। ਉਸ ਨੇ ਬਰੂਕ ਹੈਲੀਡੇ (38) ਦੇ ਨਾਲ ਚੌਥੇ ਵਿਕਟ ਲਈ 44 ਗੇਂਦਾਂ ਵਿਚ 57 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਅਤੇ ਟੀਮ ਨੂੰ ਵੱਡੇ ਸਕੋਰ ਤੱਕ ਪਹੁੰਚਾਇਆ।
ਇਹ ਵੀ ਪੜ੍ਹੋ : ਰੋਹਿਤ ਸ਼ਰਮਾ ਅਗਲੇ ਟੈਸਟ 'ਚ ਨਹੀਂ ਕਰਨਗੇ ਗ਼ਲਤੀ, 3 ਦਿਨ ਬਾਅਦ ਫਿਰ ਨਿਊਜ਼ੀਲੈਂਡ ਨਾਲ ਭਿੜੇਗੀ ਭਾਰਤੀ ਟੀਮ
ਕਪਤਾਨ ਸੂਜ਼ੀ ਬੇਟਸ ਨੇ ਵੀ 32 ਦੌੜਾਂ ਦਾ ਯੋਗਦਾਨ ਪਾਇਆ। ਫਾਈਨਲ 'ਚ 25 ਦੌੜਾਂ ਦੇ ਕੇ ਤਿੰਨ ਵਿਕਟਾਂ ਲੈਣ ਵਾਲੀ ਨਿਊਜ਼ੀਲੈਂਡ ਦੀ ਗੇਂਦਬਾਜ਼ ਰੋਜ਼ਮੇਰੀ ਮੇਅਰ ਨੇ ਕਿਹਾ, ''ਇਮਾਨਦਾਰੀ ਨਾਲ ਕਹਾਂ ਤਾਂ ਇਹ ਅਵਿਸ਼ਵਾਸ਼ਯੋਗ ਹੈ। ਅਸੀਂ ਇਕ-ਦੂਜੇ ਦੀ ਬਹੁਤ ਪਰਵਾਹ ਕਰਦੇ ਹਾਂ।” ਅਸੀਂ ਪਿਛਲੇ 18 ਮਹੀਨਿਆਂ ਵਿਚ ਬਹੁਤ ਸਾਰੀਆਂ ਮੁਸ਼ਕਲਾਂ ਵਿੱਚੋਂ ਲੰਘ ਰਹੇ ਹਾਂ ਅਤੇ ਅਸੀਂ ਇਕ-ਦੂਜੇ ਲਈ ਸਖ਼ਤ ਮਿਹਨਤ ਕੀਤੀ ਹੈ।
ਇਹ ਸੋਫੀ ਡੇਵਿਨ ਦਾ ਨਿਊਜ਼ੀਲੈਂਡ ਲਈ ਕਪਤਾਨ ਵਜੋਂ ਆਖਰੀ ਮੈਚ ਸੀ। ਉਹ ਬੇਟਸ ਦੇ ਨਾਲ 2009 ਤੋਂ ਬਾਅਦ ਹੋਏ ਸਾਰੇ ਨੌਂ ਟੀ-20 ਵਿਸ਼ਵ ਕੱਪਾਂ ਵਿਚ ਖੇਡਿਆ ਹੈ। ਨਿਊਜ਼ੀਲੈਂਡ 2009 ਅਤੇ 2010 ਵਿਚ ਪਹਿਲੇ ਦੋ ਟੂਰਨਾਮੈਂਟਾਂ ਦੇ ਫਾਈਨਲ ਵਿਚ ਪਹੁੰਚੀ ਸੀ। ਦੋਵਾਂ ਮੌਕਿਆਂ 'ਤੇ ਇਸ ਨੂੰ ਆਸਟ੍ਰੇਲੀਆ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਬੇਟਸ ਨੇ ਕਿਹਾ, “ਇਹ ਸਾਡੇ ਲਈ ਸਭ ਕੁਝ ਹੈ। ਜਦੋਂ ਤੁਸੀਂ ਟੀਮ ਮੈਚ ਖੇਡਦੇ ਹੋ, ਤਾਂ ਤੁਸੀਂ ਵਿਸ਼ਵ ਚੈਂਪੀਅਨ ਬਣਨਾ ਚਾਹੁੰਦੇ ਹੋ। ਉਨ੍ਹਾਂ ਕਿਹਾ, 'ਅਸੀਂ ਸਿਖਰ 'ਤੇ ਵਾਪਸੀ ਲਈ ਸੰਘਰਸ਼ ਕੀਤਾ ਹੈ। ਉਹ ਇਸ ਟੀਮ ਦੀ ਬਹੁਤ ਹੀ ਸ਼ਾਨਦਾਰ ਅਗਵਾਈ ਕਰ ਰਹੀ ਹੈ। ਉਹ ਬਹੁਤ ਸ਼ਾਂਤ ਹੈ ਅਤੇ ਸਾਰੇ ਖਿਡਾਰੀਆਂ 'ਤੇ ਭਰੋਸਾ ਕਰਦੀ ਹੈ। ਅਸੀਂ ਸ਼ਾਇਦ ਬਾਅਦ ਵਿਚ ਲੰਬੇ ਸਮੇਂ ਲਈ ਜੱਫੀ ਪਾਵਾਂਗੇ, ਕਿਉਂਕਿ ਅਸੀਂ ਇਕੱਠੇ ਕੁਝ ਬੁਰੇ ਸਮੇਂ ਵਿੱਚੋਂ ਲੰਘੇ ਹਾਂ ਅਤੇ ਇਹ ਉਹ ਚੀਜ਼ ਹੈ ਜੋ ਸਾਡੇ ਡਰੈਸਿੰਗ ਰੂਮ ਦੇ ਲੋਕ ਹੀ ਸਮਝ ਸਕਦੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਖਰਾਬ ਫਾਰਮ ਨਾਲ ਜੂਝ ਰਹੇ ਬਾਬਰ ਆਜ਼ਮ ਨੂੰ ਵਰਿੰਦਰ ਸਹਿਵਾਗ ਨੇ ਦਿੱਤੀ ਸਲਾਹ, ਦੱਸਿਆ ਵਾਪਸੀ ਦਾ ਤਰੀਕਾ
NEXT STORY 
