ਲੰਡਨ : ਜ਼ਖਮੀ ਜੋਸ ਬਟਲਰ ਆਸਟ੍ਰੇਲੀਆ ਨਾਲ ਪੰਜ ਮੈਚਾਂ ਦੀ ਵਨਡੇ ਸੀਰੀਜ਼ ਤੋਂ ਬਾਹਰ ਹੋ ਗਏ ਹਨ ਅਤੇ ਉਨ੍ਹਾਂ ਦੀ ਜਗ੍ਹਾ ਹੈਰੀ ਬਰੂਕ ਨੂੰ ਇੰਗਲੈਂਡ ਟੀਮ ਦਾ ਕਪਤਾਨ ਬਣਾਇਆ ਗਿਆ ਹੈ। ਬਰੂਕ ਇਸ ਤੋਂ ਪਹਿਲਾਂ ਵੀ ਕਈ ਵਾਰ ਕਪਤਾਨ ਦੀ ਭੂਮਿਕਾ ਨਿਭਾਅ ਚੁੱਕੇ ਹਨ। ਉਹ 2018 ਵਿਚ ਅੰਡਰ-19 ਵਿਸ਼ਵ ਕੱਪ ਵਿਚ ਇੰਗਲੈਂਡ ਦੇ ਕਪਤਾਨ ਵੀ ਸਨ। ਉਨ੍ਹਾਂ ਨੂੰ 2022 ਵਿਚ ਟੀ-20 ਬਲਾਸਟ ਵਿਚ ਯਾਰਕਸ਼ਾਇਰ ਲਈ ਚਾਰ ਮੈਚਾਂ ਲਈ ਕਪਤਾਨ ਬਣਾਇਆ ਗਿਆ ਸੀ ਅਤੇ ਇਸ ਸਾਲ ਦਿ ਹੰਡਰਡ ਵਿਚ ਉੱਤਰੀ ਸੁਪਰਚਾਰਜਰਸ ਦੀ ਕਪਤਾਨੀ ਕੀਤੀ ਸੀ।
ਇਹ ਵੀ ਪੜ੍ਹੋ : ਫਿਰ ਤੋਂ ਜ਼ਖਮੀ ਹੋਣ ਦਾ ਜੋਖਮ ਨਹੀਂ ਲੈਣਾ ਚਾਹੁੰਦਾ : ਸ਼ਮੀ ਨੇ ਭਾਰਤੀ ਟੀਮ 'ਚ ਵਾਪਸੀ 'ਤੇ ਦਿੱਤਾ ਅਪਡੇਟ
ਬਰੂਕ ਦੀ ਕਪਤਾਨੀ ਵਿਚ ਟੀਮ ਨੇ ਛੇ ਵਿੱਚੋਂ ਪੰਜ ਮੈਚ ਜਿੱਤੇ ਪਰ ਇਕ ਛੋਟੇ ਫ਼ਰਕ ਨਾਲ ਨਾਕਆਊਟ ਪੜਾਅ ਤੋਂ ਖੁੰਝ ਗਈ। ਉਹ ਸ਼੍ਰੀਲੰਕਾ 'ਤੇ 2-1 ਦੀ ਟੈਸਟ ਸੀਰੀਜ਼ ਜਿੱਤਣ 'ਚ ਟੀਮ ਦੇ ਉਪ-ਕਪਤਾਨ ਵੀ ਸਨ, ਟੀਮ ਪ੍ਰਬੰਧਨ ਉਨ੍ਹਾਂ ਨੂੰ ਲੰਬੇ ਸਮੇਂ ਲਈ ਕਪਤਾਨ ਦਾ ਬਦਲ ਮੰਨ ਰਿਹਾ ਹੈ। ਫਿਲ ਸਾਲਟ ਮੌਜੂਦਾ ਟੀ-20 ਸੀਰੀਜ਼ 'ਚ ਕਪਤਾਨੀ ਸੰਭਾਲ ਰਹੇ ਹਨ। ਬਟਲਰ ਆਸਟ੍ਰੇਲੀਆ ਖਿਲਾਫ ਚੱਲ ਰਹੀ ਟੀ-20 ਸੀਰੀਜ਼ 'ਚ ਇੰਗਲੈਂਡ ਟੀਮ ਦੇ ਨਾਲ ਹਨ ਅਤੇ ਉਨ੍ਹਾਂ ਦੇ ਨਵੰਬਰ 'ਚ ਕੈਰੇਬੀਅਨ ਦੌਰੇ 'ਤੇ ਵਾਪਸੀ ਦੀ ਉਮੀਦ ਹੈ। ਪਹਿਲੇ ਦੋ ਟੀ-20 ਵਿਚ ਲਿਵਿੰਗਸਟਨ ਦੇ ਪ੍ਰਦਰਸ਼ਨ ਨੂੰ ਦੇਖਦੇ ਹੋਏ ਉਸ ਦੀ ਵਨਡੇ ਟੀਮ ਵਿਚ ਵਾਪਸੀ ਹੋਈ ਹੈ।
ਇੰਗਲੈਂਡ ਨੇ ਵੀ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ ਖੱਬੇ ਹੱਥ ਦੇ ਤੇਜ਼ ਗੇਂਦਬਾਜ਼ ਜੋਸ਼ ਹਲ ਸੱਟ ਕਾਰਨ ਵਨਡੇ ਸੀਰੀਜ਼ ਦਾ ਹਿੱਸਾ ਨਹੀਂ ਹੋਣਗੇ। ਟੀਮ ਦੇ ਬੁਲਾਰੇ ਨੇ ਦੱਸਿਆ ਕਿ ਜੋਸ਼ ਨੂੰ ਇਹਤਿਆਤ ਵਜੋਂ ਟੀਮ ਤੋਂ ਬਾਹਰ ਰੱਖਿਆ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਪੰਜ ਮੈਚਾਂ ਦੀ ਵਨਡੇ ਸੀਰੀਜ਼ ਵੀਰਵਾਰ ਤੋਂ ਟ੍ਰੇਂਟ ਬ੍ਰਿਜ 'ਚ ਸ਼ੁਰੂ ਹੋਵੇਗੀ ਅਤੇ 29 ਸਤੰਬਰ ਤੱਕ ਚੱਲੇਗੀ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਟਰੱਕ ਡਰਾਈਵਰ ਨੇ ਗਾਲ੍ਹ ਕੱਢੀ ਤਾਂ ਗੰਭੀਰ ਨੇ ਫੜ੍ਹ ਲਿਆ ਗਿਰੇਬਾਨ, ਆਕਾਸ਼ ਚੋਪੜਾ ਨੇ ਸੁਣਾਇਆ ਦਿਲਚਸਪ ਕਿੱਸਾ
NEXT STORY 
