ਬ੍ਰਿਜਟਾਊਨ: ਕੀਸੀ ਕਾਰਟੀ ਦੇ ਅਰਧ ਸੈਂਕੜੇ ਅਤੇ ਰੋਮੀਓ ਸ਼ੈਫਰਡ ਦੀਆਂ 28 ਗੇਂਦਾਂ ਵਿੱਚ 41 ਦੌੜਾਂ ਦੀ ਮਦਦ ਨਾਲ ਵੈਸਟਇੰਡੀਜ਼ ਨੇ ਤੀਜੇ ਅਤੇ ਆਖਰੀ ਵਨਡੇ ਵਿੱਚ ਡਕਵਰਥ ਲੁਈਸ ਵਿਧੀ ਦੀ ਵਰਤੋਂ ਕਰਦਿਆਂ ਇੰਗਲੈਂਡ ਨੂੰ ਚਾਰ ਵਿਕਟਾਂ ਨਾਲ ਹਰਾ ਕੇ ਤਿੰਨ ਮੈਚਾਂ ਦੀ ਲੜੀ 2-1 ਨਾਲ ਜਿੱਤ ਲਈ।
ਇਹ ਵੀ ਪੜ੍ਹੋ : SA vs IND, 1st T20I : ਮੌਸਮ ਕਰ ਸਕਦਾ ਹੈ ਕੰਮ ਖਰਾਬ, ਪਿੱਚ ਰਿਪੋਰਟ ਤੇ ਸੰਭਾਵਿਤ 11 'ਤੇ ਮਾਰੋ ਇਕ ਝਾਤ
ਮੀਂਹ ਕਾਰਨ ਮੈਚ ਨੂੰ 43 ਓਵਰਾਂ ਦਾ ਅਤੇ ਫਿਰ 40 ਓਵਰਾਂ ਦਾ ਕਰ ਦਿੱਤਾ ਗਿਆ। ਇੰਗਲੈਂਡ ਦੇ ਬੱਲੇਬਾਜ਼ਾਂ ਦਾ ਖਰਾਬ ਪ੍ਰਦਰਸ਼ਨ ਫਿਰ ਜਾਰੀ ਰਿਹਾ ਅਤੇ ਉਨ੍ਹਾਂ ਦੀ ਟੀਮ 40 ਓਵਰਾਂ 'ਚ ਨੌਂ ਵਿਕਟਾਂ 'ਤੇ 209 ਦੌੜਾਂ ਹੀ ਬਣਾ ਸਕੀ। ਮੀਂਹ ਕਾਰਨ ਵੈਸਟਇੰਡੀਜ਼ ਦੀ ਪਾਰੀ ਦੀ ਸ਼ੁਰੂਆਤ ਦੇਰੀ ਨਾਲ ਹੋਈ, ਜਿਸ ਕਾਰਨ ਉਸ ਨੂੰ 34 ਓਵਰਾਂ ਵਿੱਚ 188 ਦੌੜਾਂ ਦਾ ਟੀਚਾ ਮਿਲਿਆ। ਵੈਸਟਇੰਡੀਜ਼ ਨੇ 31.4 ਓਵਰਾਂ 'ਚ ਛੇ ਵਿਕਟਾਂ 'ਤੇ 191 ਦੌੜਾਂ ਬਣਾ ਕੇ ਜਿੱਤ ਦਰਜ ਕੀਤੀ।
ਵੈਸਟਇੰਡੀਜ਼ ਲਈ ਸ਼ੈਫਰਡ ਤੋਂ ਇਲਾਵਾ ਕਾਰਟੀ ਨੇ 50 ਦੌੜਾਂ ਅਤੇ ਐਲਿਸ ਐਥਨੇਜ਼ ਨੇ 45 ਦੌੜਾਂ ਦਾ ਯੋਗਦਾਨ ਦਿੱਤਾ। ਦੋਵਾਂ ਨੇ ਤੀਜੀ ਵਿਕਟ ਲਈ 76 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। 29 ਦੌੜਾਂ ਦੇ ਕੇ ਤਿੰਨ ਵਿਕਟਾਂ ਲੈਣ ਤੋਂ ਇਲਾਵਾ, ਤੇਜ਼ ਗੇਂਦਬਾਜ਼ ਮੈਥਿਊ ਫੋਰਡ ਨੇ ਵੀ ਅਜੇਤੂ 13 ਦੌੜਾਂ ਬਣਾਈਆਂ ਅਤੇ ਆਪਣੇ ਵਨਡੇ ਡੈਬਿਊ 'ਤੇ ਮੈਨ ਆਫ ਦਾ ਮੈਚ ਚੁਣਿਆ ਗਿਆ।
ਇਹ ਵੀ ਪੜ੍ਹੋ : ਕੈਨੇਡਾ ’ਤੇ ਵੱਡੀ ਜਿੱਤ ਨਾਲ ਭਾਰਤ ਜੂਨੀਅਰ ਹਾਕੀ ਵਿਸ਼ਵ ਕੱਪ ਦੇ ਕੁਆਰਟਰ ਫਾਈਨਲ ’ਚ
ਸ਼ੈਫਰਡ ਅਤੇ ਫੋਰਡ ਨੇ 69 ਦੌੜਾਂ ਦੀ ਅਟੁੱਟ ਸਾਂਝੇਦਾਰੀ ਕੀਤੀ। ਇਸ ਤੋਂ ਪਹਿਲਾਂ ਇੰਗਲੈਂਡ ਦੀ ਸ਼ੁਰੂਆਤ ਚੰਗੀ ਨਹੀਂ ਰਹੀ ਅਤੇ ਇਕ ਸਮੇਂ ਉਸ ਦਾ ਸਕੋਰ 5 ਵਿਕਟਾਂ 'ਤੇ 49 ਦੌੜਾਂ ਸੀ। ਇਸ ਤੋਂ ਬਾਅਦ ਬੇਨ ਡਕੇਟ (71) ਅਤੇ ਲਿਆਮ ਲਿਵਿੰਗਸਟੋਨ (45) ਨੇ ਵਿਕਟ ਲਈ 88 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਫੋਰਡ ਤੋਂ ਇਲਾਵਾ ਵੈਸਟਇੰਡੀਜ਼ ਲਈ ਅਲਜ਼ਾਰੀ ਜੋਸੇਫ ਨੇ 61 ਦੌੜਾਂ 'ਤੇ ਤਿੰਨ ਵਿਕਟਾਂ ਅਤੇ ਸ਼ੈਫਰਡ ਨੇ 50 ਦੌੜਾਂ 'ਤੇ ਦੋ ਵਿਕਟਾਂ ਲਈਆਂ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਚੋਟੀ ਦੇ ਡਿਵੀਜ਼ਨ ਵਿੱਚ ਵਾਪਸੀ ਤਕ ਪੇਲੇ ਦੀ 10 ਨੰਬਰ ਜਰਸੀ ਨਹੀਂ ਪਹਿਣੇਗਾ ਸਾਂਟੋਸ ਦਾ ਕੋਈ ਖਿਡਾਰੀ
NEXT STORY 
