ਵਿਏਨਾ, (ਭਾਸ਼ਾ) ਅਲੈਗਜ਼ੈਂਡਰ ਜਵੇਰੇਵ ਨੇ ਇੱਥੇ ਅਰਸਟੇ ਬੈਂਕ ਓਪਨ ਟੈਨਿਸ ਦੇ ਪ੍ਰੀ-ਕੁਆਰਟਰ ਫਾਈਨਲ ਵਿੱਚ ਮਾਰਕੋਸ ਗਿਰੋਨੇ ਨੂੰ 6-2, 7-5 ਨਾਲ ਹਰਾ ਦਿੱਤਾ। ਰੈਂਕਿੰਗ 'ਚ ਤੀਜੇ ਸਥਾਨ 'ਤੇ ਕਾਬਜ਼ ਇਸ ਜਰਮਨ ਖਿਡਾਰੀ ਦੀ ਮੌਜੂਦਾ ਸਾਲ ਦੀ ਇਹ 61ਵੀਂ ਜਿੱਤ ਹੈ। ਇਸ ਦੇ ਨਾਲ ਉਸ ਨੇ 2018 ਵਿੱਚ ਦਰਜ 60 ਜਿੱਤਾਂ ਦੇ ਰਿਕਾਰਡ ਵਿੱਚ ਸੁਧਾਰ ਕੀਤਾ। ਜ਼ਵੇਰੇਵ ਨੂੰ ਕੁਆਰਟਰ ਫਾਈਨਲ ਵਿੱਚ ਲੋਰੇਂਜੋ ਮੁਸੇਟੀ ਦੀ ਚੁਣੌਤੀ ਦਾ ਸਾਹਮਣਾ ਕਰਨਾ ਪਵੇਗਾ। ਗੇਲ ਮੋਨਫਿਲਸ ਦੇ ਬੀਮਾਰੀ ਕਾਰਨ ਦੂਜੇ ਦੌਰ ਦੇ ਮੈਚ ਤੋਂ ਹਟਣ ਤੋਂ ਬਾਅਦ ਮੁਸੇਟੀ ਨੇ ਆਖਰੀ ਅੱਠਾਂ 'ਚ ਆਪਣੀ ਜਗ੍ਹਾ ਪੱਕੀ ਕਰ ਲਈ ਹੈ। ਗ੍ਰਿਗੋਰ ਦਿਮਿਤਰੋਵ ਨੇ ਝਾਂਗ ਝੀਜ਼ੇਨ ਨੂੰ 6-4, 7-5 ਨਾਲ ਹਰਾਇਆ। ਤੀਜਾ ਦਰਜਾ ਪ੍ਰਾਪਤ ਬੁਲਗਾਰੀਆ ਨੂੰ ਆਖ਼ਰੀ ਅੱਠ ਵਿੱਚ ਥਾਂ ਬਣਾਉਣ ਲਈ ਟੋਮਸ ਮਾਚਕ ਨਾਲ ਭਿੜਨਾ ਪਵੇਗਾ। ਬ੍ਰੈਂਡਨ ਨਕਾਸ਼ਿਮਾ ਅਤੇ ਕੈਰੇਨ ਖਾਚਾਨੋਵ ਵੀ ਆਪਣੇ-ਆਪਣੇ ਮੈਚ ਜਿੱਤ ਕੇ ਅੱਗੇ ਵਧਣ ਵਿੱਚ ਕਾਮਯਾਬ ਰਹੇ।
IND vs NZ: ਸੁੰਦਰ ਨੂੰ ਦੂਜੇ ਟੈਸਟ 'ਚ ਮਿਲਿਆ ਮੌਕਾ, ਗਾਵਸਕਰ ਨੇ ਕਿਹਾ- ਟੀਮ ਇੰਡੀਆ ਘਬਰਾ ਗਈ
NEXT STORY 
