ਨਵੀਂ ਦਿੱਲੀ (ਬਿਊਰੋ)— ਰਾਸ਼ਟਰੀ ਜਨਤਾ ਦਲ ਦੇ ਮੁਖੀਆ ਲਾਲੂ ਪ੍ਰਸਾਦ ਯਾਦਵ ਦੇ ਛੋਟੇ ਪੁੱਤਰ ਤੇਜਸਵੀ ਯਾਦਵ ਵਿਆਹ ਦੇ ਬੰਧਨ ’ਚ ਬੱਝ ਗਏ ਹਨ। ਉਨ੍ਹਾਂ ਨੇ ਏਅਰਹੋਸਟੈੱਸ ਰਹੀ ਅਲੈਕਸਿਸ ਨਾਲ ਵਿਆਹ ਕਰਵਾਇਆ ਹੈ। ਤੇਜਸਵੀ ਅਤੇ ਉਨ੍ਹਾਂ ਦੀ ਪਤਨੀ ਅਲੈਕਸਿਸ ਦੋਵੇਂ ਇਕ-ਦੂਜੇ ਨੂੰ ਪਿਛਲੇ 6 ਸਾਲਾਂ ਤੋਂ ਜਾਣਦੇ ਹਨ ਅਤੇ ਪੁਰਾਣੇ ਦੋਸਤ ਹਨ। ਦੱਸ ਦੇਈਏ ਕਿ ਤੇਜਸਵੀ ਬਿਹਾਰ ਦੇ ਸਾਬਕਾ ਉੱਪ ਮੁੱਖ ਮੰਤਰੀ ਰਹੇ ਹਨ।
ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਕੁੜਮਾਈ ਤੋਂ ਬਾਅਦ ਤੇਜਸਵੀ ਦੋ ਮਹੀਨਿਆਂ ਦੀ ਬਰੇਕ ਚਾਹੁੰਦੇ ਸਨ ਪਰ ਉਨ੍ਹਾਂ ਨੇ ਕੁੜਮਾਈ ਦੇ ਅਗਲੇ ਦਿਨ ਹੀ ਵਿਆਹ ਕਰਵਾ ਲਿਆ। ਤੇਜਸਵੀ ਦੀ ਕੁੜਮਾਈ ਅਤੇ ਵਿਆਹ ਦਾ ਇਹ ਪ੍ਰੋਗਰਾਮ ਦਿੱਲੀ ਦੇ ਸੈਨਿਕ ਫਾਰਮ ਵਿਚ ਹੋਇਆ ਹੈ। ਇਹ ਸੈਨਿਕ ਫਾਰਮ ਉਨ੍ਹਾਂ ਦੀ ਭੈਣ ਮੀਸਾ ਭਾਰਤੀ ਦਾ ਹੈ। ਫਾਰਮ ਦੇ ਬਾਹਰ ਅਤੇ ਅੰਦਰ ਸਖ਼ਤ ਸੁਰੱਖਿਆ ਵਿਵਸਥਾ ਕੀਤੀ ਗਈ।
ਕੌਣ ਹੈ ਤੇਜਸਵੀ ਦੇ ਲਾੜੀ?
ਤੇਜਸਵੀ ਦੀ ਲਾੜੀ ਅਲੈਕਸਿਸ ਪਹਿਲਾਂ ਏਅਰਹੋਸਟੈੱਸ ਰਹਿ ਚੁੱਕੀ ਹੈ। ਉਹ ਦਿੱਲੀ ਦੇ ਵਸੰਤ ਵਿਹਾਰ ਵਿਚ ਰਹਿੰਦੀ ਹੈ ਅਤੇ ਉਨ੍ਹਾਂ ਦੇ ਪਿਤਾ ਚੰਡੀਗੜ੍ਹ ਦੇ ਇਕ ਸਕੂਲ ਪਿ੍ਰੰਸੀਪਲ ਰਹਿ ਚੁੱਕੇ ਹਨ। ਸੂਤਰਾਂ ਮੁਤਾਬਕ ਲਾਲੂ ਪ੍ਰਸਾਦ ਆਪਣੇ ਪੁੱਤਰ ਤੇਜਸਵੀ ਦੇ ਇਸ ਫ਼ੈਸਲੇ ਤੋਂ ਖੁਸ਼ ਨਹੀਂ ਸਨ, ਸਗੋਂ ਕਾਫੀ ਨਾਰਾਜ਼ ਹੋ ਗਏ ਸਨ। ਅਲੈਕਸਿਸ ਦੇ ਈਸਾਈ ਪਰਿਵਾਰ ਨਾਲ ਹੋਣ ਦੇ ਚੱਲਦੇ ਇਸ ਰਿਸ਼ਤੇ ਤੋਂ ਇਤਰਾਜ਼ ਸੀ। ਆਖ਼ਰਕਾਰ ਲੰਬੀ ਗੱਲਬਾਤ ਤੋਂ ਬਾਅਦ ਲਾਲੂ ਅਤੇ ਪਰਿਵਾਰ ਨੂੰ ਤੇਜਸਵੀ ਦੀ ਜਿੱਦ ਅੱਗੇ ਝੁੱਕਣਾ ਹੀ ਪਿਆ ਅਤੇ ਅੱਜ ਉਹ ਵਿਆਹ ਦੇ ਬੰਧਨ ’ਚ ਬੱਝ ਗਏ ਹਨ।
ਕੇਂਦਰ ਵੱਲੋਂ ਭੇਜੀ ਇਸ ਚਿੱਠੀ ਮਗਰੋਂ ਕਿਸਾਨ ਆਗੂਆਂ ਨੇ ਖ਼ਤਮ ਕੀਤਾ ਅੰਦੋਲਨ, ਪੜ੍ਹੋ ਕੀ ਦਿੱਤਾ ਭਰੋਸਾ
NEXT STORY 
