ਮਾਣਯੋਗ ਲਾਲਾ ਜਗਤ ਨਾਰਾਇਣ ਜੀ ਨੂੰ ਜਿਨ੍ਹਾਂ ਦੀ ਅੱਜ 42ਵੀਂ ਬਰਸੀ ਹੈ, ਇਸੇ ਦਿਨ ਲਾਲਾ ਜੀ ਨੂੰ ਸ਼ਹੀਦ ਕੀਤਾ ਗਿਆ ਸੀ। ਲਾਲਾ ਜੀ, ਜਿਨ੍ਹਾਂ ਦਾ ਜਨਮ 31 ਮਈ, 1899 ਨੂੰ ਵਜ਼ੀਰਾਬਾਦ (ਪਾਕਿਸਤਾਨ) ’ਚ ਹੋਇਆ, ਨੇ ਬੀ.ਏ. ਦੀ ਡਿਗਰੀ ਡੀ.ਏ.ਵੀ. ਕਾਲਜ ਲਾਹੌਰ ਤੋਂ ਕੀਤੀ ਅਤੇ ਨਾਲ ਹੀ ਉਨ੍ਹਾਂ ਨੇ ਲਾਅ ਕਾਲਜ ’ਚ ਐਡਮਿਸ਼ਨ ਲੈ ਲਈ।
ਪਰ ਮਹਾਤਮਾ ਗਾਂਧੀ ਜੀ ਦੀ ਕਾਲ ’ਤੇ ਪੜ੍ਹਾਈ ਛੱਡ ਦਿੱਤੀ ਅਤੇ ਆਜ਼ਾਦੀ ਦੀ ਲੜਾਈ ’ਚ ਸ਼ਾਮਲ ਹੋ ਗਏ ਅਤੇ ਕੁਝ ਦੇਰ ਪਿੱਛੋਂ ਉਹ ਲਾਹੌਰ ਕਾਂਗਰਸ ਦੇ ਪ੍ਰਧਾਨ ਬਣੇ ਪਰ ਵੰਡ ਪਿੱਛੋਂ ਉਹ ਜਲੰਧਰ ਆ ਗਏ ਅਤੇ ਉੱਥੇ ਹੀ ਵਸ ਗਏ। ਜਲੰਧਰ ਆ ਕੇ 1948 ’ਚ ਉਨ੍ਹਾਂ ਨੇ ਅਖਬਾਰ ਦੀ ਨੀਂਹ ਰੱਖੀ ਅਤੇ ਉਹ ਚਾਹੁੰਦੇ ਸੀ ਕਿ ਗੈਰ-ਸਮਾਜਿਕ ਤੱਤਾਂ ਨਾਲ ਸਰਕਾਰ ਸਖਤੀ ਨਾਲ ਨਜਿੱਠੇ, ਅੱਜ ਰੋਜ਼ਾਨਾ ਸਮਾਚਾਰ ਗਰੁੱਪ ‘ਪੰਜਾਬ ਕੇਸਰੀ’ ਕਈ ਥਾਵਾਂ ਤੋਂ ਕੱਢ ਰਿਹਾ ਹੈ ਅਤੇ ਦੇਸ਼ ’ਚ ਕਰੋੜਾਂ ਇਸ ਦੇ ਪਾਠਕ ਹਨ।
ਅੱਜ ਦੀ ਸਥਿਤੀ ’ਚ ਆਉਣ ਲਈ ਬਹੁਤ ਮਿਹਨਤ ਅਤੇ ਸਖਤ ਮੁਸ਼ੱਕਤ ਕਰਨੀ ਪਈ, ਕਿੰਨੀਆਂ ਔਕੜਾਂ ਦਾ ਸਾਹਮਣਾ ਕਰਨਾ ਪਿਆ, ਇਸ ਦਾ ਅੰਦਾਜ਼ਾ ਲਾਉਣਾ ਬਹੁਤ ਮੁਸ਼ਕਲ ਹੈ। ਇਸ ਲਈ ਲਾਲਾ ਜੀ ਦਾ ਸੰਕਲਪ ਸਖਤ ਮਿਹਨਤ ਅਤੇ ਕਈ ਹਾਕਰਜ਼ ਅਤੇ ਪੰਜਾਬ ਕੇਸਰੀ ਦੇ ਕਈ ਮੁਲਾਜ਼ਮਾਂ ਦੀਆਂ ਜ਼ਿੰਦਗੀਆਂ ਦਾ ਬਲਿਦਾਨ ਦੇਣਾ ਪਿਆ ਪਰ ਸ਼੍ਰੀ ਰਮੇਸ਼ ਚੰਦਰ ਜੀ ਅਤੇ ਵਿਜੇ ਚੋਪੜਾ ਜੀ ਦੇ ਦ੍ਰਿੜ੍ਹ ਸੰਕਲਪ ਅਤੇ ਲਾਲਾ ਜੀ ਦੇ ਦੱਸੇ ਗਏ ਰਸਤੇ ਨੂੰ ਨਹੀਂ ਛੱਡਿਆ, ਲਾਲਾ ਜੀ ਦਾ ਸੁਪਨਾ ਸੀ, ਆਜ਼ਾਦ ਭਾਰਤ ’ਚ ਪੱਤਰਕਾਰੀ ਵੀ ਆਜ਼ਾਦ ਹੋਣੀ ਚਾਹੀਦੀ ਹੈ।
ਲਾਲਾ ਜੀ ਨੇ ਸੈਫੂਦੀਨ ਕਿਚਲੂ, ਡਾ. ਗੋਪੀਚੰਦ ਭਾਰਗਵ, ਲਾਲਾ ਲਾਜਪਤ ਰਾਇ ਆਗਾ ਸਫਦਰ ਵਰਗੇ ਮਹਾਨ ਸੱਚਵਾਦੀ ਅਤੇ ਰਾਸ਼ਟਰੀ ਪ੍ਰੇਮੀਆਂ ਨਾਲ ਮਿਲ ਕੇ ਦੇਸ਼ ਨੂੰ ਉਪਰ ਲਿਜਾਣ ’ਚ ਪੂਰਾ ਯੋਗਦਾਨ ਦਿੱਤਾ। ਲਾਲਾ ਜੀ ਨੇ ਸਮਾਜ ਸੇਵਾ ਲਈ ਕੀ ਕੁਝ ਨਹੀਂ ਕੀਤਾ। ਉਨ੍ਹਾਂ ਨੇ ਅੱਤਵਾਦ ਅਤੇ ਖਾਲਿਸਤਾਨ ਦੇ ਵਿਰੋਧ ’ਚ ਕਈ ਲੇਖ ਲਿਖੇ ਅਤੇ ਕਈ ਸਭਾਵਾਂ ’ਚ ਨਿਡਰਤਾ ਨਾਲ ਵਿਚਾਰ ਵੀ ਰੱਖੇ।
ਇਹੀ ਕਾਰਨ ਸੀ ਕਿ ਅੱਤਵਾਦੀਆਂ ਨੂੰ 9 ਸਤੰਬਰ 1981 ਨੂੰ ਮੌਕਾ ਮਿਲਿਆ ਜਦ ਲਾਲਾ ਜੀ ਪਟਿਆਲਾ ਤੋਂ ਇਕ ਸਮਾਜਿਕ ਸਭਾ ਨੂੰ ਸੰਬੋਧਿਤ ਕਰ ਕੇ ਜਲੰਧਰ ਲਈ ਚੱਲੇ ਤਾਂ ਪਟਿਆਲਾ ਤੋਂ ਹੀ ਇਕ ਮੋਟਰਸਾਈਕਲ ’ਤੇ 3 ਅੱਤਵਾਦੀਆਂ ਨੇ ਉਨ੍ਹਾਂ ਦਾ ਪਿੱਛਾ ਕਰਨਾ ਸ਼ੁਰੂ ਕਰ ਦਿੱਤਾ। ਪਹਿਲਾਂ ਸਰਹਿੰਦ ਕੋਲ ਉਨ੍ਹਾਂ ਦੀ ਕੋਸ਼ਿਸ਼ ਨਾਕਾਮਯਾਬ ਹੋ ਗਈ ਪਰ ਲੁਧਿਆਣਾ ’ਚ ਪੁਲ ਕੋਲ ਜਾਮ ਲੱਗਾ ਹੋਣ ਕਾਰਨ ਜਦੋਂ ਉਨ੍ਹਾਂ ਦੇ ਡਰਾਈਵਰ ਸੋਮਨਾਥ ਨੇ ਖੱਬੇ ਪਾਸੇ ਗੱਡੀ ਮੋੜੀ ਤਾਂ ਅੱਗੇ ਰਸਤਾ ਨਾ ਮਿਲਣ ਕਾਰਨ ਅੱਤਵਾਦੀਆਂ ਨੇ ਕਾਰ ਦੇ ਕੋਲ ਆ ਕੇ ਗੋਲੀਆਂ ਦੀ ਵਾਛੜ ਕਰ ਦਿੱਤੀ। ਡਰਾਈਵਰ ਸੋਮਨਾਥ ਵੀ ਗੋਲੀਆਂ ਲੱਗਣ ਨਾਲ ਜ਼ਖਮੀ ਹੋ ਗਏ ਅਤੇ ਸੀਟ ’ਤੇ ਹੀ ਡਿੱਗ ਗਏ ਪਰ ਲਾਲਾ ਜੀ ਨੂੰ ਉਹ ਓਨੀ ਦੇਰ ਤਕ ਛਲਣੀ ਕਰਦੇ ਰਹੇ ਜਿੰਨੀ ਦੇਰ ਤਕ ਉਹ ਸਾਹ ਲੈਂਦੇ ਰਹੇ।
ਹੋਮ ਮਿਨਿਸਟਰ ਗਿਆਨੀ ਜ਼ੈਲ ਸਿੰਘ ਜੀ ਨੇ ਡੀ.ਸੀ. ਰਵੀ ਸਾਹਨੀ ਨੂੰ ਸੀ.ਐੱਮ.ਸੀ. ’ਚ ਰਾਤੋ-ਰਾਤ ਪੋਸਟਮਾਰਟਮ ਕਰਵਾਉਣ ਦੇ ਆਰਡਰ ਦਿੱਤੇ, ਪੋਸਟਮਾਰਟਨ ਦੇ ਸਮੇਂ ਸ਼੍ਰੀ ਰਮੇਸ਼ ਚੰਦਰ ਜੀ ਅਤੇ ਮੈਂ ਉੱਥੇ ਮੌਜੂਦ ਸੀ। ਵਿਜੇ ਚੋਪੜਾ ਜੀ ਤਦ ਬਾਹਰ ਗਏ ਹੋਏ ਸਨ, ਲਾਲਾ ਜੀ ਨੂੰ ਜਿੰਨੀਆਂ ਗੋਲੀਆਂ ਲੱਗੀਆਂ, ਉਨ੍ਹਾਂ ’ਚੋਂ 3 ਗੋਲੀਆਂ ਦਿਲ ਦੇ ਆਰ-ਪਾਰ ਹੋਈਆਂ ਅਤੇ ਓਹੀ ਉਨ੍ਹਾਂ ਦੀ ਮੌਤ ਦਾ ਕਾਰਨ ਬਣੀਆਂ।
ਇਹ ਉਨ੍ਹਾਂ ਦੇ ਹੀ ਅਣਥੱਕ ਯਤਨਾਂ ਅਤੇ ਸਖਤ ਮਿਹਨਤ ਦਾ ਫਲ ਹੈ ਕਿ ਅੱਜ ਪੰਜਾਬ ਕੇਸਰੀ ਸਾਰੇ ਉੱਤਰੀ ਭਾਰਤ ਤੇ ਕਈ ਹੋਰ ਸੂਬਿਆਂ ’ਚ ਬੜੀ ਸ਼ਾਨ ਨਾਲ ਆਪਣੀ ਅਖਬਾਰ ਕੱਢ ਰਹੀ ਹੈ ਅਤੇ ਕਰੋੜਾਂ ਪਾਠਕ ਰੋਜ਼ ਸਵੇਰੇ ਇਸ ਅਖਬਾਰ ਨੂੰ ਪੜ੍ਹਦੇ ਹਨ ਅਤੇ ਦੇਸ਼ ਦੀਆਂ ਤਾਜ਼ਾ ਜਾਣਕਾਰੀਆਂ ਲੈਂਦੇ ਹਨ। ਅੱਜ ਵੀ ਪੰਜਾਬ ਕੇਸਰੀ ਦੇ ਸਾਰੇ ਡਾਇਰੈਕਟਰ ਵਿਜੇ ਜੀ, ਅਵਿਨਾਸ਼ ਜੀ, ਅਮਿਤ ਜੀ ਅਤੇ ਉਨ੍ਹਾਂ ਦੇ ਬੱਚੇ ਉਨ੍ਹਾਂ ਦੇ (ਲਾਲ ਜੀ ਦੇ) ਪਦ ਚਿੰਨ੍ਹਾਂ ’ਤੇ ਚੱਲਦੇ ਹੋਏ ਬਿਨਾਂ ਕਿਸੇ ਡਰ ਤੇ ਬਿਨਾਂ ਕਿਸੇ ਭੇਦਭਾਵ ਦੇ ਆਜ਼ਾਦ ਪੱਤਰਕਾਰੀ ਕਰ ਕੇ ਲੋਕਾਂ ਨੂੰ ਆਪਣੀ ਅਖਬਾਰ ਭੇਜ ਰਹੇ ਹਨ। ਲਾਲਾ ਜੀ ਦੇ ਦੱਸੇ ਸੱਚ ਦੇ ਅਸੂਲਾਂ ਤੋਂ ਉਹ ਪਿੱਛੇ ਨਹੀਂ ਹੋਏ। ਚੰਗਾ ਲੱਗਾ ਜਦ ਮੈਂ ਉਨ੍ਹਾਂ ਦੇ ਪੜਪੋਤਰੇ ਅਭਿਜੈ ਨੂੰ ਮਿਲਿਆ। ਉਹ ਪੰਜਾਬ ’ਚ ਖੂਨਦਾਨ ਕੈਂਪਾਂ ਦਾ ਆਯੋਜਨ ਕਰਵਾ ਰਹੇ ਹਨ। ਕੈਂਸਰ ਲਈ ਆਪਣੀ ਆਵਾਜ਼ ਉਠਾ ਰਹੇ ਹਨ।
ਜਗਜੀਤ ਪਿੰਕੀ
ਅੰਧਵਿਸ਼ਵਾਸਾਂ ਦੇ ਚੱਕਰ ’ਚ ਸੈਕਸ ਸ਼ੋਸ਼ਣ, ਠੱਗੀ ਅਤੇ ਹੱਤਿਆਵਾਂ
NEXT STORY 
