ਐੱਪਲ ਨੇ ਆਈਫੋਨ-15 ਪ੍ਰੋ ਤੇ ਆਈਫੋਨ-15 ਪ੍ਰੋ ਮੈਕਸ ਦੇ ਹੱਦੋਂ ਵੱਧ ਗਰਮ ਹੋਣ ਦੇ ਕਾਰਨਾਂ ਦੀ ਪਛਾਣ ਕੀਤੀ ਹੈ।
ਖ਼ਬਰ ਏਜੰਸੀ ਰਾਇਟਰਜ਼ ਮੁਤਾਬਕ, ਸ਼ਨੀਵਾਰ ਨੂੰ ਐੱਪਲ ਨੇ ਆਈਫੋਨ-15 ਪ੍ਰੋ ਦੇ ਗਰਮ ਹੋਣ ਦੇ ਕਾਰਨਾਂ ਦੀ ਪਛਾਣ ਕਰਦਿਆਂ ਕਿਹਾ ਕਿ ਇਸ ਵਿੱਚ ਆਈਓਐੱਸ 17 ਸੌਫਟਵੇਅਰ ਵਿੱਚ ਇੱਕ ਬੱਗ ਸ਼ਾਮਲ ਹੈ।
ਇਸ ਦਾ ਹੱਲ ਆਉਣ ਵਾਲੇ ਅਪਡੇਟ ਵਿੱਚ ਨਿਕਲ ਸਕਦਾ ਹੈ।
ਐੱਪਲ ਨੇ ਲੰਘੀ 12 ਸਤੰਬਰ ਨੂੰ ਆਈਫੋਨ-15 ਜਾਰੀ ਕੀਤਾ ਸੀ। ਇਸ ਦੇ ਨਾਲ ਨਵੇਂ ਫੀਚਰਾਂ ਵਾਲਾ ਆਈਓਐੱਸ 17 ਵੀ ਲਾਂਚ ਕੀਤਾ ਗਿਆ ਸੀ।
ਆਈਓਐੱਸ ਉਹ ਸਾਫਟਵੇਅਰ ਹੈ ਜਿਸ ਉੱਤੇ ਐਪਲ ਦੇ ਡਿਵਾਈਸ ਕੰਮ ਕਰਦੇ ਹਨ।
ਦਰਅਸਲ, ਆਈਫੋਨ-15 ਦੇ ਗਰਮ ਹੋਣ ਦੀਆਂ ਸ਼ਿਕਾਇਤਾਂ ਆ ਰਹੀਆਂ ਸਨ, ਜਿਸ ਤੋਂ ਬਾਅਦ ਐੱਪਲ ਨੇ ਕਿਹਾ ਹੈ, "ਬੈਕਗਰਾਊਂਡ ਗਤੀਵਿਧੀ ਵਧਣ ਕਾਰਨ ਡਿਵਾਈਸ ਨੂੰ ਸੈੱਟਅੱਪ ਜਾਂ ਰੀਸਟੋਰ ਕਰਨ ਤੋਂ ਬਾਅਦ ਪਹਿਲੇ ਕੁਝ ਦਿਨਾਂ ਵਿੱਚ ਡਿਵਾਈਸ ਗਰਮ ਮਹਿਸੂਸ ਲਗ ਸਕਦਾ ਹੈ।"
ਰਾਇਟਰਜ਼ ਮੁਤਾਬਕ ਐੱਪਲ ਨੇ ਕਿਹਾ, "ਇੱਕ ਹੋਰ ਸਮੱਸਿਆ ਵਿੱਚ ਤੀਜੀ-ਧਿਰ ਵੱਲੋਂ ਐਪਸ ਦੇ ਕੁਝ ਤਾਜ਼ਾ ਅਪਡੇਟਸ ਸ਼ਾਮਲ ਹਨ ਜੋ ਸਿਸਟਮ ਨੂੰ ਓਵਰਲੋਡ ਕਰਨ ਦਾ ਕਾਰਨ ਬਣ ਰਹੇ ਹਨ।"
ਉਨ੍ਹਾਂ ਨੇ ਕਿਹਾ ਹੈ ਕਿ ਉਹ ਐਪ ਡਿਵੈਲਪਰਾਂ ਨਾਲ ਸੁਧਾਰਾਂ ''ਤੇ ਕੰਮ ਕਰ ਰਹੇ ਹਨ, ਜਿਨ੍ਹਾਂ ਨੂੰ ਲਾਗੂ ਕਰਨ ਦੀ ਪ੍ਰਕਿਰਿਆ ਚੱਲ ਰਹੀ ਹੈ।
ਕੰਪਨੀ ਦੇ ਅਨੁਸਾਰ ਸਮੱਸਿਆ ਪੈਦਾ ਕਰਨ ਵਾਲੇ ਤੀਜੀ-ਧਿਰ ਦੀਆਂ ਐਪਸ ਵਿੱਚ ਗੇਮ ਅਸਫਾਲਟ 9, ਮੈਟਾ ਦਾ (META.O) ਇੰਸਟਾਗ੍ਰਾਮ ਅਤੇ ਉਬਰ ਸ਼ਾਮਲ ਹੈ। ਇੰਸਟਾਗ੍ਰਾਮ ਨੇ 27 ਸਤੰਬਰ ਨੂੰ ਆਪਣੀ ਐਪ ਨਾਲ ਇਸ ਮਸਲੇ ਨੂੰ ਹੱਲ ਕੀਤਾ ਸੀ।
ਐੱਪਲ ਦਾ ਕਹਿਣਾ ਹੈ ਕਿ ਆਈਓਐੱਸ 17 ਦੀ ਸਮੱਸਿਆ ਦੇ ਹੱਲ ਨਾਲ ਆਈਫੋਨ-15 ਦੇ ਪ੍ਰਦਰਸ਼ਨ ਦੇ ਕੋਈ ਅਸਰ ਨਹੀਂ ਪਵੇਗਾ।
ਕੰਪਨੀ ਦਾ ਹੈੱਡਕੁਆਟਰ ਕੂਪਰਟੀਨੋ, ਕੈਲੀਫੋਰਨੀਆ ਵਿੱਚ ਸਥਿਤ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਆਈਫੋਨ 15 ਪ੍ਰੋ ਅਤੇ ਪ੍ਰੋ ਮੈਕਸ ਡਿਜ਼ਾਈਨ ਦੇ ਕਾਰਨ ਓਵਰਹੀਟਿੰਗ ਦੇ ਸ਼ਿਕਾਰ ਨਹੀਂ ਹਨ।
ਕੰਪਨੀ ਮੁਤਾਬਕ ਇਸ ਡਿਜ਼ਾਇਨ ਵਿੱਚ ਨਵੇਂ ਟਾਈਟੇਨੀਅਮ ਸ਼ੈੱਲ ਪੁਰਾਣੇ ਸਟੇਨਲੈਸ ਸਟੀਲ ਮਾਡਲਾਂ ਦੀ ਤੁਲਨਾ ਵਿੱਚ ਬਿਹਤਰ ਹੈ ਕਿਉਂਕਿ ਇਹ ਗਰਮਾਹਟ ਨੂੰ ਇੱਕ ਥਾਂ ਇਕੱਠਾ ਨਹੀਂ ਹੋਣ ਦਿੰਦਾ ਉਸ ਨੂੰ ਖਿਲਾਰ ਦਿੰਦਾ ਹੈ।
ਆਈਓਐੱਸ-17 ਦੇ ਖ਼ਾਸ ਫੀਚਰ
- ਇਸ ਵਿੱਚ ਪਲੱਸ ਦਾ ਇੱਕ ਨਵਾਂ ਬਟਨ ਹੈ, ਜਿਸ ''ਤੇ ਟੈਪ ਕਰਕੇ ਤੁਸੀਂ ਉਹ ਸਾਰੀਆਂ ਚੀਜ਼ਾਂ ਜਾਂ ਸਮੱਗਰੀ ਵੇਖ ਸਕੋਗੇ ਜੋ ਤੁਸੀਂ ਸਭ ਤੋਂ ਜ਼ਿਆਦਾ ਸੰਦੇਸ਼ ਰਾਹੀਂ ਭੇਜਦੇ ਹੋ, ਜਿਵੇਂ ਕਿ ਤਸਵੀਰਾਂ, ਵੀਡੀਓ, ਆਡੀਓ ਮੈਸੇਜ ਆਦਿ।
- ਕੰਪਨੀ ਮੁਤਾਬਕ, ਆਪਰੇਟਿੰਗ ਸਿਸਟਮ ਤੁਹਾਨੂੰ ਆਟੋਮੈਟਿਕ ਚੈਕਇਨ ਦੀ ਵੀ ਸੁਵਿਧਾ ਹੈ। ਜਿਸ ਦਾ ਮਤਲਬ ਹੈ ਕਿ ਕਿਸੇ ਥਾਂ ''ਤੇ ਪਹੁੰਚਣ ਤੋਂ ਬਾਅਦ ਸਿਸਟਮ ਆਪਣੇ-ਆਪ ਤੁਹਾਡੇ ਪਰਿਵਾਰਕ ਮੈਂਬਰ ਜਾਂ ਦੋਸਤ ਨੂੰ ਤੁਹਾਡੇ ਸੁਰੱਖਿਅਤ ਪਹੁੰਚਣ ਦੀ ਸੂਚਨਾ ਦੇ ਦੇਵੇਗਾ।
- ਸੰਦੇਸ਼/ਮੈਸੇਜ ਨਾਲ ਜੁੜਿਆ ਇੱਕ ਨਵਾਂ ਫ਼ੀਚਰ ਹੈ, ਕੈਚ-ਅਪ ਐਰੋ। ਇਸ ਦੇ ਇਸਤੇਮਾਲ ਨਾਲ ਤੁਸੀਂ ਚੈਟ ਵਿੱਚ ਸਿੱਧਾ ਉਸ ਮੈਸੇਜ ''ਤੇ ਪਹੁੰਚ ਜਾਓਗੇ ਜੋ ਕਿਸੇ ਵਿਅਕਤੀ ਨੇ ਤੁਹਾਨੂੰ ਸਭ ਤੋਂ ਪਹਿਲਾਂ ਭੇਜਿਆ ਹੈ। ਫਿਰ ਉਸ ਸ਼ੁਰੂਆਤੀ ਮੈਸੇਜ ਦੇ ਹਿਸਾਬ ਨਾਲ ਤੁਸੀਂ ਆਪਣਾ ਜਵਾਬ ਭੇਜ ਸਕਦੇ ਹੋ।
- ਇਸੇ ਤਰ੍ਹਾਂ ਮੈਸੇਜ ਵਿੱਚ ਕੋਈ ਵਿਸ਼ੇਸ਼ ਮੈਸੇਜ ਲੱਭਣ ਲਈ ਸਰਚ ਫ਼ਿਲਟਰ ਦਾ ਇਸਤੇਮਾਲ ਕੀਤਾ ਜਾ ਸਕਦਾ ਹੈ।
- ਵੈਬਸਾਈਟ ਮੁਤਾਬਕ, ਲੋਕੇਸ਼ਨ ਭੇਜਣ ਅਤੇ ਪ੍ਰਾਪਤ ਕਰਨ ਦੇ ਤਰੀਕੇ ਨੂੰ ਵੀ ਹੋਰ ਸੌਖਾ ਬਣਾਇਆ ਗਿਆ ਹੈ। ਇਸ ਦੇ ਨਾਲ ਹੀ ਜਦੋਂ ਕੋਈ ਤੁਹਾਡੇ ਨਾਲ ਆਪਣੀ ਲੋਕੇਸ਼ਨ ਸਾਂਝਾ ਕਰੇਗਾ ਤਾਂ ਤੁਸੀਂ ਉਸ ਨੂੰ ਚੈਟ ਵਿੱਚ ਹੀ ਦੇਖ ਸਕਦੇ ਹੋ।
- ਇੱਕ ਹੋਰ ਖ਼ਾਸ ਫ਼ੀਚਰ ਇਹ ਹੈ ਕਿ ਤੁਸੀਂ ਹੁਣ ਆਡੀਓ ਮੈਸੇਜ ਨੂੰ ਪੜ੍ਹ ਵੀ ਸਕੋਗੇ। ਇਹ ਅਜਿਹੇ ਸਮੇਂ ਕੰਮ ਆਵੇਗਾ ਜਦੋਂ ਤੁਸੀਂ ਮੈਸੇਜ ਸਭ ਦੇ ਸਾਹਮਣੇ ਨਹੀਂ ਸੁਣਨਾ ਚਾਹੁੰਦੇ ਜਾਂ ਨਹੀਂ ਸੁਣ ਸਕਦੇ ਅਤੇ ਤੁਹਾਡੇ ਕੋਲ ਈਅਰਫੋਨ ਵੀ ਨਾ ਹੋਣ।
- ਹੁਣ ਤੁਸੀਂ ਆਪਣੀਆਂ ਤਸਵੀਰਾਂ ਦੀ ਮਦਦ ਨਾਲ ਆਪਣੇ ਲਈ ਲਾਈਵ ਸਟਿੱਕਰ ਬਣਾ ਸਕਦੇ ਹੋ ਅਤੇ ਸਾਰੇ ਸਟਿਕਰਾਂ ਨੂੰ ਸਟਿੱਕਰ ਡਰਾਰ ਵਿੱਚ ਰੱਖ ਸਕਦੇ ਹੋ।
- ਜੇਕਰ ਕੋਈ ਵਿਅਕਤੀ ਕਿਸੇ ਕਾਰਨ ਤੁਹਾਡੀ ਫੇਸਟਾਈਮ ਕਾਲ ਨਾ ਚੁੱਕ ਸਕੇ ਤਾਂ ਤੁਸੀਂ ਉਨ੍ਹਾਂ ਲਈ ਆਪਣਾ ਵੀਡੀਓ ਜਾਂ ਆਡੀਓ ਰਿਕਾਰਡ ਕਰਕੇ ਵੀ ਭੇਜ ਸਕਦੇ ਹੋ।
- ਜੇਕਰ ਤੁਸੀਂ ਕਿਸੇ ਵੀਡੀਓ ਰਿਕਾਰਡ ਆਦਿ ਦੇ ਦੌਰਾਨ ਆਪਣੇ ਹੱਥਾਂ ਨਾਲ ਕੁਝ ਖ਼ਾਸ ਇਸ਼ਾਰੇ ਕਰਦੇ ਹੋ ਤਾਂ ਤੁਹਾਡੀ ਬੈਕਗਰਾਉਂਡ ਸਕਰੀਨ ''ਤੇ ਕੁਝ ਖ਼ਾਸ ਥ੍ਰੀਡੀ ਇਫੈਕਟ ਨਜ਼ਰ ਆਉਣਗੇ।
- ਏਅਰ ਡਰਾਪ ਦੇ ਨਵੇਂ ਫ਼ੀਚਰ ਨਾਲ ਤੁਸੀਂ ਮਹਿਜ਼ ਕਿਸੇ ਦੂਜੇ ਆਈਫੋਨ ਜਾਂ ਐਪਲ ਵਾਚ ਕੋਲ ਆਪਣਾ ਡਿਵਾਈਸ ਰੱਖ ਕੇ ਅਤੇ ਈਮੇਲ ਜਾਂ ਮੋਬਾਈਲ ਨੰਬਰ ਚੁਣ ਕੇ ਸਮੱਗਰੀ ਨੂੰ ਏਅਰ ਡਰਾਪ ਕਰ ਸਕਦੇ ਹੋ।
- ਇਸ ਦੇ ਨਾਲ ਹੀ ਹੁਣ ਸੰਵੇਦਨਸ਼ੀਲ ਸਮੱਗਰੀ ਨੂੰ ਲੈ ਕੇ ਸੁਰੱਖਿਆ ਵਧਾ ਦਿੱਤੀ ਗਈ ਹੈ। ਨਾਲ ਹੀ ਤੁਸੀਂ ਕਿਸੇ ਸੰਵੇਧਨਸ਼ੀਲ ਮੈਸੇਜ, ਫੋਟੋ ਜਾਂ ਵੀਡੀਓ ਆਦਿ ਨੂੰ ਬਲਰ ਕਰ ਸਕਦੇ ਹੋ।
ਚਾਰਜਰ ਵਿੱਚ ਬਦਲਾਅ
ਬੀਬੀਸੀ ਦੇ ਟੈਕਨੋਲੋਜੀ ਐਡੀਟਰ ਜ਼ੋਏ ਕਲੇਨਮੈਨ ਦੀ ਰਿਪੋਰਟ ਮੁਤਾਬਕ, ਇਸ ਵਾਰ ਆਈਫ਼ੋਨ ਦੇ ਚਾਰਜਿੰਗ ਕੇਬਲ ਵਿੱਚ ਬਦਲਾਅ ਦੇਖਣ ਨੂੰ ਮਿਲੇਗਾ।
ਇਸ ਵਾਰ ਆਈਫੋਨ ਦਾ ਚਾਰਜਰ USB-C (ਕੇਬਲ) ਵਾਲਾ ਹੋਵੇਗਾ।
ਵਰਤਮਾਨ ਵਿੱਚ ਆਈਫੋਨ ਦਾ ਚਾਰਜਰ ਲਾਈਟਨਿੰਗ ਕੇਬਲ ਵਾਲਾ ਹੁੰਦਾ ਹੈ, ਜਦਕਿ ਬਜ਼ਾਰ ''ਚ ਮੌਜੂਦ ਜ਼ਿਆਦਾਤਰ ਹੋਰ ਡਿਵਾਈਸਾਂ - ਜਿਨ੍ਹਾਂ ਵਿੱਚ ਕੁਝ ਐਪਲ ਦੇ ਵੀ ਹਨ, USB-C ਦੀ ਵਰਤੋਂ ਕਰਦੇ ਹਨ।
ਦੋਵੇਂ ਪ੍ਰਕਾਰ ਦੇ ਕੇਬਲ ''ਚ ਫਰਕ ਇਹ ਹੈ ਕਿ ਦੋਵੇਂ ਵੱਖ-ਵੱਖ ਆਕਾਰ ਹਨ।
ਦੱਸ ਦੇਈਏ ਕਿ ਯੂਰੋਪੀਅਨ ਸੰਘ ਦੇ ਇੱਕ ਕਾਨੂੰਨ ਮੁਤਾਬਕ, ਮੋਬਾਈਲ ਨਿਰਮਾਤਾ ਕੰਪਨੀਆਂ ਨੂੰ ਕਿਹਾ ਗਿਆ ਹੈ ਕਿ ਦਸੰਬਰ 2024 ਤੱਕ ਸਾਰੀਆਂ ਪੋਰਟੇਬਲ ਡਿਵਾਈਸਾਂ ਲਈ ਇੱਕੋਂ ਤਰ੍ਹਾਂ ਦੇ ਚਾਰਜਰ (ਕੇਬਲ) ਦਾ ਇਸਤੇਮਾਲ ਹੋਣਾ ਚਾਹੀਦਾ ਹੈ।
ਇਸ ਦਾ ਮੁੱਖ ਉਦੇਸ਼ ਉਪਭੋਗਤਾਵਾਂ ਦੇ ਪੈਸੇ ਬਚਾਉਣਾ ਹੈ।
(ਬੀਬੀਸੀ ਪੰਜਾਬੀ ਨਾਲ , , ਅਤੇ ''ਤੇ ਜੁੜੋ।)
ਜੇਕਰ ਤੁਹਾਨੂੰ ਇੱਕ ਸਾਲ ਲਈ ਪੁਲਾੜ ਰਹਿਣਾ ਪੈ ਜਾਵੇ ਤਾਂ ਤੁਹਾਡੇ ਸਰੀਰ ’ਚ ਕੀ ਬਦਲਾਅ ਆ ਸਕਦੇ ਹਨ
NEXT STORY 
