ਭੁਵਨੇਸ਼ਵਰ : ਨੈਸ਼ਨਲ ਐਲੂਮੀਨੀਅਮ ਕੰਪਨੀ ਲਿਮਿਟੇਡ (ਨਾਲਕੋ) ਦੀ ਵਿਕਰੀ ਪਿਛਲੇ ਵਿੱਤੀ ਸਾਲ 2021-22 ਵਿੱਚ ਹੁਣ ਤੱਕ ਦੀ ਸਭ ਤੋਂ ਵੱਧ 14,181 ਕਰੋੜ ਰੁਪਏ ਸੀ। ਇਸ ਦੌਰਾਨ ਕੰਪਨੀ ਦਾ ਮੁਨਾਫ਼ਾ ਵੀ ਰਿਕਾਰਡ 2,952 ਕਰੋੜ ਰੁਪਏ ਰਿਹਾ। ਕੰਪਨੀ ਦੇ ਇੱਕ ਅਧਿਕਾਰੀ ਨੇ ਜਾਣਕਰੀ ਦਿੰਦੇ ਹੋਏ ਕਿਹਾ ਕਿ ਨਾਲਕੋ ਦੇ ਓਡੀਸ਼ਾ ਸਥਿਤ PSU ਨੇ ਵੀ ਰਿਕਾਰਡ 4,60,000 ਟਨ ਐਲੂਮੀਨੀਅਮ ਕਾਸਟ ਮੈਟਲ ਦਾ ਉਤਪਾਦਨ ਕੀਤਾ ਹੈ। ਇਸ ਦੇ ਚਾਲੂ ਹੋਣ ਤੋਂ ਬਾਅਦ ਉੱਦਮ ਨੇ ਪਹਿਲੀ ਵਾਰ ਆਪਣੇ ਪਲਾਂਟ ਦੀ 100 ਫ਼ੀਸਦੀ ਸਮਰੱਥਾ ਪ੍ਰਾਪਤ ਕੀਤੀ ਹੈ।
22 ਸਤੰਬਰ ਨਾਲਕੋ ਦੇ ਮੈਨੇਜਿੰਗ ਡਾਇਰੈਕਟਰ ਸ੍ਰੀਧਰ ਪਾਤਰਾ ਨੇ ਕੰਪਨੀ ਦੀ ਸਾਲਾਨਾ ਆਮ ਮੀਟਿੰਗ (ਏਜੀਐਮ) ਵਿੱਚ ਸ਼ੇਅਰਧਾਰਕਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਵਿੱਤੀ ਸਾਲ 2021-22 ਐਲੂਮੀਨੀਅਮ ਨਿਰਮਾਤਾ ਲਈ ਇਤਿਹਾਸਕ ਸਾਲ ਰਿਹਾ ਹੈ। ਉਸਨੇ ਕਿਹਾ, “ਪਿਛਲੇ ਵਿੱਤੀ ਸਾਲ 2021-22 ਵਿੱਚ ਨਾਲਕੋ ਦੀ ਵਿਕਰੀ ਹੁਣ ਤੱਕ ਦੀ ਸਭ ਤੋਂ ਵੱਧ 14,181 ਕਰੋੜ ਰੁਪਏ ਸੀ। ਇਸ ਦੌਰਾਨ ਕੰਪਨੀ ਦਾ ਮੁਨਾਫ਼ਾ ਵੀ ਰਿਕਾਰਡ 2,952 ਕਰੋੜ ਰੁਪਏ ਰਿਹਾ।
ਪਾਤਰਾ ਨੇ ਕਿਹਾ ਕਿ ਕੱਚੇ ਮਾਲ ਦੀ ਮਹਿੰਗਾਈ, ਕੋਲਾ ਸੰਕਟ ਅਤੇ ਐੱਲ.ਐੱਮ.ਈ. (ਲੰਡਨ ਮੈਟਲ ਐਕਸਚੇਂਜ) ਦੀਆਂ ਕੀਮਤਾਂ ਵਿੱਚ ਅਨਿਸ਼ਚਿਤਤਾ ਦੇ ਦਬਾਅ ਦੇ ਬਾਵਜੂਦ ਕੰਪਨੀ ਦੁਨੀਆ ਵਿੱਚ ਬਾਕਸਾਈਡ ਅਤੇ ਐਲੂਮਿਨਾ ਦੀ ਸਭ ਤੋਂ ਘੱਟ ਲਾਗਤ ਉਤਪਾਦਕ ਹੋਣ ਦੀ ਸਥਿਤੀ ਨੂੰ ਬਰਕਰਾਰ ਰੱਖਣ ਵਿੱਚ ਸਮਰੱਥ ਹੈ। ਮੀਟਿੰਗ ਵਿੱਚ 130 ਫੀਸਦੀ ਭਾਵ 1.50 ਰੁਪਏ ਪ੍ਰਤੀ ਸ਼ੇਅਰ ਦੇ ਅੰਤਮ ਲਾਭਅੰਸ਼ ਨੂੰ ਵੀ ਪ੍ਰਵਾਨਗੀ ਦਿੱਤੀ ਗਈ।
ਜੁਲਾਈ 'ਚ EPFO 'ਚ 10 ਲੱਖ ਤੋਂ ਜ਼ਿਆਦਾ ਕਰਮਚਾਰੀ ਸ਼ਾਮਲ
NEXT STORY 
