ਸੋਲਨ (ਬਿਊਰੋ)– ਟਮਾਟਰਾਂ ਤੋਂ ਬਾਅਦ ਹੁਣ ਸੇਬ ਨੇ ਵੀ ਆਸਮਾਨ ਛੂਹਣਾ ਸ਼ੁਰੂ ਕਰ ਦਿੱਤਾ ਹੈ। ਮੀਂਹ ਤੋਂ ਬਾਅਦ ਖ਼ਰਾਬ ਹੋ ਰਹੀਆਂ ਫ਼ਸਲਾਂ ਦੇ ਕਾਰਨ ਸਬਜ਼ੀਆਂ ਤੇ ਫਲਾਂ ਦੀਆਂ ਕੀਮਤਾਂ ਕਾਫ਼ੀ ਵਧ ਗਈਆਂ ਹਨ। ਟਮਾਟਰ ਜਿਥੇ ਸੈਂਕੜਾ ਲਗਾ ਕੇ ਅੱਗੇ ਵਧ ਚੁੱਕਾ ਹੈ, ਉਥੇ ਹੁਣ ਸੇਬ ਇਸ ਤੋਂ ਕਿਤੇ ਅੱਗੇ ਨਿਕਲਣ ਦੀ ਤਿਆਰੀ ’ਚ ਹੈ। ਸੋਮਵਾਰ ਨੂੰ ਨੇਰਵਾ ਚੌਪਾਲ ਤੋਂ ਸੇਬ ਲੈ ਕੇ ਪਹੁੰਚੇ ਬਾਗਬਾਨ ਦਾ ਸੇਬ 4000 ਰੁਪਏ ਪ੍ਰਤੀ ਪੇਟੀ ਵਿਕਿਆ।
ਇਹ ਵੀ ਪੜ੍ਹੋ : 1 ਤੋਂ 15 ਜੁਲਾਈ ਤੱਕ ਦੇਸ਼ ’ਚ ਘਟੀ ਪੈਟਰੋਲ-ਡੀਜ਼ਲ ਦੀ ਮੰਗ, ਜਾਣੋ ਕੀ ਹੈ ਮੁੱਖ ਵਜ੍ਹਾ
ਇਸ ਤੋਂ ਇਲਾਵਾ ਹੁਣ ਸ਼ਿਮਲਾ ਮਿਰਚ ਵੀ ਸੈਂਕੜਾ ਲਗਾਉਣ ਲਈ ਲਗਾਤਾਰ ਉੱਚਾਈ ਛੂਹ ਰਹੀ ਹੈ। ਸੋਮਵਾਰ ਨੂੰ ਸ਼ਿਮਲਾ ਮਿਰਚ 90 ਰੁਪਏ ਕਿਲੋ ਤੱਕ ਵਿਕੀ। ਦੇਸ਼ ਭਰ 'ਚ ਸਬਜ਼ੀਆਂ ਦੀ ਹੋ ਰਹੀ ਕਮੀ ਕਾਰਨ ਮੰਗ 'ਚ ਲਗਾਤਾਰ ਵਾਧਾ ਹੋ ਰਿਹਾ ਹੈ, ਜਿਸ ਕਾਰਨ ਹੁਣ ਸਬਜ਼ੀਆਂ ਦੀਆਂ ਕੀਮਤਾਂ ਰਿਕਾਰਡ ਪੱਧਰ 'ਤੇ ਪਹੁੰਚ ਰਹੀਆਂ ਹਨ। ਫਲਾਂ ਨੇ ਵੀ ਨਵੇਂ ਰਿਕਾਰਡ ਕਾਇਮ ਕਰਨੇ ਸ਼ੁਰੂ ਕਰ ਦਿੱਤੇ ਹਨ। ਸੋਲਨ ਸਬਜ਼ੀ ਮੰਡੀ ਦੀ ਗੱਲ ਕਰੀਏ ਤਾਂ ਇੱਥੇ ਸਬਜ਼ੀਆਂ ਅਤੇ ਸੇਬ ਖਰੀਦਣ ਲਈ ਦੇਸ਼ ਭਰ ਤੋਂ ਖੇਪਾਂ ਪੁੱਜੀਆਂ ਹਨ। ਇਸੇ ਕਰਕੇ ਇੱਥੇ ਫ਼ਸਲਾਂ ਦੇ ਭਾਅ ਹੋਰਨਾਂ ਮੰਡੀਆਂ ਦੇ ਮੁਕਾਬਲੇ ਵਧੀਆ ਮਿਲ ਰਹੇ ਹਨ।
ਇਹ ਵੀ ਪੜ੍ਹੋ : HDFC ਨੇ ਬੈਂਕ ਆਫ ਚਾਈਨਾ ਨੂੰ ਪਛਾੜਿਆ, ਇਸ ਮਾਮਲੇ 'ਚ ਦੁਨੀਆ ਦਾ 7ਵਾਂ ਸਭ ਤੋਂ ਵੱਡਾ ਬੈਂਕ ਬਣਿਆ
ਭਾਰੀ ਬਰਸਾਤ ਹੋਣ ਤੋਂ ਬਾਅਦ ਟਮਾਟਰ ਫਟ ਕੇ ਖ਼ਰਾਬ ਹੋ ਰਹੇ ਹਨ, ਜਿਸ ਕਾਰਨ ਖ਼ਰਾਬ ਟਮਾਟਰ ਵੀ ਮੰਡੀ ਵਿੱਚ ਪਹੁੰਚ ਰਹੇ ਹਨ। ਸੋਮਵਾਰ ਨੂੰ ਚੰਗੇ ਟਮਾਟਰਾਂ ਦੀ ਕੀਮਤ 2700 ਰੁਪਏ ਪ੍ਰਤੀ ਕਰੇਟ ਤੱਕ ਰਹੀ ਪਰ ਮੀਂਹ ਨਾਲ ਤਬਾਹ ਹੋਏ ਟਮਾਟਰ 300 ਤੋਂ 500 ਰੁਪਏ ਪ੍ਰਤੀ ਕਰੇਟ 'ਚ ਵਿਕ ਸਕਿਆ। ਇਸ ਕਾਰਨ ਹੁਣ ਟਮਾਟਰ ਉਤਪਾਦਕਾਂ ਨੂੰ ਭਾਰੀ ਨੁਕਸਾਨ ਝੱਲਣਾ ਪੈ ਰਿਹਾ ਹੈ।
ਇਹ ਵੀ ਪੜ੍ਹੋ : ਮਸਕ ਦੀ ਲੀਡਰਸ਼ਿਪ ’ਚ ਟਵਿੱਟਰ ’ਚੋਂ ਨਿਕਲਿਆ ਦਮ, ਰੈਵੇਨਿਊ ਅੱਧਾ ਹੋਣ ਨਾਲ ਚੜ੍ਹਿਆ ਭਾਰੀ ਕਰਜ਼ਾ
ਰੋਜ਼ਾਨਾ ਹੋ ਰਹੀ ਬਰਸਾਤ ਕਾਰਨ ਟਮਾਟਰ ਵਿੱਚ ਸੜਨ ਰੋਗ ਅਤੇ ਫ਼ਟਣ ਦੀ ਸਮੱਸਿਆ ਦਿਨੋਂ-ਦਿਨ ਵਧਦੀ ਜਾ ਰਹੀ ਹੈ। ਇਸ ਕਾਰਨ ਖੇਤਾਂ ਵਿੱਚ ਖੜ੍ਹੀ ਫ਼ਸਲ ਤਬਾਹ ਹੋ ਰਹੀ ਹੈ। ਇਸ ਤੋਂ ਇਲਾਵਾ ਸ਼ਿਮਲਾ ਮਿਰਚ ਦੀਆਂ ਕੀਮਤਾਂ 'ਚ ਵੀ ਉਛਾਲ ਦੇਖਣ ਨੂੰ ਮਿਲਿਆ ਹੈ। ਇਕ ਦਿਨ ਪਹਿਲਾਂ ਜੋ ਸ਼ਿਮਲਾ ਮਿਰਚ 50 ਤੋਂ 70 ਰੁਪਏ ਕਿਲੋ ਵਿਕ ਰਿਹਾ ਸੀ, ਉਹ ਸੋਮਵਾਰ ਨੂੰ 90 ਰੁਪਏ ਪ੍ਰਤੀ ਕਿਲੋ ਤੱਕ ਵਿਕਿਆ। ਇਸ ਤੋਂ ਇਲਾਵਾ ਫਰੈਂਚ ਬੀਨ 25 ਤੋਂ 50 ਰੁਪਏ, ਗੋਭੀ 8 ਤੋਂ 14 ਰੁਪਏ, ਗੋਭੀ 15 ਤੋਂ 40 ਰੁਪਏ, ਹਰਾ ਧਨੀਆ 50 ਤੋਂ 60 ਰੁਪਏ, ਕੱਦੂ 15 ਤੋਂ 20 ਰੁਪਏ, ਬੈਂਗਣ 35 ਤੋਂ 40 ਰੁਪਏ, ਖੀਰਾ 15 ਤੋਂ 20 ਰੁਪਏ ਪ੍ਰਤੀ ਕਿਲੋ ਦੇ ਹਿਸਾਬ ਨਾਲ ਵਿੱਕ ਰਿਹਾ ਹੈ।
ਇਹ ਵੀ ਪੜ੍ਹੋ : Air India ਦੀ ਫਲਾਈਟ 'ਚ ਯਾਤਰੀ ਨੇ ਕੀਤਾ ਹੰਗਾਮਾ, ਟਾਇਲਟ 'ਚ ਸਿਗਰਟ ਪੀਣ ਮਗਰੋਂ ਤੋੜਿਆ ਦਰਵਾਜ਼ਾ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਰਿਲਾਇੰਸ ਇੰਡਸਟ੍ਰੀਜ਼ ਦਾ ਇਕ ਹੋਰ ਵੱਡਾ ਨਿਵੇਸ਼, ਖ਼ਰੀਦਣ ਜਾ ਰਹੀ ਆਲੀਆ ਭੱਟ ਦੀ ਕੰਪਨੀ
NEXT STORY 
