ਨਵੀਂ ਦਿੱਲੀ/ਮੁੰਬਈ— ਬੋਇੰਗ 737-ਮੈਕਸ ਜਹਾਜ਼ਾਂ ਦੀ ਗ੍ਰਾਊਂਡਿੰਗ ਹੋਣ ਅਤੇ ਕਈ ਹੋਰ ਕਾਰਨਾਂ ਦੇ ਮੱਦੇਨਜ਼ਰ ਫਲਾਈਟਾਂ ਦੀ ਗਿਣਤੀ ਸੀਮਤ ਹੋਣ ਕਾਰਨ ਹਵਾਈ ਮੁਸਾਫਰਾਂ ਨੂੰ ਭਾਰੀ ਮੁਸ਼ਕਲ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇੰਡਸਟਰੀ ਸੂਤਰਾਂ ਮੁਤਾਬਕ, ਕੁਝ ਪ੍ਰਮੁੱਖ ਮਾਰਗਾਂ 'ਤੇ ਅੰਤਿਮ ਮਿੰਟ ਦੀ ਬੁਕਿੰਗ 100 ਫੀਸਦੀ ਮਹਿੰਗੀ ਹੋ ਗਈ ਹੈ। ਸੀਟਾਂ ਦੀ ਕਮੀ ਕਾਰਨ ਰਾਤੋ-ਰਾਤ ਕਿਰਾਇਆਂ 'ਚ ਵਾਧਾ ਹੋਇਆ ਹੈ।
ਦਿੱਲੀ-ਮੁੰਬਈ, ਮੁੰਬਈ-ਚੇਨਈ, ਮੁੰਬਈ-ਕੋਲਕਾਤਾ ਅਤੇ ਮੁੰਬਈ-ਬੇਂਗਲੁਰੂ ਵਰਗੇ ਕੁਝ ਵੱਡੀ ਭੀੜ ਵਾਲੇ ਪ੍ਰਮੁੱਖ ਮਾਰਗਾਂ 'ਤੇ ਬੁੱਧਵਾਰ ਨੂੰ ਅੰਤਿਮ ਮਿੰਟ ਦੇ ਕਿਰਾਏ 'ਚ ਪਿਛਲੇ ਸਾਲ ਦੀ ਤੁਲਨਾ 'ਚ 100 ਫੀਸਦੀ ਦਾ ਵਾਧਾ ਦਰਜ ਹੋਇਆ। ਮੁੰਬਈ-ਚੇਨਈ ਦਾ ਕਿਰਾਇਆ ਵੱਧ ਕੇ 26,073 ਰੁਪਏ 'ਤੇ ਰਿਹਾ, ਜੋ ਪਿਛਲੇ ਸਾਲ ਇਸ ਦੌਰਾਨ 5,369 ਰੁਪਏ ਸੀ। ਮਾਹਰਾਂ ਦਾ ਕਹਿਣਾ ਹੈ ਕਿਰਾਇਆਂ 'ਚ ਵਾਧੇ ਦਾ ਇਹ ਦੌਰ ਜਾਰੀ ਰਹਿਣ ਦੀ ਸੰਭਾਵਨਾ ਹੈ ਕਿਉਂਕਿ ਹੋਲੀ ਅਤੇ ਗਰਮੀਆਂ 'ਚ ਸਕੂਲਾਂ ਦੀਆਂ ਛੁੱਟੀਆਂ ਸਮੇਂ ਹਵਾਈ ਯਾਤਰਾ ਦੀ ਮੰਗ 'ਚ ਉਛਾਲ ਦਰਜ ਹੋਵੇਗਾ।
ਬੋਇੰਗ-737 ਮੈਕਸ ਦਾ ਅਸਰ-
14 ਮਾਰਚ ਲਈ ਮੁੰਬਈ-ਦਿੱਲੀ ਦੀ ਟਿਕਟ 13,495 ਰੁਪਏ 'ਚ ਵਿਕੀ, ਜੋ ਪਿਛਲੇ ਸਾਲ ਦੀ ਤੁਲਨਾ 'ਚ ਦੁੱਗਣੀ ਮਹਿੰਗੀ ਹੈ। ਬੋਇੰਗ-737 ਮੈਕਸ 'ਤੇ ਪਾਬੰਦੀ ਨਾਲ ਸਪਾਈਸ ਜੈੱਟ ਸਭ ਤੋਂ ਵੱਧ ਪ੍ਰਭਾਵਿਤ ਹੋਈ ਹੈ, ਭਾਰਤ 'ਚ ਉਸ ਕੋਲ ਇਸ ਮਾਡਲ ਦੇ 12 ਜਹਾਜ਼ ਹਨ। ਉੱਥੇ ਹੀ, ਜੈੱਟ ਏਅਰਵੇਜ਼ ਕੋਲ 5 ਬੋਇੰਗ-737 ਮੈਕਸ ਹਨ। ਇਹ 17 ਜਹਾਜ਼ ਤਾਂ ਖੜ੍ਹੇ ਹੀ ਹਨ ਪਰ ਇਨ੍ਹਾਂ ਦੇ ਇਲਾਵਾ ਵੀ ਜੈੱਟ ਏਅਰਵੇਜ਼ ਦੇ ਕਈ ਜਹਾਜ਼ ਉਡਾਣ ਨਹੀਂ ਭਰ ਰਹੇ ਹਨ। ਵਿੱਤੀ ਸੰਕਟ ਕਾਰਨ ਜੈੱਟ ਏਅਰਵੇਜ਼ 37 ਜਹਾਜ਼ ਖੜ੍ਹੇ ਦੱਸ ਰਹੀ ਹੈ ਪਰ ਸੂਤਰਾਂ ਮੁਤਾਬਕ ਉਸ ਦੇ ਘੱਟੋ-ਘੱਟ 50 ਜਹਾਜ਼ ਜ਼ਮੀਨ 'ਤੇ ਹੀ ਹਨ। ਇਸ ਦੇ ਇਲਾਵਾ ਕੁਝ ਸਮੇਂ ਲਈ ਏਅਰ ਇੰਡੀਆ ਨੇ ਤਕਨੀਕੀ ਕਾਰਨਾਂ ਕਰਕੇ 17 ਜਹਾਜ਼ਾਂ ਨੂੰ ਖੜ੍ਹੇ ਕੀਤਾ ਹੈ। ਜ਼ਿਕਰਯੋਗ ਹੈ ਕਿ ਬੋਇੰਗ 737 ਮੈਕਸ ਜਹਾਜ਼ਾਂ ਨੂੰ ਜ਼ਮੀਨ 'ਤੇ ਉਤਾਰਨ ਦਾ ਹੁਕਮ ਦਿੱਤੇ ਜਾਣ ਤੋਂ ਬਾਅਦ ਬੁੱਧਵਾਰ ਨੂੰ ਸਰਕਾਰ ਨੇ ਹਵਾਈ ਜਹਾਜ਼ ਕੰਪਨੀਆਂ ਨੂੰ ਕਿਰਾਏ ਨਾ ਵਧਾਉਣ ਦੀ ਸਲਾਹ ਦਿੱਤੀ ਸੀ।
ਚਾਂਦੀ 410 ਰੁਪਏ ਸਸਤੀ, ਸੋਨਾ 15 ਰੁਪਏ ਫਿਸਲਿਆ
NEXT STORY 
