ਨਵੀਂ ਦਿੱਲੀ - ਐਮਾਜ਼ੋਨ ਨੇ ਆਪਣੇ ਭਾਰਤੀ ਗਾਹਕਾਂ ਨੂੰ ਵੱਡਾ ਝਟਕਾ ਦਿੱਤਾ ਹੈ। ਦਰਅਸਲ ਐਮਾਜ਼ੋਨ ਹੁਣ ਭਾਰਤ ਵਿਚ ਮਾਸਿਕ ਪ੍ਰਾਈਮ ਮੈਂਬਰਸ਼ਿਪ ਦੀ ਪੇਸ਼ਕਸ਼ ਨਹੀਂ ਕਰੇਗਾ। ਕੰਪਨੀ ਹੁਣ ਸਿਰਫ ਤਿੰਨ ਮਹੀਨੇ ਜਾਂ ਸਾਲਾਨਾ ਪ੍ਰਾਈਮ ਮੈਂਬਰਸ਼ਿਪ ਹੀ ਮੁਹੱਈਆ ਕਰਵਾਏਗੀ। ਐਮਾਜ਼ੋਨ ਪ੍ਰਾਈਮ ਸਬਸਕ੍ਰਿਪਸ਼ਨ 129 ਰੁਪਏ ਪ੍ਰਤੀ ਮਹੀਨਾ ਤੋਂ ਸ਼ੁਰੂ ਹੁੰਦੀ ਹੈ, ਪਰ ਇਹ ਸ਼ੁਰੂਆਤੀ ਪੈਕ ਰਿਜ਼ਰਵ ਬੈਂਕ ਆਫ ਇੰਡੀਆ (ਆਰਬੀਆਈ) ਦੇ ਨਵੇਂ ਆਦੇਸ਼ ਦੀ ਪਾਲਣਾ ਕਰਨ ਲਈ ਰੱਦ ਕੀਤਾ ਗਿਆ ਹੈ।
ਦਰਅਸਲ ਆਰ.ਬੀ.ਆਈ. ਦੇ ਨਵੇਂ ਦਿਸ਼ਾ-ਨਿਰਦੇਸ਼ਾਂ ਵਿਚ ਬੈਂਕਾਂ ਅਤੇ ਵਿੱਤੀ ਸੰਸਥਾਵਾਂ ਨੂੰ ਆਨਲਾਈਨ ਟ੍ਰਾਂਜੈਕਸ਼ਨਾਂ ਦੀ ਪ੍ਰਕਿਰਿਆ ਕਰਨ ਲਈ ਇਕ ਵਾਧੂ ਫੈਕਟਰ ਟੂ ਆਥੇਂਟਿਕੇਸ਼ਨ (ਏ.ਐੱਫ.ਏ.) ਲਾਗੂ ਕਰਨ ਲਈ ਕਿਹਾ ਗਿਆ ਹੈ। ਇਸ ਨਵੇਂ ਆਰਡਰ ਨੂੰ ਲਾਗੂ ਕਰਨ ਦੀ ਆਖਰੀ ਮਿਤੀ 30 ਸਤੰਬਰ ਨਿਰਧਾਰਤ ਕੀਤੀ ਗਈ ਹੈ।
ਇਹ ਵੀ ਪੜ੍ਹੋ : ਭਾਰਤ ਦੀ ਮਦਦ ਲਈ ਅੱਗੇ ਆਏ ਇਹ ਵਿਦੇਸ਼ੀ ਨੌਜਵਾਨ, ਕੀਤੇ 1 ਅਰਬ ਡਾਲਰ ਦਾਨ
ਐਮਾਜ਼ੋਨ ਪ੍ਰਾਈਮ ਫ੍ਰੀ ਟ੍ਰਾਇਲ ਵੀ ਬੰਦ
ਐਮਾਜ਼ੋਨ ਪ੍ਰਾਈਮ ਸਬਸਕ੍ਰਿਪਸ਼ਨ ਦੇ ਮਹੀਨੇਵਾਰ ਸਬਸਕ੍ਰਿਪਸ਼ਨ ਦੇ ਰਿਮੂਵਲ ਨੂੰ ਦਿਖਾਉਣ ਲਈ ਐਮਾਜ਼ੋਨ ਨੇ ਆਪਣੇ ਸਪੋਰਟ ਪੇਜ਼ ਨੂੰ ਅਪਡੇਟ ਕੀਤਾ ਹੈ। ਇਸ ਤੋਂ ਇਲਾਵਾ 27 ਅਪ੍ਰੈਲ ਤੋਂ ਐਮਾਜ਼ੋਨ ਨੇ ਐਮਾਜ਼ਾਨ ਪ੍ਰਾਈਮ ਫ੍ਰੀ ਟ੍ਰਾਇਲ ਲਈ ਅਸਥਾਈ ਤੌਰ 'ਤੇ ਨਵੇਂ ਮੈਂਬਰ ਸਾਈਨ-ਅਪ ਕਰਨੇ ਬੰਦ ਕਰ ਦਿੱਤੇ ਹਨ। ਇਸ ਸਮੇਂ ਜੇ ਕੋਈ ਉਪਭੋਗਤਾ ਐਮਾਜ਼ੋਨ ਪ੍ਰਾਈਮ ਮੈਂਬਰਸ਼ਿਪ ਖਰੀਦਣਾ ਜਾਂ ਨਵੀਨੀਕਰਣ ਕਰਨਾ ਚਾਹੁੰਦਾ ਹੈ, ਤਾਂ ਉਹ ਸਿਰਫ ਤਿੰਨ ਮਹੀਨੇ ਜਾਂ ਸਾਲਾਨਾ ਸਬਕ੍ਰਿਪਸ਼ਨ ਹੀ ਖਰੀਦ ਸਕਦਾ ਹੈ। ਐਮਾਜ਼ੋਨ ਪ੍ਰਾਈਮ ਲਈ ਤਿੰਨ ਮਹੀਨਿਆਂ ਦੀ ਗਾਹਕੀ ਦੀ ਕੀਮਤ 329 ਰੁਪਏ ਹੈ ਅਤੇ ਸਾਲਾਨਾ ਗਾਹਕੀ ਪ੍ਰਤੀ ਸਾਲ 999 ਰੁਪਏ ਹੈ।
ਇਹ ਵੀ ਪੜ੍ਹੋ : ਇਟਲੀ ਨੇ ਗੂਗਲ 'ਤੇ ਠੋਕਿਆ 904 ਕਰੋੜ ਰੁਪਏ ਦਾ ਜੁਰਮਾਨਾ, ਕਿਹਾ- ਨਹੀਂ ਚੱਲੇਗੀ ਮਨਮਾਨੀ
ਰਿਜ਼ਰਵ ਬੈਂਕ ਨੇ ਅਗਸਤ 2019 ਵਿਚ ਕੀਤੀ ਸੀ ਫਰੇਮਵਰਕ ਦੀ ਘੋਸ਼ਣਾ
ਰਿਜ਼ਰਵ ਬੈਂਕ ਦੇ ਨਵੇਂ ਢਾਂਚੇ ਦੀ ਸ਼ੁਰੂਆਤ ਅਸਲ ਵਿਚ ਅਗਸਤ 2019 ਵਿਚ ਕੀਤੀ ਗਈ ਸੀ ਅਤੇ ਇਸ ਸਾਲ ਬੈਂਕਾਂ ਅਤੇ ਵਿੱਤੀ ਸੰਸਥਾਵਾਂ ਲਈ ਇਸ ਸਾਲ 30 ਸਤੰਬਰ ਲਈ ਇੱਕ ਐਕਸਟੈਡਿਡ ਡੈੱਡਲਾਈਨ ਨਿਰਧਾਰਤ ਕੀਤੀ ਗਈ ਹੈ। ਇਹ ਸਮਾਂ ਸੀਮਾ 'ਗਾਹਕਾਂ ਨੂੰ ਕਿਸੇ ਕਿਸਮ ਦੀ ਪ੍ਰੇਸ਼ਾਨੀ ਨੂੰ ਰੋਕਣ' ਲਈ ਵਧਾ ਦਿੱਤੀ ਗਈ ਸੀ।
ਸ਼ੁਰੂਆਤ ਵਿਚ ਆਰ.ਬੀ.ਆਈ. ਨੇ ਸਾਲ 2019 ਵਿਚ 2 ਹਜ਼ਾਰ ਰੁਪਏ ਤੱਕ ਦੇ ਰਿਕਰਿੰਗ ਲੈਣ-ਦੇਣ ਲਈ ਏ.ਐਫ.ਏ. ਦੀ ਤਾਇਨਾਤੀ ਦਾ ਢਾਂਚਾ ਜਾਰੀ ਕੀਤਾ। ਹਾਲਾਂਕਿ, ਪਿਛਲੇ ਸਾਲ ਦਸੰਬਰ ਵਿਚ ਇਸ ਨਿਯਮ ਨੂੰ ਪ੍ਰਤੀ ਟ੍ਰਾਂਜੈਕਸ਼ਨ 5000 ਰੁਪਏ ਦੀ ਸੀਮਾ ਤੱਕ ਵਧਾ ਦਿੱਤਾ ਗਿਆ ਸੀ।
ਉਸ ਕੱਟ-ਆਫ ਤੋਂ ਉੱਪਰ ਦੇ ਲੈਣ-ਦੇਣ ਲਈ ਇਕ ਵਾਧੂ ਵਨ-ਟਾਈਮ ਪਾਸਵਰਡ (OTP) ਦੀ ਜ਼ਰੂਰਤ ਹੋਏਗੀ। ਆਰ.ਬੀ.ਆਈ. ਨੇ ਇਹ ਵੀ ਚਿਤਾਵਨੀ ਦਿੱਤੀ ਹੈ ਕਿ ਵਧਾਈ ਗਈ ਸਮਾਂ ਸੀਮਾ ਤੋਂ ਬਾਹਰ ਬਣਤਰ ਦੀ ਪੂਰੀ ਪਾਲਣਾ ਨੂੰ ਯਕੀਨੀ ਬਣਾਉਣ ਲਈ ਹੋਰ ਦੇਰੀ ਲਈ ਸਖਤ ਨਿਗਰਾਨੀ ਕਾਰਵਾਈ ਕੀਤੀ ਜਾਵੇਗੀ।
ਇਹ ਵੀ ਪੜ੍ਹੋ : ਕੋਵਿਡ ਟੀਕੇ ਦੀ ਭਾਰੀ ਕਮੀ ਤੇ ਲਾਜ਼ਮੀ ਲਾਇਸੈਂਸ ਦੀ ਦਿਸ਼ਾ ਵਿਚ ਇਕਪਾਸੜ ਕਾਰਵਾਈ ਤੋਂ ਬਚਿਆ ਜਾਵੇ : FICCI
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਕੋਰੋਨਾ ਖ਼ਿਲਾਫ਼ ਜੰਗ 'ਚ Airtel ਵੀ ਆਈ ਅੱਗੇ, ਇਸ ਨਵੀਂ ਪਹਿਲ ਦੀ ਕੀਤੀ ਸ਼ੁਰੂਆਤ
NEXT STORY 
