ਵਾਸ਼ਿੰਗਟਨ-ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਉਨ੍ਹਾਂ ਦੇ ਚੀਨੀ ਹਮਅਹੁਦਾ ਸ਼ੀ ਜਿਨਪਿੰਗ ਵਿਚਕਾਰ ਹੋਣ ਵਾਲੀ ਬੈਠਕ ਤੋਂ ਪਹਿਲਾਂ ਅਮਰੀਕਾ ਨੇ ਆਪਣੀ ਇਕ ਨਵੀਂ ਰਿਪੋਰਟ ’ਚ ਕਿਹਾ ਹੈ ਕਿ ਚੀਨ ਨੇ ਬਾਜ਼ਾਰ ਨੂੰ ਤਬਾਹ ਕਰਨ ਵਾਲੀਅਾਂ ਆਪਣੀਅਾਂ ‘ਅਣਉਚਿਤ ਅਤੇ ਅਣ-ਅਧਿਕਾਰਤ’ ਵਪਾਰਕ ਗਤੀਵਿਧੀਅਾਂ ਨੂੰ ਨਹੀਂ ਬਦਲਿਅਾ ਹੈ। ਜ਼ਿਕਰਯੋਗ ਹੈ ਕਿ ਵਿਸ਼ਵ ਦੀਅਾਂ 2 ਪ੍ਰਮੁੱਖ ਅਰਥਵਿਵਸਥਾਵਾਂ ਦਰਮਿਆਨ ਵਪਾਰ ਸਬੰਧੀ ਤਣਾਅ ਬਣਿਅਾ ਹੋਇਅਾ ਹੈ। ਇਸ ਨਾਲ ਕੌਮਾਂਤਰੀ ਪੱਧਰ ’ਤੇ ਵਪਾਰ ਜੰਗ ਛਿੜਨ ਦੀ ਸੰਭਾਵਨਾ ਲੰਮੇ ਸਮੇਂ ਤੋਂ ਬਣੀ ਹੋਈ ਹੈ। ਦੋਵਾਂ ਦੇਸ਼ਾਂ ਦੀ ਅਗਵਾਈ ’ਚ ਬਿਊਨਸ ਆਇਰਸ ’ਚ ਬੈਠਕ ਹੋਣੀ ਹੈ। ਦੋਵੇਂ ਅਰਜਨਟੀਨਾ ਦੇ ਇਸ ਸ਼ਹਿਰ ’ਚ ਉਥੇ 30 ਨਵੰਬਰ ਤੋਂ 1 ਦਸੰਬਰ ਦੌਰਾਨ ਹੋਣ ਵਾਲੇ ਜੀ-20 ਸ਼ਿਖਰ ਸੰਮੇਲਨ ਦੌਰਾਨ ਅਲੱਗ ਤੋਂ ਬੈਠਕ ਕਰਨਗੇ। ਜੀ-20 ਸ਼ਿਖਰ ਸੰਮੇਲਨ ਦੀ ਬੈਠਕ ਤੋਂ ਪਹਿਲਾਂ ਅਮਰੀਕੀ ਵਪਾਰ ਪ੍ਰਤੀਨਿਧੀ (ਯੂ . ਐੱਸ. ਟੀ. ਆਰ.) ਦੇ ਦਫਤਰ ਨੇ ਆਪਣੀ ਨਵੀਂ ਰਿਪੋਰਟ ਦੀ ਧਾਰਾ 301 ਜਾਂਚ ’ਚ ਟੈਕਨਾਲੋਜੀ ਟਰਾਂਸਫਰ, ਇਨੋਵੇਸ਼ਨ ਨਾਲ ਜੁਡ਼ੀਅਾਂ ਚੀਨ ਦੀਆਂ ਨੀਤੀਆਂ, ਗਤੀਵਿਧੀਅਾਂ ਅਤੇ ਕਾਰੋਬਾਰ ਨੂੰ ਲੈ ਕੇ ਨਵੀਂ ਜਾਣਕਾਰੀ ਦਿੱਤੀ ਹੈ।
ਯਾਤਰੀ ਵਾਹਨਾਂ ਦੀ ਵਿਕਰੀ ਘਟੀ
NEXT STORY 
