ਨਵੀਂ ਦਿੱਲੀ - ਦੂਰਸੰਚਾਰ ਵਿਭਾਗ (ਡੀ.ਓ.ਟੀ.) ਜਲਦੀ ਹੀ 5 ਜੀ ਸਪੈਕਟ੍ਰਮ ਦੀ ਨਿਲਾਮੀ ਲਈ ਭਾਰਤੀ ਦੂਰਸੰਚਾਰ ਰੈਗੂਲੇਟਰੀ ਅਥਾਰਟੀ (ਟ੍ਰਾਈ) ਤੋਂ ਸੁਝਾਅ ਮੰਗੇਗਾ। ਵਿਭਾਗ ਮਿਲੀਮੀਟਰ ਤਰੰਗਾਂ ਜਾਂ 2,600-2,800 ਮੈਗਾਹਰਟਜ਼ ਬੈਂਡ ਦੀ ਕੀਮਤ ਖੋਜ ਬਾਰੇ ਵਿਚਾਰ ਦੇਣ ਲਈ ਵੀ ਕਹੇਗਾ। ਇਹ ਤਰੰਗਾਂ ਉੱਚ ਫ੍ਰੀਕੁਐਂਸੀ ਲਈ ਵਧੇਰੇ ਅਨੁਕੂਲ ਹਨ। 5 ਜੀ ਦੀ ਨਿਲਾਮੀ ਵਿਚ ਐਮ.ਐਮ. ਦੀਆਂ ਤਰੰਗਾਂ ਦੇ ਨਾਲ ਨਾਲ 3,300 ਮੈਗਾਹਰਟਜ਼ ਤੋਂ 3,600 ਮੈਗਾਹਰਟਜ਼ ਤੱਕ ਦੇ ਬੈਂਡ ਸ਼ਾਮਲ ਹੋਣਗੇ। 5 ਜੀ ਸਪੈਕਟ੍ਰਮ ਲਈ ਬੇਸ ਪ੍ਰਾਈਸ ਕਰੀਬ 3.63 ਲੱਖ ਕਰੋੜ ਰੁਪਏ ਹੈ।
ਇਹ ਵੀ ਪੜ੍ਹੋ : 1, 5 ਅਤੇ 10 ਰੁਪਏ ਦੇ ਇਹ ਨੋਟ ਤੁਹਾਨੂੰ ਬਣਾ ਸਕਦੇ ਹਨ ਲੱਖਪਤੀ, ਜਾਣੋ ਕਿਵੇਂ
ਪਿਛਲੀ ਨਿਲਾਮੀ ਵਿੱਚ ਜਦੋਂ ਨਾ ਵਿਕਣ ਵਾਲੇ ਸਪੈਕਟ੍ਰਮ ਦੇ ਅਧਾਰ ਮੁੱਲ ਨੂੰ ਘਟਾਉਣ ਬਾਰੇ ਪੁੱਛਿਆ ਗਿਆ ਤਾਂ ਵਿਭਾਗ ਨੇ ਕਿਹਾ ਕਿ ਦੂਰਸੰਚਾਰ ਵਿਭਾਗ ਦੇ ਅਧਿਕਾਰੀਆਂ ਨੇ ਭਰੋਸਾ ਦਿੱਤਾ ਹੈ ਕਿ ਸਰਕਾਰ ਕਿਸੇ ਵੀ ਕੀਮਤ ਵਿਚ ਕਟੌਤੀ ਨਹੀਂ ਕਰੇਗੀ ਅਤੇ ਇਹ ਫੈਸਲਾ ਰੈਗੂਲੇਟਰ ਨੂੰ ਕਰਨਾ ਹੈ। ਇਕ ਅਧਿਕਾਰੀ ਨੇ ਕਿਹਾ, 'ਅਸੀਂ ਜਲਦੀ ਹੀ ਆਪਣਾ ਪ੍ਰਸਤਾਵ ਟ੍ਰਾਈ ਨੂੰ ਭੇਜਾਂਗੇ, ਸਾਡੀ ਤਿਆਰੀ ਮੁਕੰਮਲ ਹੋ ਗਈ ਹੈ।' ਹਾਲ ਹੀ ਦੀ ਨਿਲਾਮੀ ਵਿਚ, ਇਹ ਵੇਖਿਆ ਗਿਆ ਸੀ ਕਿ ਰਿਲਾਇੰਸ ਜਿਓ ਨੇ ਪੇਸ਼ਕਸ਼ ਕੀਤੇ ਗਏ ਸਪੈਕਟ੍ਰਮ ਵਿਚੋਂ 50 ਪ੍ਰਤੀਸ਼ਤ ਤੋਂ ਵੀ ਵੱਧ ਨੂੰ ਆਪਣੇ ਕਬਜ਼ੇ ਵਿਚ ਲੈ ਲਿਆ। ਇਹ ਨੀਲਾਮੀ ਦਹਾਕੇ ਦੀ ਸਭ ਤੋਂ ਛੋਟੀ ਨਿਲਾਮੀ ਸੀ। ਕੰਪਨੀ ਨੇ 57,122.65 ਕਰੋੜ ਰੁਪਏ ਦਾ ਭੁਗਤਾਨ ਕੀਤਾ ਸੀ, ਜਿਸ ਵਿਚੋਂ 60 ਪ੍ਰਤੀਸ਼ਤ 800 ਮੈਗਾਹਰਟਜ਼ ਬੈਂਡ ਖਰੀਦਣ 'ਤੇ ਖਰਚ ਕੀਤਾ ਗਿਆ ਸੀ। ਸਰਕਾਰ ਦੁਆਰਾ ਨਿਲਾਮੀ ਵਿਚ ਪੇਸ਼ ਕੀਤਾ ਗਿਆ ਸਾਰਾ ਸਪੈਕਟ੍ਰਮ ਬੇਸ ਕੀਮਤ 'ਤੇ ਵੇਚਿਆ ਗਿਆ ਸੀ।
ਇਹ ਵੀ ਪੜ੍ਹੋ : DHFL-VIDEOCON ਦੇ ਲੁੱਟੇ ਗਏ ਨਿਵੇਸ਼ਕ, ਜਾਣੋ ਪੈਸੇ ਡੁਬਾਉਣ ਵਾਲੀਆਂ ਕੰਪਨੀਆਂ ਤੋਂ ਕਿਵੇਂ ਬਚਿਆ ਜਾਵੇ?
ਭਾਰਤੀ ਏਅਰਟੈਲ ਨੇ 18,698.75 ਕਰੋੜ ਰੁਪਏ ਵਿਚ ਸਪੈਕਟ੍ਰਮ ਖਰੀਦਿਆ ਸੀ ਅਤੇ ਇਸ ਦੀ ਜ਼ਿਆਦਾਤਰ ਖਰੀਦ 2,300 ਮੈਗਾਹਰਟਜ਼ ਬੈਂਡ ਵਿਚ ਸੀ। ਵੋਡਾਫੋਨ ਆਈਡੀਆ ਨੇ ਨਿਲਾਮੀ ਵਿਚ 574 ਕਰੋੜ ਰੁਪਏ ਖਰਚ ਕੀਤੇ। 2,308 ਮੈਗਾਹਰਟਜ਼ ਦੇ ਕੁੱਲ ਉਪਲਬਧ ਸਪੈਕਟ੍ਰਮ ਵਿਚੋਂ 855.60 ਮੈਗਾਹਰਟਜ਼ ਦੀ ਵਿਕਰੀ ਨਿਲਾਮੀ ਵਿਚ ਕੀਤੀ ਗਈ ਸੀ। ਕੁਲ ਸਪੈਕਟ੍ਰਮ ਦੀ ਵਿਕਰੀ ਵਾਲੀਅਮ ਦੇ ਰੂਪ ਵਿਚ 37 ਪ੍ਰਤੀਸ਼ਤ ਅਤੇ ਮੁੱਲ ਦੇ ਰੂਪ ਵਿੱਚ 19 ਪ੍ਰਤੀਸ਼ਤ ਸਪੈਕਟ੍ਰਮ ਦੀ ਵਿਕਰੀ ਹੋਈ ਸੀ। ਪੇਸ਼ਕਸ਼ 'ਤੇ 800 ਮੈਗਾਹਰਟਜ਼ ਸਪੈਕਟ੍ਰਮ ਦਾ ਲਗਭਗ 65 ਪ੍ਰਤੀਸ਼ਤ ਅਤੇ 2,300 ਮੈਗਾਹਰਟਜ਼ ਬੈਂਡ ਵਿਚ ਪੇਸ਼ ਕੀਤੇ ਗਏ ਏਅਰਵੇਅ ਦਾ 89 ਪ੍ਰਤੀਸ਼ਤ ਵੇਚਿਆ ਗਿਆ ਸੀ। ਦੋਵੇਂ ਪ੍ਰੀਮੀਅਮ ਸਪੈਕਟ੍ਰਮ 2,500 ਮੈਗਾਹਰਟਜ਼ ਅਤੇ 700 ਮੈਗਾਹਰਟਜ਼ ਨਹੀਂ ਵਿਕੇ ਸਨ। ਉਦਯੋਗ ਕੁਝ ਖਾਸ ਬੈਂਡਾਂ ਵਿਚ ਟ੍ਰਾਈ ਦੁਆਰਾ ਸਿਫਾਰਸ਼ ਕੀਤੀਆਂ ਵੱਧ ਰਿਜ਼ਰਵ ਕੀਮਤਾਂ ਦਾ ਵਿਰੋਧ ਕੀਤਾ ਸੀ।
ਇਹ ਵੀ ਪੜ੍ਹੋ : ਹੈਦਰਾਬਾਦ ਦਾ ਇਕ ਆਮ ਵਿਅਕਤੀ ਦੁਨੀਆ ਦੀ ਮਸ਼ਹੂਰ ਕੰਪਨੀ Microsoft ਦਾ ਬਣਿਆ Chairman
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਮਾਰੂਤੀ ਸੁਜ਼ੂਕੀ ਦੀਆਂ ਕਾਰਾਂ ਦੇ ਸ਼ੌਕੀਨਾਂ ਲਈ ਝਟਕਾ, ਜਲਦ ਵਧਣ ਜਾ ਰਹੀਆਂ ਹਨ ਕੀਮਤਾਂ
NEXT STORY 
