ਹੈਦਰਾਬਾਦ (ਭਾਸ਼ਾ) - ਇਲੈਕਟ੍ਰੋਨਿਕਸ ਨਿਰਮਾਣ ਨਾਲ ਜੁੜੀ ਤਾਈਵਾਨੀ ਦੀ ਬਹੁਰਾਸ਼ਟਰੀ ਕੰਪਨੀ ਫੌਕਸਕਾਨ ਇੰਟਰਕਨੈਕਟ ਟੈਕਨਾਲੋਜੀ ਨੇ ਸੋਮਵਾਰ ਨੂੰ ਤੇਲੰਗਾਨਾ ਵਿੱਚ ਇੱਕ ਨਵੀਂ ਫੈਕਟਰੀ ਦਾ ਨੀਂਹ ਪੱਥਰ ਰੱਖਿਆ। ਇਹ ਕੰਪਨੀ ਰਾਜ ਵਿੱਚ 50 ਕਰੋੜ ਡਾਲਰ ਦੀ ਨਿਵੇਸ਼ ਯੋਜਨਾ ਦਾ ਹਿੱਸਾ ਹੈ। ਤੇਲੰਗਾਨਾ ਸਰਕਾਰ ਨੇ ਇੱਕ ਪ੍ਰੈਸ ਬਿਆਨ ਵਿੱਚ ਕਿਹਾ ਕਿ ਤੇਲੰਗਾਨਾ ਦੇ ਉਦਯੋਗ ਅਤੇ ਵਣਜ ਮੰਤਰੀ ਕੇਟੀ ਰਾਮਾ ਰਾਓ, ਫੌਕਸਕਾਨ ਇੰਟਰਕਨੈਕਟ ਟੈਕਨਾਲੋਜੀ ਦੇ ਚੇਅਰਮੈਨ ਅਤੇ ਮੁੱਖ ਕਾਰਜਕਾਰੀ ਅਧਿਕਾਰੀ ਸਿਡਨੀ ਲੂ ਅਤੇ ਹੋਰ ਨੀਂਹ ਪੱਥਰ ਸਮਾਗਮ ਵਿੱਚ ਮੌਜੂਦ ਸਨ।
ਬਿਆਨ ਦੇ ਅਨੁਸਾਰ, ਹੈਦਰਾਬਾਦ ਦੇ ਨੇੜਲੇ ਕੋਂਗੜਾ ਕਲਾਂ ਵਿਖੇ ਪ੍ਰਸਤਾਵਿਤ ਇਲੈਕਟ੍ਰਾਨਿਕਸ ਨਿਰਮਾਣ ਯੂਨਿਟ ਤਾਈਵਾਨੀ ਕੰਪਨੀ ਦੀ ਵਿਸ਼ਵ ਵਿਸਤਾਰ ਰਣਨੀਤੀ ਦਾ ਹਿੱਸਾ ਹੈ। ਰਾਮਾਰਾਓ ਨੇ ਆਪਣੇ ਇੱਕ ਟਵੀਟ ਵਿੱਚ ਕਿਹਾ, “ਮੈਨੂੰ ਅੱਜ ਕੋਂਗੜਾ ਕਲਾਂ ਵਿੱਚ ਫੌਕਸਕਾਨ ਦੀ ਪਹਿਲੀ ਫੈਕਟਰੀ ਦਾ ਨੀਂਹ ਪੱਥਰ ਰੱਖਣ ਦਾ ਐਲਾਨ ਕਰਦੇ ਹੋਏ ਬਹੁਤ ਖੁਸ਼ੀ ਹੋ ਰਹੀ ਹੈ। 50 ਕਰੋੜ ਡਾਲਰ ਤੋਂ ਵੱਧ ਦੇ ਨਿਵੇਸ਼ ਨਾਲ ਇਹ ਪਹਿਲੇ ਪੜਾਅ ਵਿੱਚ ਸਿੱਧੇ ਤੌਰ 'ਤੇ 25,000 ਨੌਕਰੀਆਂ ਪੈਦਾ ਕਰੇਗਾ।''
ਖ਼ਰਾਬ ਇੰਜਣਾਂ ਦੀ ਮਾਰ ਹੇਠ ਭਾਰਤੀ ਹਵਾਬਾਜ਼ੀ ਉਦਯੋਗ, 60 ਹਜ਼ਾਰ ਦੇ ਕਰੀਬ ਜਹਾਜ਼ ਹੋਏ ਬੇਕਾਰ
NEXT STORY 
