ਨਵੀਂ ਦਿੱਲੀ—ਅਮਰੀਕਾ-ਚੀਨ ਵਪਾਰ ਯੁੱਧ ਦੇ ਦੌਰਾਨ ਜੀ.ਡੀ.ਪੀ. ਦਾ ਸੁਸਤ ਪੈਣਾ ਸੋਨੇ-ਚਾਂਦੀ ਦੇ ਇਲਾਵਾ ਰੁਪਏ ਦੀ ਕੀਮਤ ਨੂੰ ਵੀ ਪ੍ਰਭਾਵਿਤ ਕਰ ਰਹੇ ਹਨ | ਇਸ ਸਾਲ ਦੇ ਸ਼ੁਰੂਆਤੀ ਅੱਠ ਮਹੀਨਿਆਂ 'ਚ ਸੋਨਾ 24.64 ਫੀਸਦੀ ਚਾਂਦੀ 25.45 ਫੀਸਦੀ ਮਹਿੰਗੀ ਹੋ ਚੁੱਕੀ ਹੈ | 29 ਅਗਸਤ ਨੂੰ ਸੋਨੇ ਦੀ ਕੀਮਤ 40,220 ਰੁਪਏ ਪ੍ਰਤੀ 10 ਗ੍ਰਾਮ ਦੇ ਰਿਕਾਰਡ ਪੱਧਰ 'ਤੇ ਪਹੁੰਚ ਗਈ ਸੀ | ਜਦੋਂਕਿ ਇਸ ਦਿਨ ਚਾਂਦੀ ਦੀ ਕੀਮਤ 49,050 ਰੁਪਏ ਪ੍ਰਤੀ ਕਿਲੋਗ੍ਰਾਮ ਰਹੀ ਸੀ | ਪਿਛਲੇ ਸਾਲ 31 ਦਸੰਬਰ ਨੂੰ ਸੋਨੇ ਦੀ ਕੀਮਤ 32,270 ਰੁਪਏ ਪ੍ਰਤੀ 10 ਗ੍ਰਾਮ ਸੀ | ਜਦੋਂਕਿ ਚਾਂਦੀ ਦੀ ਕੀਮਤ 39,100 ਰੁਪਏ ਪ੍ਰਤੀ 10 ਗ੍ਰਾਮ ਸੀ | ਬੀਤੇ ਅੱਠ ਮਹੀਨਿਆਂ ਦੌਰਾਨ ਸੋਨਾ 7,950 ਰੁਪਏ ਅਤੇ ਚਾਂਦੀ 9,950 ਰੁਪਏ ਮਹਿੰਗੀ ਹੋਈ ਹੈ | ਸਾਲ 2018 'ਚ ਸੋਨਾ 1,870 ਰੁਪਏ (6.15%) ਅਤੇ ਚਾਂਦੀ 880 ਰੁਪਏ (2.2%) ਮਹਿੰਗੀ ਹੋਈ ਸੀ | ਦੂਜੇ ਪਾਸੇ ਅਮਰੀਕੀ ਡਾਲਰ ਦੇ ਮੁਕਾਬਲੇ ਭਾਰਤੀ ਮੁਦਰਾ ਰੁਪਿਆ 'ਚ ਲਗਾਤਾਰ ਕਮਜ਼ੋਰੀ ਦਾ ਰੁਖ ਬਣਿਆ ਹੋਇਆ ਹੈ | ਇਸ ਸਾਲ 'ਚ ਹੁਣ ਤੱਕ ਰੁਪਿਆ 263 ਪੈਸੇ ਕਮਜ਼ੋਰ ਹੋ ਚੁੱਕਾ ਹੈ | ਮੰਗਲਵਾਰ ਨੂੰ ਰੁਪਿਆ ਇਕ ਡਾਲਰ ਦੇ ਸਾਹਮਣੇ 98 ਪੈਸੇ ਡਿੱਗ ਕੇ 72.40 'ਤੇ ਬੰਦ ਹੋਇਆ ਹੈ |
ਸੋਨੇ 'ਚ ਤੇਜ਼ੀ ਦਾ ਮੁੱਖ ਕਾਰਨ
1. ਵਿਸ਼ਵ ਅਰਥਵਿਵਸਥਾ 'ਚ ਕਮਜ਼ੋਰੀ
2. ਯੂ.ਐੱਸ.-ਚੀਨ ਵਪਾਰ ਯੁੱਧ ਦੀ ਅਨਿਸ਼ਚਿਤਤਾ
3. ਭੂ-ਰਾਜਨੈਤਿਕ ਤਣਾਅ ਦਾ ਵਧਣਾ
4. ਕਈ ਕੇਂਦਰੀ ਬੈਂਕ ਸੋਨਾ ਖਰੀਦ ਰਹੇ ਹਨ
5. ਡਾਲਰ ਦੀ ਮਜ਼ਬੂਤੀ, ਰੁਪਏ ਦੀ ਕਮਜ਼ੋਰੀ
6. ਯੂ.ਐੱਸ.ਫੇਡ ਨਾਲ ਰੇਟ ਕੱਟ ਦੀ ਸੰਭਾਵਨਾ
7. ਐੱਸ.ਪੀ.ਡੀ.ਆਰ. ਗੋਲਡ ਈ.ਟੀ.ਐੱਫ. ਦੀ ਖਰੀਦਾਰੀ
ਰੁਪਏ 'ਚ ਗਿਰਾਵਟ ਦਾ ਮੁੱਖ ਕਾਰਨ
1. ਜੀ.ਡੀ.ਪੀ. ਗਰੋਥ 6 ਸਾਲ 'ਚ ਸਭ ਤੋਂ ਘੱਟ
2. ਆਟੋ ਅਤੇ ਰਿਐਲਟੀ ਸੈਕਟਰ 'ਚ ਸੁਸਤੀ
3. ਐੱਨ.ਬੀ.ਐੱਫ.ਸੀ. ਸੈਕਟਰ 'ਚ ਨਕਦੀ ਦਾ ਸੰਕਟ
4. ਕੋਰ ਸੈਕਟਰ ਦੀ ਗਰੋਥ ਸਿਰਫ 2.1 ਫੀਸਦੀ ਰਹਿਣਾ
5. ਮੈਨਿਊ, ਪੀ.ਐੱਮ.ਆਈ. 15 ਮਹੀਨੇ 'ਚ ਸਭ ਤੋਂ ਘਟ
6. ਏਜੰਸੀਆਂ ਵਲੋਂ ਗਰੋਥ ਦਾ ਅਨੁਮਾਨ ਘਟਾਇਆ
7. ਸ਼ੇਅਰ ਬਾਜ਼ਾਰ 'ਚ ਐੱਫ.ਪੀ.ਆਈ. ਦੀ ਬਿਕਵਾਲੀ
ਦਿੱਲੀ ਸਰਾਫਾ ਬਾਜ਼ਾਰ 'ਚ ਮੰਗਲਵਾਰ ਨੂੰ ਸੋਨਾ 538 ਰੁਪਏ ਅਤੇ ਚਾਂਦੀ 1,080 ਰੁਪਏ ਮਹਿੰਗੀ ਹੋਈ
ਦਿੱਲੀ ਦੇ ਸਰਾਫਾ ਬਾਜ਼ਾਰ 'ਚ ਸੋਨਾ 538 ਰੁਪਏ ਪ੍ਰਤੀ 10 ਗ੍ਰਾਮ ਅਤੇ ਚਾਂਦੀ 1,080 ਰੁਪਏ ਪ੍ਰਤੀ ਕਿਲੋਗ੍ਰਾਮ ਮਹਿੰਗੀ ਹੋਈ | ਸੋਨੇ ਦੀ ਕੀਮਤ 38,987 ਰੁਪਏ ਪ੍ਰਤੀ 10 ਗ੍ਰਾਮ ਰਹੀ | ਜਦੋਂਕਿ ਚਾਂਦੀ 47,960 ਰੁਪਏ ਪ੍ਰਤੀ ਕਿਲੋਗ੍ਰਾਮ 'ਤੇ ਵਿਕੀ | ਐੱਚ.ਡੀ.ਐੱਫ.ਸੀ. ਸਕਿਓਰਟੀਜ਼ ਦੇ ਤਪਨ ਪਟੇਲ ਨੇ ਕਿਹਾ ਕਿ ਅਮਰੀਕਾ-ਚੀਨ ਵਲੋਂ ਲਗਾਈ ਗਈ ਨਵੀਂ ਡਿਊਟੀ ਇਕ ਸਤੰਬਰ ਤੋਂ ਲਾਗੂ ਹੋਣ ਦੇ ਬਾਅਦ ਵਪਾਰਕ ਵਾਰਤਾ ਨੂੰ ਲੈ ਕੇ ਅਨਿਸ਼ਚਿਤਤਾ ਬਣੀ ਹੋਈ ਹੈ |
ਟਰੱਕਾਂ ਦੀ ਵਿਕਰੀ ਅੱਧੀ ਤੋਂ ਜ਼ਿਆਦਾ ਘਟੀ
NEXT STORY 
