ਗੁਰੂਗ੍ਰਾਮ (ਭਾਸ਼ਾ) - ਵਪਾਰ ਅਤੇ ਉਦਯੋਗ ਮੰਤਰੀ ਪੀਯੂਸ਼ ਗੋਇਲ ਨੇ ਕਿਹਾ ਕਿ ਸਰਕਾਰ ਸਟਾਰਟਅਪ ਈਕੋਸਿਸਟਮ ਨੂੰ ਮਜ਼ਬੂਤ ਕਰਨ ਲਈ ਹਮੇਸ਼ਾ ਇਕ ਮਦਦਗਾਰ ਜਾਂ ਫੈਸਿਲੀਟੇਟਰ ਵਜੋਂ ਕੰਮ ਕਰੇਗੀ, ਰੈਗੂਲੇਟਰ ਵਜੋਂ ਨਹੀਂ। ਉਨ੍ਹਾਂ ਨੇ ਕਿਹਾ ਕਿ ਇਸ ਈਕੋਸਿਸਟਮ ਦੇ ਹਿੱਤਧਾਰਕ ਸੈਲਫ ਰੈਗੂਲੇਸ਼ਨ ਕਰਨਗੇ। ਇੱਥੇ ਮੰਗਲਵਾਰ ਨੂੰ ਸਟਾਰਟਅਪ 20 ਸਿਖਰ ਸੰਮੇਲਨ ਨੂੰ ਸੰਬੋਧਨ ਕਰਦੇ ਹੋਏ ਗੋਇਲ ਨੇ ਕਿਹਾ ਕਿ ਇੱਥੋਂ ਸੰਦੇਸ਼ ਜਾਣਾ ਚਾਹੀਦਾ ਹੈ ਕਿ ਇਸ ’ਚ ਹਿੱਸਾ ਲੈਣ ਵਾਲੇ ਸਾਰੇ 22 ਦੇਸ਼ਾਂ ਦੀ ਸਾਂਝੀ ਵਚਨਬੱਧਤਾ ਇਹ ਹੈ ਕਿ ਸਰਕਾਰਾਂ ਸਟਾਰਟਅਪ ਵਲੋਂ ਕੀਤੇ ਜਾ ਰਹੇ ਕੰਮ ਦੀ ਤਰੱਕੀ ’ਚ ਰੁਕਾਵਟ ਨਹੀਂ ਪਾਉਣਗੀਆਂ।
ਇਹ ਵੀ ਪੜ੍ਹੋ : ਰਾਮ ਚਰਨ ਦੀ ਧੀ ਦੇ ਨਾਮਕਰਨ ਮੌਕੇ ਅੰਬਾਨੀ ਪਰਿਵਾਰ ਨੇ ਤੋਹਫ਼ੇ 'ਚ ਦਿੱਤਾ ਸੋਨੇ ਦਾ ਪੰਘੂੜਾ, ਕਰੋੜਾਂ 'ਚ ਹੈ ਕੀਮਤ
ਉਨ੍ਹਾਂ ਨੇ ਕਿਹਾ ਕਿ ਸਭ ਤੋਂ ਚੰਗਾ ਤਰੀਕਾ ਸਟਾਰਟਅਪ ਈਕੋਸਿਸਟਮ ਤੋਂ ਬਾਹਰ ਹੋਣਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਈਕੋਸਿਸਟਮ ਦੇ ਨਿਯਮ ਜਾਂ ਉਸ ਨੂੰ ਨਿਰਦੇਸ਼ਤ ਕਰਨ ਦਾ ਕੰਮ ਨਹੀਂ ਕਰੇਗੀ। ਮੰਤਰੀ ਨੇ ਕਿਹਾ ਕਿ ਸਾਡੀ ਭੂਮਿਕਾ ਹਮੇਸ਼ਾ ਇਕ ਫੈਸਿਲੀਟੇਟਰ ਦੀ ਰਹੇਗੀ ਅਤੇ ਮੈਂ ਸਰਕਾਰ ਨੂੰ ਇਸ ਖੇਤਰ ਦਾ ਪ੍ਰਸ਼ਾਸਕ ਜਾਂ ਰੈਗੂਲੇਟਰ ਬਣਦੇ ਨਹੀਂ ਦੇਖਦਾ। ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਦਾ ਕੰਮ ਉੱਭਰਦੇ ਉੱਦਮੀਆਂ ਨੂੰ ਸ਼ੁਰੂਆਤੀ ਪ੍ਰੋਤਸਾਹਨ ਜਾਂ ਸ਼ੁਰੂਆਤੀ ਫੰਡਿੰਗ ਦੇਣਾ ਹੈ। ਗੋਇਲ ਨੇ ਕਿਹਾ ਕਿ ਭਾਰਤ ਸਟਾਰਟਅਪ ਦੀ ਦੁਨੀਆ ਨੂੰ ਇਕ ਵਿਸ਼ੇਸ਼ ਮੌਕਾ ਮੁਹੱਈਆ ਕਰਦਾ ਹੈ। ਭਾਰਤ ਕੋਲ ਹੁਨਰ ਪ੍ਰਤਿਭਾ, ਸਮਰੱਥਾ, ਵਧਦੀ ਸਟਾਰਟਅਪ ਸੰਸਕ੍ਰਿਤੀ ਅਤੇ ਅਭਿਲਾਸ਼ੀ ਆਬਾਦੀ ਦਾ ਲਾਭ ਹੈ। ਉਨ੍ਹਾਂ ਨੇ ਦੁਨੀਆ ਭਰ ਦੀਆਂ ਸਟਾਰਟਅਪ ਕੰਪਨੀਆਂ ਨੂੰ ਭਾਰਤ ਆਉਣ ਅਤੇ ਇੱਥੇ ਮੌਕੇ ਲੱਭਣ ਲਈ ਸੱਦਾ ਦਿੱਤਾ।
UP 'ਚ ਗੰਨੇ ਦਾ ਬਕਾਇਆ ਨਹੀਂ ਬਣੇਗਾ ਇਸ ਵਾਰ ਦਾ ਚੋਣ ਮੁੱਦਾ , ਜਾਣੋ ਵਜ੍ਹਾ
NEXT STORY 
