ਹੈਦਰਾਬਾਦ (ਭਾਸ਼ਾ) - ਬੋਇੰਗ ਦੇ ਕਮਰਸ਼ੀਅਲ ਮਾਰਕੀਟਿੰਗ ਦੇ ਉਪ ਪ੍ਰਧਾਨ ਡੈਰੇਨ ਹੁਲਸਟ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਵਧਦੀ ਗਤੀਸ਼ੀਲਤਾ ਕਾਰਨ ਭਾਰਤ ਨੂੰ 2042 ਤੱਕ 2500 ਤੋਂ ਵੱਧ ਨਵੇਂ ਜਹਾਜ਼ਾਂ ਦੀ ਸਪਲਾਈ ਦੀ ਲੋੜ ਪਵੇਗੀ। ਹੁਲਸਟ ਨੇ ਇੱਕ ਕਾਨਫਰੰਸ ਵਿਚ ਕਿਹਾ ਕਿ ਦੱਖਣੀ ਏਸ਼ੀਆਈ ਕੰਪਨੀਆਂ ਨੇ ਅਗਲੇ ਦੋ ਦਹਾਕਿਆਂ ਵਿੱਚ ਵਧਦੀ ਯਾਤਰੀਆਂ ਅਤੇ ਮਾਲ ਢੋਆ-ਢੁਆਈ ਦੀ ਮੰਗ ਨੂੰ ਪੂਰਾ ਕਰਨ ਲਈ ਆਪਣੇ ਫਲੀਟਾਂ ਦਾ ਆਕਾਰ ਚੌਗੁਣਾ ਕਰਨ ਦਾ ਅਨੁਮਾਨ ਲਗਾਇਆ ਹੈ। ਉਨ੍ਹਾਂ ਨੂੰ ਵਾਧੇ ਅਤੇ ਫਲੀਟ ਬਦਲਣ ਨਾਲ ਸਿੱਝਣ ਲਈ 2,705 ਤੋਂ ਵੱਧ ਨਵੇਂ ਜਹਾਜ਼ਾਂ ਦੀ ਲੋੜ ਪਵੇਗੀ।
ਇਹ ਵੀ ਪੜ੍ਹੋ - ਰਾਮ ਦੇ ਰੰਗ 'ਚ ਰੰਗੇ ਕਈ ਸ਼ਹਿਰਾਂ ਦੇ ਬਾਜ਼ਾਰ, ਸੋਨਾ-ਚਾਂਦੀ ਸਣੇ ਇਨ੍ਹਾਂ ਚੀਜ਼ਾਂ ਦੀ ਹੋ ਰਹੀ ਕਰੋੜਾਂ 'ਚ ਵਿਕਰੀ
ਉਹਨਾਂ ਨੇ ਪੱਤਰਕਾਰਾਂ ਨੂੰ ਕਿਹਾ, "2042 ਤੱਕ ਭਾਰਤ ਨੂੰ ਇਸ ਵਿੱਚੋਂ 92 ਫ਼ੀਸਦੀ ਤੋਂ ਵੱਧ ਯਾਨੀ 2,705 ਵਿੱਚੋਂ 2,500 ਤੋਂ ਵੱਧ ਦੀ ਲੋੜ ਹੋਵੇਗੀ। ਇਹ ਪਿਛਲੇ ਸਾਲ ਦੇ ਮੱਧ 'ਚ ਕੀਤੇ ਗਏ ਅੰਦਾਜ਼ੇ 'ਤੇ ਆਧਾਰਿਤ ਹੈ।'' ਹਲਸਟ ਨੇ ਕਿਹਾ, ''ਸਾਡਾ ਅੰਦਾਜ਼ਾ ਹੈ ਕਿ ਇੱਥੇ (ਭਾਰਤ ਸਮੇਤ ਦੱਖਣੀ ਏਸ਼ੀਆ) ਏਅਰਲਾਈਨਜ਼ ਨੂੰ ਸਾਲ 2042 ਤੱਕ 2,700 ਤੋਂ ਜ਼ਿਆਦਾ ਜਹਾਜ਼ਾਂ ਦੀ ਸਪਲਾਈ ਕਰਨ ਦੀ ਲੋੜ ਹੋਵੇਗੀ।''
ਇਹ ਵੀ ਪੜ੍ਹੋ - ਹੁਣ ਡਾਕਟਰ ਦੀ ਪਰਚੀ ਤੋਂ ਬਿਨਾਂ ਨਹੀਂ ਮਿਲੇਗੀ 'ਐਂਟੀਬਾਇਓਟਿਕਸ', DGHS ਨੇ ਜਾਰੀ ਕੀਤੇ ਸਖ਼ਤ ਨਿਰਦੇਸ਼
ਬੋਇੰਗ ਅਨੁਸਾਰ ਏਸ਼ੀਆ ਵਿੱਚ ਭਾਰਤ ਇੱਕੋ ਇੱਕ ਵੱਡੀ ਅਰਥਵਿਵਸਥਾ ਹੈ, ਇੱਕ ਪ੍ਰਮੁੱਖ ਬਾਜ਼ਾਰ ਹੈ, ਜੋ ਮੰਗ ਦੇ ਮਾਮਲੇ ਵਿੱਚ ਘਰੇਲੂ ਅਤੇ ਅੰਤਰਰਾਸ਼ਟਰੀ ਪੱਧਰ 'ਤੇ ਪੂਰਵ-ਮਹਾਂਮਾਰੀ ਦੇ ਪੱਧਰਾਂ 'ਤੇ ਮੁੜ ਆਇਆ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਉਮੀਦ ਹੈ ਕਿ ਭਾਰਤ ਦਾ ਕਾਰਗੋ ਫਲੀਟ ਅਗਲੇ 20 ਸਾਲਾਂ ਵਿੱਚ 80 ਜਹਾਜ਼ਾਂ ਤੱਕ ਪਹੁੰਚ ਜਾਵੇਗਾ, ਜਦੋਂ ਕਿ ਇਸ ਵੇਲੇ ਉਸ ਕੋਲ ਸਿਰਫ਼ 15 ਕਾਰਗੋ ਜਹਾਜ਼ ਹਨ। ਅਮਰੀਕਾ ਵਿੱਚ ਹਾਲ ਹੀ ਵਿੱਚ ਹਵਾ ਵਿੱਚ ਬੋਇੰਗ ਜਹਾਜ਼ ਦੇ ਦਰਵਾਜ਼ੇ ਉੱਡਣ ਦੀ ਘਟਨਾ ਕਾਰਨ ਜਹਾਜ਼ਾਂ ਦੀ ਸਪਲਾਈ ਵਿੱਚ ਦੇਰੀ ਹੋਣ ਦੇ ਸਵਾਲ ਉੱਤੇ ਹੁਲਸਟ ਨੇ ਕਿਹਾ ਕਿ ਸਾਨੂੰ ਨਹੀਂ ਲੱਗਦਾ ਕਿ ਇਸ ਨਾਲ ਕੋਈ ਦੇਰੀ ਹੋਵੇਗੀ।
ਇਹ ਵੀ ਪੜ੍ਹੋ - ਸੋਨਾ ਖਰੀਦਣ ਵਾਲੇ ਲੋਕਾਂ ਲਈ ਖ਼ਾਸ ਖ਼ਬਰ, ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਆਈ ਵੱਡੀ ਗਿਰਾਵਟ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
15 ਦਿਨਾਂ ਚ 1,620 ਰੁਪਏ ਸਸਤਾ ਹੋਇਆ ਸੋਨਾ, ਗੋਲਡ ਈਟੀਐਫ ਵਿੱਚ ਨਿਵੇਸ਼ ਘਟਿਆ
NEXT STORY 
