ਨਵੀਂ ਦਿੱਲੀ—ਭਾਰਤੀ ਇੰਫਰਾਟੈੱਲ ਨੇ ਇੰਡਸ ਟਾਵਰਸ ਦੇ ਨਾਲ ਰਲੇਵੇਂ ਦੀ ਸਮੇਂ ਸੀਮਾ ਦੋ ਮਹੀਨੇ ਹੋਰ ਵਧਾ ਕੇ 24 ਅਪ੍ਰੈਲ ਤੱਕ ਕਰ ਦਿੱਤਾ ਹੈ। ਕੰਪਨੀ ਨੇ ਸੋਮਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਹਾਲਾਂਕਿ ਕੰਪਨੀ ਦਾ ਕਹਿਣਾ ਹੈ ਕਿ ਇਸ ਮੁੱਦੇ 'ਤੇ ਆਖਰੀ ਫੈਸਲਾ ਕੰਪਨੀ ਦੇ ਨਿਰਦੇਸ਼ਕ ਮੰਡਲ ਦੂਰਸੰਚਾਰ ਖੇਤਰ ਦੇ ਸੰਕਟ ਅਤੇ ਉਸ ਦੇ ਅਸਰ ਦਾ ਮੁੱਲਾਂਕਣ ਕਰਕੇ ਲਵੇਗਾ। ਭਾਰਤੀ ਇੰਫਰਾਟੈੱਲ ਨੇ ਸ਼ੇਅਰ ਬਾਜ਼ਾਰ ਨੂੰ ਦੱਸਿਆ ਕਿ ਇਸ ਰਲੇਵੇਂ ਯੋਜਨਾ ਨੂੰ ਲਾਗੂ ਕਰਨ 'ਤੇ ਆਖਰੀ ਫੈਸਲਾ ਨਿਰਦੇਸ਼ਕ ਮੰਡਲ ਕੰਪਨੀ ਅਤੇ ਹਿੱਤਧਾਰਕਾਂ ਦੇ ਹਿੱਤਾਂ ਨੂੰ ਧਿਆਨ 'ਚ ਰੱਖ ਕੇ ਲਵੇਗਾ। ਨਾਲ ਹੀ ਦੂਰਸੰਚਾਰ ਉਦਯੋਗ ਦੇ ਮੌਜੂਦਾ ਸੰਕਟ ਅਤੇ ਉਸ ਦਾ ਕੰਪਨੀ ਦੇ ਵੱਡੇ ਗਾਹਕਾਂ 'ਤੇ ਪੈਣ ਵਾਲੇ ਅਸਰ ਦਾ ਮੁੱਲਾਂਕਣ ਵੀ ਨਿਰਦੇਸ਼ਕ ਮੰਡਲ ਦੇ ਫੈਸਲੇ ਦਾ ਆਧਾਰ ਹੋਵੇਗਾ। ਕੰਪਨੀ ਨੇ ਦੱਸਿਆ ਕਿ ਇੰਡਸ ਟਾਵਰਸ ਦੇ ਨਾਲ ਰਲੇਵੇਂ ਲਈ ਪ੍ਰਤੱਖ ਵਿਦੇਸ਼ੀ ਨਿਵੇਸ਼ (ਐੱਫ.ਡੀ.ਆਈ.) ਦੀ ਆਗਿਆ ਮਿਲ ਗਈ ਹੈ। ਕੰਪਨੀ ਦੇ ਰਲੇਵੇਂ ਲਈ ਆਖਿਰੀ ਤਾਰੀਕ ਪਹਿਲਾਂ 24 ਫਰਵਰੀ ਸੀ ਜਿਸ ਨੂੰ ਹੁਣ ਦੋ ਮਹੀਨੇ ਵਧਾ ਕੇ 24 ਅਪ੍ਰੈਲ 2020 ਕਰ ਦਿੱਤਾ ਗਿਆ ਹੈ।
ਟਰੰਪ ਦੇ ਭਾਰਤ ਦੌਰੇ 'ਤੇ ਮੁਕੇਸ਼ ਅੰਬਾਨੀ ਦਾ ਬਿਆਨ, ਜਾਣੋ ਕੀ ਕਿਹਾ
NEXT STORY