ਨਵੀਂ ਦਿੱਲੀ - ਕੀ ਤੁਹਾਨੂੰ ਪਤਾ ਹੈ ਕਿ ਅਮਰੀਕਾ ਦੇ 25 ਸਭ ਤੋਂ ਅਮੀਰ ਲੋਕ ਸਰਕਾਰ ਨੂੰ ਕੋਈ ਟੈਕਸ ਨਹੀਂ ਅਦਾ ਕਰਦੇ ਹਨ। ਇਨ੍ਹਾਂ ਟਾਪ ਅਮੀਰਾਂ ਵਿਚ ਦੁਨੀਆਂ ਦੇ ਸਭ ਤੋਂ ਵੱਡੇ ਧਨੀ ਜੈੱਫ ਬੇਜੋਸ, ਮਾਈਕਲ ਬਲੂਮਬਰਗ ਅਤੇ ਐਲਨ ਮਸਕ ਵਰਗੇ ਦਿੱਗਜ ਲੋਕ ਸ਼ਾਮਲ ਹਨ। ਸਾਲ 2014 ਤੋਂ 2018 ਦਰਮਿਆਨ ਨਿਊਯਾਰਕ ਟਾਈਮਜ਼ ਵਿਚ ਪ੍ਰਕਾਸ਼ਤ ਇੱਕ ਖ਼ਬਰ ਵਿਚ ਪ੍ਰੋਪਬਲੀਕਾ ਦੀ ਰਿਪੋਰਟ ਅਨੁਸਾਰ ਇਨ੍ਹਾਂ ਅਮੀਰਾਂ ਨੇ ਆਪਣੀ ਕਮਾਈ ਦੇ ਹਿਸਾਬ ਨਾਲ ਜਾਂ ਤਾਂ ਬਹੁਤ ਘੱਟ ਟੈਕਸ ਦਿੱਤਾ ਹੈ ਜਾਂ ਟੈਕਸ ਦਾ ਭੁਗਤਾਨ ਕੀਤਾ ਹੀ ਨਹੀਂ। ਪ੍ਰੋਪਬਲੀਕਾ ਨੇ ਇਹ ਅੰਕੜੇ ਜਾਰੀ ਕਰਦਿਆਂ ਕਿਹਾ ਕਿ ਉਹ ਅਰਬਪਤੀਆਂ ਦੇ ਆਮਦਨੀ ਟੈਕਸ ਦੇ ਅੰਦਰੂਨੀ ਮਾਲੀਏ ਦਾ ਵਿਸ਼ਲੇਸ਼ਣ ਕਰ ਰਿਹਾ ਸੀ।
ਅਮਰੀਕੀ ਅਰਬਪਤੀਆਂ ਦੀ ਸੂਚੀ
ਸੂਚੀ ਵਿਚ 25 ਅਮਰੀਕੀ ਅਰਬਪਤੀਆਂ ਸ਼ਾਮਲ ਹਨ ਜਿਨ੍ਹਾਂ ਵਿਚ ਜੈੱਫ ਬੇਜੋਸ, ਮਾਈਕਲ ਬਲੂਮਬਰਗ, ਏਲੋਨ ਮਸਕ, ਵਾਰਨ ਬਫੇਟ, ਬਿਲ ਗੇਟਸ, ਰੂਪਰਟ ਮੁਰਦੋਕ ਅਤੇ ਮਾਰਕ ਜੁਕਰਬਰਗ ਦੇ ਨਾਲ ਨਾਂ ਸਾਹਮਣੇ ਆ ਰਹੇ ਹਨ। ਇਸ ਰਿਪੋਰਟ ਅਨੁਸਾਰ ਅਮਰੀਕਾ ਦੀ ਟੈਕਸ ਪ੍ਰਣਾਲੀ ਵਿਚ ਬਹੁਤ ਅਸਮਾਨਤਾ ਹੈ। ਅਮਰੀਕਾ ਦੇ ਅਰਬਪਤੀ ਜਿਵੇਂ ਕਿ ਜੈੱਫ ਬੇਜੋਸ, ਐਲਨ ਮਸਕ, ਵਾਰਨ ਬੱਫਟ, ਮਾਈਕਲ ਬਲੂਮਬਰਗ ਸਥਾਨਕ ਟੈਕਸ ਪ੍ਰਣਾਲੀ ਦੀਆਂ ਖਾਮੀਆਂ ਦਾ ਫ਼ਾਇਦਾ ਲੈ ਰਹੇ ਹਨ। ਇਸ ਵਿਸ਼ਲੇਸ਼ਣ ਨੇ ਖੁਦ ਦਿਖਾਇਆ ਹੈ ਕਿ ਅਮਰੀਕਾ ਦੇ ਸਭ ਤੋਂ ਅਮੀਰ ਲੋਕਾਂ ਨੇ ਟੈਕਸਾਂ ਵਿਚ ਉਨ੍ਹਾਂ ਦੀ ਜਾਇਦਾਦ ਦਾ ਥੋੜ੍ਹਾ ਜਿਹਾ ਹਿੱਸਾ ਟੈਕਸ ਅਦਾ ਕੀਤਾ, ਜਦੋਂ ਕਿ ਉਨ੍ਹਾਂ ਦੀ ਦੌਲਤ ਲਗਾਤਾਰ ਵਧਦੀ ਰਹੀ।
ਇਹ ਵੀ ਪੜ੍ਹੋ : ਲੱਖਾਂ ਬੀਮਾਧਾਰਕਾਂ ਲਈ ਖੁਸ਼ਖਬਰੀ, ਇੰਸ਼ੋਰੈਂਸ ਕੰਪਨੀ ਦੇਵੇਗੀ 867 ਕਰੋੜ ਦਾ ਬੋਨਸ
ਇਨ੍ਹਾਂ ਅਮੀਰਾਂ ਨੇ ਨਹੀਂ ਦਿੱਤਾ ਕੋਈ ਟੈਕਸ
ਰਿਪੋਰਟ ਵਿਚ ਪ੍ਰੋ ਪਬਲੀਕਾ ਦਾ ਕਹਿਣਾ ਹੈ ਕਿ 2007 ਵਿਚ ਜੈੱਫ ਬੇਜੋਸ ਨੇ ਫੈਡਰਲ ਇਨਕਮ ਟੈਕਸ ਦੇ ਰੂਪ ਵਿਚ ਇੱਕ ਵੀ ਪੈਸਾ ਜਮ੍ਹਾ ਨਹੀਂ ਕੀਤਾ ਸੀ। ਦੂਜੇ ਪਾਸੇ ਦੁਨੀਆ ਦੇ ਸਭ ਤੋਂ ਵੱਡੇ ਕਾਰ ਨਿਰਮਾਤਾ ਕੰਪਨੀ ਟੈਸਲਾ ਦੇ ਚੀਫ ਐਲਨ ਮਸਕ ਨੇ 2018 ਵਿਚ ਇਨਕਮ ਟੈਕਸ ਦਾ ਭੁਗਤਾਨ ਨਹੀਂ ਕੀਤਾ ਸੀ। ਮਾਈਕਲ ਬਲੂਮਬਰਗ ਨੇ ਵੀ ਹਾਲ ਹੀ ਦੇ ਸਾਲਾਂ ਵਿਚ ਅਜਿਹਾ ਹੀ ਕੀਤਾ ਹੈ। ਜਾਰਜ ਸੋਰੋਸ ਨੇ ਲਗਾਤਾਰ ਤਿੰਨ ਸਾਲਾਂ ਤੋਂ ਕੋਈ ਸੰਘੀ ਆਮਦਨ ਟੈਕਸ ਨਹੀਂ ਅਦਾ ਕੀਤਾ ਹੈ।
ਇਹ ਵੀ ਪੜ੍ਹੋ : RBI ਨੇ ਬੈਂਕ ਆਫ ਇੰਡੀਆ 'ਤੇ ਲਗਾਇਆ 4 ਕਰੋੜ ਰੁਪਏ ਦਾ ਜੁਰਮਾਨਾ, ਬੈਂਕ ਦੇ 4% ਸ਼ੇਅਰ ਟੁੱਟੇ
ਇਸ ਢੰਗ ਨਾਲ ਬਚਾ ਲੈਂਦੇ ਹਨ ਟੈਕਸ
ਇਨ੍ਹਾਂ ਅਮੀਰ ਲੋਕਾਂ ਦੁਆਰਾ ਚਲਾਈਆਂ ਜਾਂਦੀਆਂ ਕੰਪਨੀਆਂ ਵਿਚ ਜ਼ਿਆਦਾਤਰ ਪੈਸਾ, ਸ਼ੇਅਰਾਂ, ਵੇਕੇਸ਼ਨਲ ਹੋਮਜ਼, ਯਾਟਾਂ ਜਾਂ ਹੋਰ ਨਿਵੇਸ਼ 'ਟੈਕਸ ਯੋਗ ਆਮਦਨੀ' ਦੇ ਦਾਇਰੇ ਵਿੱਚ ਨਹੀਂ ਆਉਂਦੇ। ਇਹ ਸਿਰਫ ਉਦੋਂ ਟੈਕਸਯੋਗ ਮੰਨਿਆ ਜਾਂਦਾ ਹੈ ਜਦੋਂ ਇਹ ਸੰਪਤੀਆਂ ਵੇਚੀਆਂ ਜਾਂਦੀਆਂ ਹੋਣ ਅਤੇ ਵਿਕਰੀ ਤੋਂ ਉਨ੍ਹਾਂ ਦਾ ਲਾਭ ਲਿਆ ਜਾਂਦਾ ਹੈ। ਇਸਦੇ ਬਾਅਦ ਵੀ ਟੈਕਸ ਕੋਡ ਵਿਚ ਬਹੁਤ ਸਾਰੀਆਂ ਕਮੀਆਂ ਹਨ ਜੋ ਆਪਣੀ ਟੈਕਸ ਦੇਣਦਾਰੀ ਨੂੰ ਸੀਮਤ ਜਾਂ ਖਤਮ ਕਰਦੀਆਂ ਹਨ। ਇੱਥੇ ਵ੍ਹਾਈਟ ਹਾਊਸ ਦੇ ਪ੍ਰੈਸ ਸਕੱਤਰ ਜੇਨ ਸਾਸਕੀ ਨੇ ਇੱਕ ਬ੍ਰੀਫਿੰਗ ਵਿਚ ਕਿਹਾ ਕਿ ਕਿਸੇ ਵੀ ਵਿਅਕਤੀ ਦੁਆਰਾ ਗੁਪਤ ਜਾਣਕਾਰੀ ਦਾ ਅਣਅਧਿਕਾਰਤ ਖੁਲਾਸਾ ਗੈਰ ਕਾਨੂੰਨੀ ਹੈ। ਐਫ.ਬੀ.ਆਈ. ਅਤੇ ਟੈਕਸ ਅਧਿਕਾਰੀ ਇਸ ਮਾਮਲੇ ਦੀ ਜਾਂਚ ਕਰ ਰਹੇ ਹਨ।
ਇਹ ਵੀ ਪੜ੍ਹੋ : ਜਲਦ ਹੀ ਵਿਕੇਗੀ DHFL, ਇਸ ਕੰਪਨੀ ਨੇ ਲਗਾਈ 37,250 ਕਰੋੜ ਰੁਪਏ ਦੀ ਬੋਲੀ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਇਕ ਵਾਰ ਫਿਰ ਡਾਊਨ ਹੋਏ Facebook, WhatsApp ਅਤੇ Instagram, ਲੋਕਾਂ ਨੇ ਉਡਾਇਆ ਮਜ਼ਾਕ
NEXT STORY 
