ਨਵੀਂ ਦਿੱਲੀ - ਮਾਰੂਤੀ ਸੁਜ਼ੂਕੀ ਨੇ ਆਪਣੀ ਪਹਿਲੀ ਇਲੈਕਟ੍ਰਿਕ ਕਾਰ ਈ-ਵਿਟਾਰਾ ਨੂੰ ਬਾਜ਼ਾਰ 'ਚ ਉਤਾਰਨ ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ। ਕੰਪਨੀ ਨਾ ਸਿਰਫ ਇਸ ਕਾਰ ਨੂੰ ਲਾਂਚ ਕਰਨ 'ਤੇ ਧਿਆਨ ਦੇ ਰਹੀ ਹੈ ਸਗੋਂ ਇਸ ਦੇ ਨਾਲ ਮਜ਼ਬੂਤ ਚਾਰਜਿੰਗ ਅਤੇ ਸਰਵਿਸ ਨੈੱਟਵਰਕ ਦਾ ਵੀ ਵਿਸਥਾਰ ਕਰ ਰਹੀ ਹੈ। ਕੰਪਨੀ ਦਾ ਉਦੇਸ਼ ਹੈ ਕਿ ਇਲੈਕਟ੍ਰਿਕ ਕਾਰਾਂ ਖਰੀਦਣ ਵਾਲੇ ਗਾਹਕਾਂ ਨੂੰ ਲੰਬੀ ਦੂਰੀ ਦੀ ਯਾਤਰਾ ਦੌਰਾਨ ਕੋਈ ਚਿੰਤਾ ਨਹੀਂ ਹੋਣੀ ਚਾਹੀਦੀ।
ਇਹ ਵੀ ਪੜ੍ਹੋ : ਪਤੰਗ ਉਡਾਉਣ 'ਤੇ ਵੀ ਲੱਗੀ ਪਾਬੰਦੀ! ਲੱਗੇਗਾ 50 ਹਜ਼ਾਰ ਤੋਂ ਇਕ ਲੱਖ ਤਕ ਦਾ ਜੁਰਮਾਨਾ
ਗਾਹਕ ਦੀ ਸਹੂਲਤ ਲਈ ਵਿਸ਼ੇਸ਼ ਧਿਆਨ
ਮਾਰੂਤੀ ਸੁਜ਼ੂਕੀ ਨੇ ਘੋਸ਼ਣਾ ਕੀਤੀ ਹੈ ਕਿ ਈਵੀ ਗਾਹਕਾਂ ਨੂੰ ਲੰਬੀ ਦੂਰੀ ਦੀ ਯਾਤਰਾ ਲਈ ਕਿਰਾਏ 'ਤੇ ਪੈਟਰੋਲ ਕਾਰਾਂ ਜਾਂ ਮਜ਼ਬੂਤ ਹਾਈਬ੍ਰਿਡ ਕਾਰਾਂ ਪ੍ਰਦਾਨ ਕੀਤੀਆਂ ਜਾਣਗੀਆਂ। ਕੰਪਨੀ ਦੇ ਸੀਨੀਅਰ ਕਾਰਜਕਾਰੀ ਅਧਿਕਾਰੀ (ਮਾਰਕੀਟਿੰਗ ਅਤੇ ਸੇਲਜ਼) ਪਾਥੋ ਬੈਨਰਜੀ ਨੇ ਕਿਹਾ, "ਭਾਵੇਂ ਤੁਹਾਡੇ ਕੋਲ ਸਿਰਫ਼ ਇੱਕ ਈਵੀ ਹੈ, ਚਿੰਤਾ ਕਰਨ ਦੀ ਕੋਈ ਲੋੜ ਨਹੀਂ ਹੈ। ਤੁਹਾਨੂੰ ਸਿਰਫ਼ ਇੱਕ ਈਵੀ ਖਰੀਦਣੀ ਹੈ ਅਤੇ ਬਾਕੀ ਸਹੂਲਤਾਂ ਸਾਡੇ 'ਤੇ ਛੱਡ ਦਿਓ।"
ਇਹ ਵੀ ਪੜ੍ਹੋ : ਕੁਝ ਰਕਮ ਦੇ ਨਿਵੇਸ਼ ਨਾਲ ਤੁਸੀਂ ਇੰਝ ਬਣ ਸਕਦੇ ਹੋ ਲੱਖਪਤੀ, ਜਾਣੋ ਪੂਰੀ ਯੋਜਨਾ
E-vitara ਦੀ ਖ਼ਾਸਿਅਤ
ਲੰਬਾ ਵ੍ਹੀਲਬੇਸ: ਈ-ਵਿਟਾਰਾ 2,700 ਮਿਲੀਮੀਟਰ ਲੰਬੇ ਵ੍ਹੀਲਬੇਸ ਦੇ ਨਾਲ ਆਵੇਗਾ।
500 ਕਿਲੋਮੀਟਰ ਦੀ ਰੇਂਜ: ਇੱਕ ਵਾਰ ਚਾਰਜ ਹੋਣ 'ਤੇ ਇਹ ਇਲੈਕਟ੍ਰਿਕ ਕਾਰ 500 ਕਿਲੋਮੀਟਰ ਤੱਕ ਚੱਲੇਗੀ।
ਚਾਰਜਿੰਗ ਨੈੱਟਵਰਕ: ਕੰਪਨੀ ਭਾਰਤ ਦੇ 100 ਵੱਡੇ ਸ਼ਹਿਰਾਂ ਵਿੱਚ ਹਰ 5-10 ਕਿਲੋਮੀਟਰ 'ਤੇ ਫਾਸਟ ਚਾਰਜਿੰਗ ਸਟੇਸ਼ਨ ਸਥਾਪਿਤ ਕਰੇਗੀ।
ਇਹ ਵੀ ਪੜ੍ਹੋ : ਸੋਨਾ ਪਹਿਲੀ ਵਾਰ 80 ਹਜ਼ਾਰ ਦੇ ਪਾਰ, ਜਲਦ 85 ਹਜ਼ਾਰ ਰੁਪਏ ਤੱਕ ਪਹੁੰਚ ਸਕਦੀ ਹੈ ਕੀਮਤ
1,000 ਸ਼ਹਿਰਾਂ ਵਿੱਚ ਤਿਆਰ ਹੋਣਗੀਆਂ ਸਰਵਿਸ ਵਰਕਸ਼ਾਪਾਂ
ਮਾਰੂਤੀ ਸੁਜ਼ੂਕੀ ਦਾ ਕਹਿਣਾ ਹੈ ਕਿ ਈ-ਵਿਟਾਰਾ ਦੇ ਲਾਂਚ ਹੋਣ ਤੱਕ, 1,000 ਸ਼ਹਿਰਾਂ ਵਿੱਚ ਇਸਦੀਆਂ 1,500 ਸਰਵਿਸ ਵਰਕਸ਼ਾਪਾਂ ਨੂੰ ਇਲੈਕਟ੍ਰਿਕ ਵਾਹਨਾਂ ਲਈ ਤਿਆਰ ਕਰ ਦਿੱਤਾ ਜਾਵੇਗਾ। ਇੱਥੇ ਗਾਹਕਾਂ ਨੂੰ ਆਪਣੀ ਈਵੀ ਨਾਲ ਸਬੰਧਤ ਹਰ ਤਰ੍ਹਾਂ ਦੀਆਂ ਸੇਵਾਵਾਂ ਆਸਾਨੀ ਨਾਲ ਮਿਲ ਜਾਣਗੀਆਂ।
ਗਾਹਕੀ ਅਤੇ ਕਿਰਾਏ ਦੀ ਕਾਰ ਦੀ ਸਹੂਲਤ
ਕੰਪਨੀ ਨੇ ਇਹ ਵੀ ਕਿਹਾ ਕਿ ਈਵੀ ਗਾਹਕਾਂ ਨੂੰ ਲੰਬੇ ਸਫ਼ਰ ਲਈ ਪੈਟਰੋਲ ਜਾਂ ਹਾਈਬ੍ਰਿਡ ਕਾਰਾਂ ਕਿਰਾਏ 'ਤੇ ਲੈਣ ਦੀ ਸਹੂਲਤ ਮਿਲੇਗੀ। ਜੇਕਰ ਕੋਈ ਗਾਹਕ ਦਿੱਲੀ ਤੋਂ ਪਹਾੜਾਂ ਦੀ ਯਾਤਰਾ 'ਤੇ ਜਾਣਾ ਚਾਹੁੰਦਾ ਹੈ, ਤਾਂ ਉਹ ਕੁਝ ਦਿਨਾਂ ਲਈ ਅਰਟਿਗਾ ਵਰਗੀ ਪੈਟਰੋਲ ਜਾਂ ਹਾਈਬ੍ਰਿਡ ਕਾਰ ਕਿਰਾਏ 'ਤੇ ਲੈ ਸਕਦਾ ਹੈ। ਕਿਰਾਇਆ ਉਨ੍ਹਾਂ ਦਿਨਾਂ ਲਈ ਹੀ ਦੇਣਾ ਹੋਵੇਗਾ, ਜਿਨ੍ਹਾਂ ਦਿਨਾਂ 'ਚ ਕਾਰ ਵਰਤੀ ਗਈ ਹੈ।
ਚਾਰਜਿੰਗ ਬੁਨਿਆਦੀ ਢਾਂਚਾ ਅਤੇ ਐਪ ਸੁਵਿਧਾਵਾਂ
ਚਾਰਜਰ ਦੀ ਜਾਣਕਾਰੀ: ਕੰਪਨੀ 'ਈ ਫਾਰ ਮੀ' ਨਾਮ ਦੀ ਇੱਕ ਐਪ ਲਾਂਚ ਕਰੇਗੀ, ਜਿਸ ਵਿੱਚ ਸਾਰੇ ਚਾਰਜਿੰਗ ਸਟੇਸ਼ਨਾਂ ਬਾਰੇ ਜਾਣਕਾਰੀ ਦਿੱਤੀ ਜਾਵੇਗੀ।
ਘਰਾਂ ਵਿੱਚ ਚਾਰਜਰ ਦੀ ਸਹੂਲਤ: ਗਾਹਕਾਂ ਦੇ ਘਰਾਂ ਵਿੱਚ 7.2 ਕਿਲੋਵਾਟ ਸਮਰੱਥਾ ਵਾਲੇ ਚਾਰਜਰਾਂ ਨੂੰ ਲਗਾਉਣ ਦੀ ਸਹੂਲਤ ਵੀ ਪ੍ਰਦਾਨ ਕੀਤੀ ਜਾਵੇਗੀ।
100 ਵੱਡੇ ਸ਼ਹਿਰਾਂ 'ਤੇ ਫੋਕਸ: ਭਾਰਤ ਵਿੱਚ 97% ਈਵੀ ਮਾਰਕੀਟ 100 ਵੱਡੇ ਸ਼ਹਿਰਾਂ ਵਿੱਚ ਹੈ। ਇਸ ਨੂੰ ਧਿਆਨ ਵਿਚ ਰੱਖਦੇ ਹੋਏ ਇਨ੍ਹਾਂ ਸ਼ਹਿਰਾਂ ਵਿਚ ਚਾਰਜਿੰਗ ਬੁਨਿਆਦੀ ਢਾਂਚੇ ਨੂੰ ਮਜ਼ਬੂਤ ਕੀਤਾ ਜਾਵੇਗਾ।
ਗਾਹਕਾਂ ਨੂੰ ਭਰੋਸਾ ਮਿਲੇਗਾ
ਬੈਨਰਜੀ ਨੇ ਕਿਹਾ, "ਸਾਡਾ ਉਦੇਸ਼ ਪਹਿਲੀ ਕਾਰ ਦੇ ਰੂਪ ਵਿੱਚ ਖਰੀਦਦਾਰਾਂ ਲਈ EV ਨੂੰ ਭਰੋਸੇਯੋਗ ਬਣਾਉਣਾ ਹੈ। ਇਸ ਦੇ ਲਈ ਅਸੀਂ ਹਰ ਤਰ੍ਹਾਂ ਦੀਆਂ ਸੁਵਿਧਾਵਾਂ ਪ੍ਰਦਾਨ ਕਰ ਰਹੇ ਹਾਂ।"
ਇਹ ਵੀ ਪੜ੍ਹੋ : 10 ਲੱਖ ਰੁਪਏ ਤੱਕ ਦੀ ਆਮਦਨ 'ਤੇ ਨਹੀਂ ਪਵੇਗਾ ਟੈਕਸ, ਨਵੇਂ ਟੈਕਸ ਸਲੈਬ ਦਾ ਐਲਾਨ ਜਲਦ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸੰਗਠਿਤ ਖੇਤਰ 'ਚ ਵਧਿਆ ਰੁਜ਼ਗਾਰ, EPFO ਨੇ ਨਵੰਬਰ 'ਚ ਜੋੜੇ 14.63 ਲੱਖ ਮੈਂਬਰ
NEXT STORY 
