ਨਵੀਂ ਦਿੱਲੀ (ਭਾਸ਼ਾ)– ਮੌਜੂਦਾ ਸਾਉਣੀ ਸੀਜ਼ਨ (ਗਰਮੀ ਦੀ ਬਿਜਾਈ) ਵਿੱਚ 21 ਜੁਲਾਈ ਤੱਕ ਝੋਨੇ ਦੀ ਬਿਜਾਈ ਦਾ ਖੇਤਰਫਲ ਤਿੰਨ ਫ਼ੀਸਦੀ ਵਧ ਕੇ 180.2 ਲੱਖ ਹੈਕਟੇਅਰ ਹੋ ਗਿਆ ਹੈ। ਇਸ ਦੌਰਾਨ ਦਾਲਾਂ ਹੇਠ ਰਕਬਾ 10 ਫ਼ੀਸਦੀ ਘਟ ਕੇ 85.85 ਲੱਖ ਹੈਕਟੇਅਰ ਰਹਿ ਗਿਆ ਹੈ। ਖੇਤੀਬਾੜੀ ਮੰਤਰਾਲਾ ਨੇ ਸੋਮਵਾਰ ਨੂੰ ਜਾਰੀ ਅੰਕੜਿਆਂ ਤੋਂ ਇਹ ਜਾਣਕਾਰੀ ਮਿਲੀ ਹੈ। ਪਿਛਲੇ ਸਾਲ ਇਸੇ ਸਮੇਂ ਦੌਰਾਨ ਝੋਨੇ ਹੇਠ ਰਕਬਾ 175.47 ਲੱਖ ਹੈਕਟੇਅਰ ਅਤੇ ਦਾਲਾਂ ਦਾ ਰਕਬਾ 95.22 ਲੱਖ ਹੈਕਟੇਅਰ ਸੀ।
ਇਹ ਵੀ ਪੜ੍ਹੋ : ਭਾਰਤੀ ਚੌਲਾਂ ਦੇ ਨਿਰਯਾਤ 'ਤੇ ਪਾਬੰਦੀ ਤੋਂ ਘਬਰਾਏ ਅਮਰੀਕਾ 'ਚ ਰਹਿੰਦੇ Indians, ਸ਼ਾਪਿੰਗ ਮਾਲ 'ਚ ਲੱਗੀ ਭੀੜ (ਵੀਡੀਓ)
ਝੋਨਾ ਸਾਉਣੀ ਦੀ ਪ੍ਰਮੁੱਖ ਫ਼ਸਲ ਹੈ, ਜਿਸ ਦੀ ਬਿਜਾਈ ਆਮ ਤੌਰ ’ਤੇ ਦੱਖਣ-ਪੱਛਮੀ ਮਾਨਸੂਨ ਨਾਲ ਸ਼ੁਰੂ ਹੁੰਦੀ ਹੈ। ਦੇਸ਼ ਦੇ ਕੁੱਲ ਚੌਲ ਉਤਪਾਦਨ ਦਾ ਲਗਭਗ 80 ਫ਼ੀਸਦੀ ਸਾਉਣੀ ਦੇ ਸੀਜ਼ਨ ਤੋਂ ਆਉਂਦਾ ਹੈ। ਅੰਕੜਿਆਂ ਮੁਤਾਬਕ ਸ਼੍ਰੀ ਅੰਨ ਜਾਂ ਮੋਟੇ ਅਨਾਜ ਦਾ ਰਕਬਾ 21 ਜੁਲਾਈ ਤੱਕ ਵਧ ਕੇ 134.91 ਲੱਖ ਹੈਕਟੇਅਰ ਹੋ ਗਿਆ, ਜੋ ਪਿਛਲੇ ਸਾਲ ਇਸੇ ਸਮੇਂ ਦੌਰਾਨ 128.75 ਲੱਖ ਹੈਕਟੇਅਰ ਸੀ।
ਇਹ ਵੀ ਪੜ੍ਹੋ : ਮੁੜ ਤੋਂ ਉਡਾਣ ਭਰ ਸਕਦੀ ਹੈ Go First, DGCA ਨੇ ਇਨ੍ਹਾਂ ਸ਼ਰਤਾਂ ਰਾਹੀਂ ਦਿੱਤੀ ਉੱਡਣ ਦੀ ਇਜਾਜ਼ਤ
ਗੈਰ-ਭੋਜਨ ਸ਼੍ਰੇਣੀ ਵਿੱਚ ਤੇਲ ਬੀਜਾਂ ਹੇਠ ਰਕਬਾ ਵਧ ਕੇ 160.41 ਲੱਖ ਹੈਕਟੇਅਰ ਹੋ ਗਿਆ ਹੈ, ਜੋ ਪਿਛਲੇ ਸਾਲ ਦੀ ਇਸੇ ਮਿਆਦ ਵਿੱਚ 155.29 ਲੱਖ ਹੈਕਟੇਅਰ ਸੀ। ਮੂੰਗਫਲੀ ਹੇਠ ਰਕਬਾ 34.56 ਲੱਖ ਹੈਕਟੇਅਰ ਤੋਂ ਥੋੜ੍ਹਾ ਵਧ ਕੇ 34.94 ਲੱਖ ਹੈਕਟੇਅਰ ਹੋ ਗਿਆ ਹੈ। ਦੂਜੇ ਪਾਸੇ ਸੋਇਆਬੀਨ ਹੇਠਲਾ ਰਕਬਾ 111.31 ਲੱਖ ਹੈਕਟੇਅਰ ਤੋਂ ਵਧ ਕੇ 114.48 ਲੱਖ ਹੈਕਟੇਅਰ ਹੋ ਗਿਆ ਹੈ। ਮੰਤਰਾਲੇ ਦੇ ਅੰਕੜਿਆਂ ਅਨੁਸਾਰ ਕਪਾਹ ਦਾ ਰਕਬਾ 109.99 ਲੱਖ ਹੈਕਟੇਅਰ ਤੋਂ ਮਾਮੂਲੀ ਘਟ ਕੇ 109.69 ਲੱਖ ਹੈਕਟੇਅਰ ਰਹਿ ਗਿਆ ਹੈ। ਗੰਨੇ ਹੇਠਲਾ ਰਕਬਾ 53.34 ਲੱਖ ਹੈਕਟੇਅਰ ਦੇ ਮੁਕਾਬਲੇ 56 ਲੱਖ ਹੈਕਟੇਅਰ ਸੀ।
ਇਹ ਵੀ ਪੜ੍ਹੋ : ਰੇਲ ਯਾਤਰੀਆਂ ਲਈ ਖ਼ੁਸ਼ਖਬਰੀ: ਜਨਰਲ ਡੱਬਿਆਂ 'ਚ ਮਿਲੇਗਾ 20 ਰੁਪਏ ’ਚ ਭੋਜਨ, 3 ਰੁਪਏ 'ਚ ਪਾਣੀ
ਸ਼ੁੱਕਰਵਾਰ (21 ਜੁਲਾਈ) ਤੱਕ ਸਾਰੀਆਂ ਪ੍ਰਮੁੱਖ ਸਾਉਣੀ ਫ਼ਸਲਾਂ ਹੇਠ ਕੁੱਲ ਰਕਬਾ ਵਧ ਕੇ 733.42 ਲੱਖ ਹੈਕਟੇਅਰ ਹੋ ਗਿਆ ਹੈ, ਜੋ ਪਿਛਲੇ ਸਾਲ ਦੀ ਇਸੇ ਮਿਆਦ ਵਿੱਚ 724.99 ਲੱਖ ਹੈਕਟੇਅਰ ਸੀ। ਦੱਖਣ-ਪੱਛਮੀ ਮਾਨਸੂਨ 1 ਜੂਨ ਦੀ ਆਪਣੀ ਆਮ ਤਾਰੀਖ਼ ਦੇ ਮੁਕਾਬਲੇ 8 ਜੂਨ ਨੂੰ ਭਾਰਤ ਵਿੱਚ ਕੇਰਲ ਦੇ ਤੱਟ ਨਾਲ ਟਕਰਾ ਗਿਆ। ਭਾਰਤ ਦੇ ਮੌਸਮ ਵਿਭਾਗ ਨੇ ਪਹਿਲਾਂ ਕਿਹਾ ਸੀ ਕਿ ਐਲ ਨੀਨੋ ਸਥਿਤੀਆਂ ਦੇ ਬਣਨ ਦੇ ਬਾਵਜੂਦ, ਭਾਰਤ ਵਿੱਚ ਦੱਖਣ-ਪੱਛਮੀ ਮਾਨਸੂਨ ਦੌਰਾਨ ਆਮ ਬਾਰਿਸ਼ ਹੋਣ ਦੀ ਉਮੀਦ ਹੈ।
ਇਹ ਵੀ ਪੜ੍ਹੋ : Johnson & Johnson ਬੇਬੀ ਪਾਊਡਰ ਕਾਰਨ ਹੋਇਆ ਕੈਂਸਰ, ਕੰਪਨੀ ਨੂੰ ਭਰਨੇ ਪੈਣਗੇ 154 ਕਰੋੜ ਰੁਪਏ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
CEIR ਨੇ 2.58 ਲੱਖ ਚੋਰੀ ਹੋਏ ਮੋਬਾਈਲਾਂ ਦਾ ਲਗਾਇਆ ਪਤਾ , ਸਿਰਫ 20,771 ਹੋਏ ਬਰਾਮਦ
NEXT STORY 
