ਮੁੰਬਈ : ਡਰੋਨ ਅਤੇ ਰੋਬੋਟ ਨਾਲ ਜੁੜੇ ਕਾਰੋਬਾਰ 'ਚ ਮੁਕੇਸ਼ ਅੰਬਾਨੀ ਦੀ ਦਿਲਚਸਪੀ ਵਧ ਗਈ ਹੈ। ਦਰਅਸਲ, ਰਿਲਾਇੰਸ ਇੰਡਸਟਰੀਜ਼ ਦੀ ਸਹਾਇਕ ਕੰਪਨੀ ਰਿਲਾਇੰਸ ਸਟ੍ਰੈਟੇਜਿਕ ਬਿਜ਼ਨਸ ਵੈਂਚਰਸ ਨੇ ਅਮਰੀਕੀ ਕੰਪਨੀ Exyn ਟੈਕਨਾਲੋਜੀਜ਼ ਇੰਕ ਵਿੱਚ 23.3 ਫੀਸਦੀ ਹਿੱਸੇਦਾਰੀ ਖਰੀਦੀ ਹੈ। ਇਹ ਸੌਦਾ 2.5 ਕਰੋੜ ਡਾਲਰ ਵਿੱਚ ਹੋਇਆ ਹੈ, ਜੋ ਕਿ ਭਾਰਤੀ ਰਕਮ ਵਿੱਚ 207 ਕਰੋੜ ਰੁਪਏ ਬਣਦਾ ਹੈ।
Exyn ਇੱਕ ਪ੍ਰਮੁੱਖ ਖੁਦਮੁਖਤਿਆਰ ਤਕਨੀਕੀ ਕੰਪਨੀਆਂ ਵਿੱਚੋਂ ਇੱਕ ਹੈ, ਜੋ ਡਰੋਨਾਂ ਅਤੇ ਰੋਬੋਟਾਂ ਨੂੰ GPS ਜਾਂ ਹੋਰ ਤਕਨਾਲੋਜੀ ਦੇ ਮੁਸ਼ਕਲ ਖੇਤਰ ਵਿੱਚ ਨੈਵੀਗੇਟ ਕਰਨ ਵਿੱਚ ਮਦਦ ਕਰਦੀ ਹੈ। ਦੱਸ ਦੇਈਏ ਕਿ ਰਿਲਾਇੰਸ ਇੰਡਸਟਰੀਜ਼ ਦੀ ਰੋਬੋਟਿਕਸ ਕੰਪਨੀ ਐਡਵਰਬ ਟੈਕਨਾਲੋਜੀਜ਼ ਅਤੇ ਡਰੋਨ ਕੰਪਨੀ ਐਸਟੇਰੀਆ ਏਰੋਸਪੇਸ ਵਿੱਚ ਪਹਿਲਾਂ ਹੀ ਵੱਡੀ ਹਿੱਸੇਦਾਰੀ ਹੈ।
ਇਹ ਵੀ ਪੜ੍ਹੋ : ਰਿਲਾਇੰਸ ਇੰਡਸਟੀਰਜ਼ ਦਾ ਇਕ ਹੋਰ ਵੱਡਾ ਨਿਵੇਸ਼, 2850 ਕਰੋੜ ਰੁਪਏ 'ਚ ਖ਼ਰੀਦੀ ਜਰਮਨੀ ਦੀ ਕੰਪਨੀ
ਰਿਲਾਇੰਸ ਇੰਫਰਾਟੈੱਲ ਲਈ ਇੰਨਾ ਪੈਸਾ ਦਿੱਤਾ ਗਿਆ
ਇਸ ਤੋਂ ਪਹਿਲਾਂ, ਰਿਲਾਇੰਸ ਇੰਡਸਟਰੀਜ਼ ਨੇ ਰਿਪੋਰਟ ਦਿੱਤੀ ਸੀ ਕਿ ਰਿਲਾਇੰਸ ਪ੍ਰੋਜੈਕਟਸ ਐਂਡ ਪ੍ਰਾਪਰਟੀ ਮੈਨੇਜਮੈਂਟ ਸਰਵਿਸਿਜ਼ ਲਿਮਿਟੇਡ (RPPMSL), ਜੋ ਕਿ ਟੈਲੀਕਾਮ ਕੰਪਨੀ ਜੀਓ ਦੀ ਸਹਾਇਕ ਕੰਪਨੀ ਹੈ, ਨੇ ਲਗਭਗ 3,725 ਕਰੋੜ ਰੁਪਏ ਵਿੱਚ ਰਿਲਾਇੰਸ ਇੰਫਰਾਟੈਲ ਵਿੱਚ 100 ਪ੍ਰਤੀਸ਼ਤ ਹਿੱਸੇਦਾਰੀ ਹਾਸਲ ਕੀਤੀ ਹੈ। ਮੁਕੇਸ਼ ਅੰਬਾਨੀ ਦੀ ਅਗਵਾਈ ਵਾਲੀ ਜੀਓ ਨੇ ਨਵੰਬਰ 2019 ਵਿੱਚ ਰਿਲਾਇੰਸ ਕਮਿਊਨੀਕੇਸ਼ਨਜ਼ ਦੀ ਕਰਜ਼ੇ ਵਿੱਚ ਡੁੱਬੀ ਸਹਾਇਕ ਕੰਪਨੀ ਦੇ ਟਾਵਰ ਅਤੇ ਫਾਈਬਰ ਸੰਪਤੀਆਂ ਨੂੰ ਹਾਸਲ ਕਰਨ ਲਈ 3,720 ਕਰੋੜ ਰੁਪਏ ਦੀ ਬੋਲੀ ਲਗਾਈ ਸੀ।
ਰਿਲਾਇੰਸ ਕਮਿਊਨੀਕੇਸ਼ਨ ਦਾ ਪ੍ਰਬੰਧਨ ਮੁਕੇਸ਼ ਅੰਬਾਨੀ ਦੇ ਛੋਟੇ ਭਰਾ ਅਨਿਲ ਅੰਬਾਨੀ ਦੁਆਰਾ ਕੀਤਾ ਗਿਆ ਸੀ। ਨੈਸ਼ਨਲ ਕੰਪਨੀ ਲਾਅ ਟ੍ਰਿਬਿਊਨਲ (NCLT) ਨੇ ਨਵੰਬਰ ਵਿੱਚ RPPMSL ਨੂੰ ਰਿਲਾਇੰਸ ਇੰਫਰਾਟੈੱਲ (RITL) ਨੂੰ ਹਾਸਲ ਕਰਨ ਲਈ ਮਨਜ਼ੂਰੀ ਦਿੱਤੀ ਸੀ।
ਇਹ ਵੀ ਪੜ੍ਹੋ : NPPA ਦਾ ਅਹਿਮ ਫ਼ੈਸਲਾ, ਸ਼ੂਗਰ ਤੇ ਹੈਪੇਟਾਈਟਸ ਸਣੇ ਕਈ ਦਵਾਈਆਂ ਦੀਆਂ ਕੀਮਤਾਂ 40 ਫ਼ੀਸਦੀ ਤੱਕ ਘਟਾਈਆਂ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਸ਼ੁਰੂਆਤੀ ਕਾਰੋਬਾਰ 'ਚ ਰੁਪਿਆ ਸਥਿਰ
NEXT STORY 
